وجهااات النظر السااخرة

#وجـهـة_نـظـر (5)

#اُخــت_العروسـه..!!

مش فاهم ليه قبل فرح اُختك تعملي بيكتشر مكتوب عليها اُخت العروسة مع إن لقب اُخت العروسة ليه فوائد أهم من الصوره وبوستات الفيسبوك الِ بتقرفينا بيها وجو الفرح دا يخُصنا والعروسة من عندنا.

الأوضه : أهم شئ بعد جواز اُختك إن الأوضة هتبقي بتاعتك لوحدك وأصبحتي رئيسة جمهورية الأوضة .. المخدات والملايات والبطاطين كلهم هيعملولك ألف حساب.

النت : سُرعة الـwi-fi هتبقي ليكي لوحدك، داونلود براحتك ، مُسلسلاتك الكوري بجوده HD وتتفرجي علي كوشك وأرنافك الهنود وقناه ميكي .. هاا .. ميكي يابت بتاعت الأطفال.

الدولاب : أخيراً وبعد طول إنتظار هيكون ليكي دولاب لوحدك ومش بس كدا, إنتي لما تبقي خارجه وعاوزه الطرحه البينك هتلاقيها مكانها وكمان نضيفه اُقسم بالله .. الِ كانت بتلبس طُرحك إتجوزت خلاص.

الكهرباء : هتنامي وقت ماتحبي براحتك وتقفلي نورك ومش مُجبره تنامي والنور شغال وتتحملي الإضاءه عشان اُختك بتخاف من الضلمه أو بتذاكر فِ النور او فاتحه فيس! خلاص هتضلميها وتخليها سواد زي أيامك

الشاحن : مش هتتخانقوا ع الفيشه او مين يشحن الأول، خلاص عديتي الفقر والفيشه بقت ملكك إنتي وبس, تشحني ماتشحنيش الفيشه أصبحت رهن إشارة معاليكي, وكمان الهاندفري مش هيتاخد منك عافيه تاني.

المخدات : تختاري اي مخدة تعجبك تنامي عليها .. مش يتاخد منك المخدة الطريه ويترميلك المخدة الناشفه زي المساجين .. خلاص شُغل المُعتقل دا من النهاردة إنتهي .. ربنا فك اسرك

النحنحه : لو مرتبطه بقي ما اقولكيش أحلي دلع اُقسم بالله, كلام حُب براحتك .. كدب علي الواد وتشتغليه براحتك .. تقوليله لابسه هوت شورت وقط إسود مع إنك بتبقي نايمه ببنطلون البيجامه وتيشرت المُنتخب.

العربية : وأخيراً هيفضي كُرسي فِ عربية والدك والمكان هيوسع، ولو خارجين تتفسحوا أو رايحين مصيف هتبقيِ قاعدة براحتك وكفايا جو الفخاد المُلتصقه ده .. وبعدين كُله إلاا الفخاد يا عنيا .. دا أكل عيش