#الفضوليين..!!
- كلمتك إمبارح ما ردتيش ليه ؟ هاا كان فِ إيه ؟ و كُنتي بتعملي ايه ؟ هاا
= معلش والله يا ساره معرفتش أرد كُنت خارجه مع عمرو
- إيه دا و روحتو فين ؟ و رجعتوا امتي ؟ هاا
= خرجنا نتعشي و بعدين روحنا قعدنا فِ كافيه ، و رجعت ع 11 كدا تقريباً
- خرجتي معاه بعربيته مش كدا ؟ هاا
= أكيد طبعاً عربيته، هو انا يعني عندي عربيه ! اسألتك غريبه
- غريبه ليه هاا ؟ و بعدين عادي يعني بحس ان عاوزه اعرف التفاصيل فَ بسأل
= مممم التفاصيييييل !
- بقولك , هو فتحلك باب العربيه و إنتي بتركبي هاا ؟
= لاااء
- فتحلك التكييف هاا ؟
= أه
- شغلك احمد جمال ياللي شمس الدنيا تطلع لما تطلع ضحكة منك هاا ؟
= لاااء
- كدا أستبعد إن حصل اي رومانسيه فِ العربيه، طب وهو بيدي غيار ع الفتيس لمس ايدك هاا؟
= إيه يابنتي مالك !
- و ربنا ما أعرف ، بس فِ حاجه جوايا بتاكل فيا و تخليني عاوزه اسأل
= أنا بالنسبالي عادي، بس لو حد غريب هيقلق منك بسبب الأسئله دي
- مش هسأل تاني غير للضروره و الحاجات المُهمه بس
= براڨو لازم تتعودي
- أتعود ليه هاا ؟
= ساره و بعدييييين !
- خلاص خلاص، أخر سؤال بس؛ هو طلبلك عصير مع الاكل ولا بعده هاا ؟
= .....................
- خلاص متتعصبيش, أنا ابقي بنت كلب لو سألت تاني اساساً
= احسن برضو
- طب بُصي اخر حاجه , هو مين الِ دفع الحساب هاا ؟
= .....................
- هو الِ دفع هاا ؟
= .....................
- إنتي الِ دفعتي هاا ؟
= .....................
- يبقي إنجليزي كُل واحد دفع لنفسه هاا ؟
= ساره بجد أنا زهقت !
- زقهتي ليه هاا ؟ هو ضايقك ولا حاجه بعد العشا هاا ؟
= .....................
- يبقي أكيد سابك تروحي لوحدك صح هاا ؟
= .....................
- حبيبتي أوعي تضايقي نفسك الرجاله كُلها مصطفي ابو حجر اصلاً هاا
= .....................
- هقوم أشوف حاجه أكُلها, و لما أرجع تحكيلي الِ حصل بقي ونشوف هنعمل إيه و نبرره سبب الإنفصال وكمان لازم نفكر هنجيب الغلط عليه إزاي مااشي هاا ؟
****--*********--********----***
آعمـلو تصـوويت يآبني ءآدمـين 😂😂
أنت تقرأ
وجهااات النظر السااخرة
Humorالقصة دي بتعبر عن وجههات النظر الساااخرة - ومعظم الحاجات اللي بتحصل في حياتنا اليومية - وتفكير واساليب بعض الناس❤
