#الكائن_البيتوتي_النائم..!!
- خايفه ترتبطي عشان ماتستهلكيش مشاعرك فِ علاقه مُزيفه ؟
= ماعنديش مشاعر اصلاً
- خايفه ع نفسك من الوجع ؟
= لأ أنا جبلة مابحسش
- مش عاوزة تعبري عن أحاسيسك الرُومانسيه ؟
= ماعنديش أحاسيس أساساً, جبلة بقولك
- اكيد مش حابه تعيشي صراعات الإرتباط والغيره ؟
= خُلقي ضيق
- خايفه ترتبطي بواحد أهلاوي وانتي زملكاويه ؟
= مابحبش الكورة
- مالكيش فِ الإرتباط الروتيني .. بتحبي الجنون .. صح ؟
= لأ انا كئيبه
- فهمتك يا لئيمه, عاوزه واحد فرفوش يهشتكك ويبشتكك ؟
= وانتي مال أمك انتي
- تبقي عاوزه حد أبيح وبيشتم .. علاقه اوبن مايندد كدا ؟
= لأ مش ناقصه وساخه
- اومال مش عاوزه تتنيلي ع عينك وترتبطي ليه ؟
= بنام كتير والإرتباط عاوز سهر وأنا ماليش خُلق
- وهتعيشي لوحدك فِ الحياة ؟
= ما أنا معايا الشاحن
- بس ؟
= وامي بتسيبلي بواقي الاكل ف التلاجه
- هتعيشي مع الشاحن وبواقي الأكل !
= وكانز البيبسي, بخبيه ف دُرج التلاجه وبشربه بليل لوحدي
- يابنتي لازم تخرجي من اوضتك وتتعاملي مع الناس
= بكرا لما اصحي نشوف الموضوع دة
- مش هينفع يومك كُله نوم, الِ فِ سنك Business woman وعندهم ملايين
= عادي ما أنا sleep woman وبنام 17 ساعه
- إزاي حياتك كُلها نوم وسوشيال ميديا وشاحن موبايل وبواقي اكل
= وفِ فيشه جنب السرير
- إيدااة بيجاااد ! عندك فيشه جنب السرير؟ يعني مش بتقعدي جنب التلاجه ولا فوق الغساله أو تُقعدي فِ رُكن الأوضه المُظلم زي الحبس الإنفرادي ع امل إن فونك يشحن 7% بس
= عندي فيشتين جنب السرير
- ينفع اجي اعيش عندك ؟
= و إرتباطك وحياتك وإلتزماتك والريكسونا الِ تحت باطاتك
- انا بيتوتيه اصلا؛ مسميني ف البيت السُلحفاه سارة
= لو جيتي عندي, هنام ونقوم ونقوم وننام
- أنا خُم نوم اساساً
= وهنرمي هدومنا ع الكراسي ؟
- وعلي المكتب وتحت السرير كمان لو حابه
= لو عطشت بليل هتقومي تجيبي مايه ؟
- هنخزن اززيز مايه جنب السرير
= وبواقي الاكل والزباله ؟
- هتتحط تحت السجاده
= نورتي الزريبه
- منوره بـ بهايمها يا حبيبتي
أنت تقرأ
وجهااات النظر السااخرة
Humorالقصة دي بتعبر عن وجههات النظر الساااخرة - ومعظم الحاجات اللي بتحصل في حياتنا اليومية - وتفكير واساليب بعض الناس❤
