وجهااات النظر السااخرة

#وجـهـة_نـظـر [8]

#الفتاه_العشوائيه..!!

- مُشكلتك يا إسراء إنك عشوائيه فِ تصرُفاتك

= عشوائيه إزاي؟

- إمبارح لما مسكت ايدك, صوتي ولميتي الناس علينا ! زي ما اكون اغتصبتك 

= ما إنت الِ لطخ, تمسك إيدي ليه أصلاً ؟ 

- ياستي كُنتي تعاتبيني مش تلمي الناس علينا

= بعد كِدا لو مسكت إيدي هديك بالشلوط

- بالشلوط ! برضو كلامك عشوائي

= و لا تزعل نفسك هديك لوكاميه فِ وشك

- لوكاميه دي لغوها من ايام محمد علي كلاي؛ إرميني برُمح فِ صدري احسن

= دا إنت الِ قديم, هي مصر لسه فيها رُمحااات

- خدتك ورا الأهرامات

= بقولك إيه انا مبحبش حد يعيب ع كلامي ومتعملش تأليشات عليا

- يعيب وتأليشات ! ماترحمي ميتين اهلي بقي

=  بطل تفاهه وخلينا نتكلم فِ المُهم

- إيه بقي المُهم بتاع سعادتك ؟

= عملت جروب ع الفيس وهعملك أدمن معايا

- دا غير الـ17 جروب والـ3 بيدچات الِ مفيهاش غيري أنا و انتي و7 صُحابك ؟

= يابني دا حاجه مميزه وسبيشال جداً؛ إسمه 'صُحاب و بس'

- دا أخرك فِ التميز ! دا فِ مليون جروب بنفس الإسم

= أخليه اجدع صُحاب ؟

- بس يا إسراء

= صُحاب فور إيڨر ؟

- إرحميني يا إسراء

= أصدقاء اوفياء ؟

- كفايا يا إسراء

= وربنا لمسحك من الجروب؛ هنعمل ريليشن شيب ع الفيس إمتي ؟

- مُستحيل أعمل ريليشن مع واحده إسم الأكونت بتاعها, هكتب تحت جزمتي الحُب مش سكتي

= أغير الاسم ؟

- أرجوكي

= هسميه زغزغنى فِ كوعى وامسحلى دموعى

- ابوس إيدك اسكُتي

= أُنثي بلا رجل ؟

- أحااا

= فتاه بالنقاب تجملت ؟

- إرحمي ميتين أمي

= مجنونه رسمي ومش هكتب إسمي ؟

- فُكك من الفيس, أنا عملتلك بلوك اساساً، خلينا نستمتع بالمكان

= هو دا بقي سوستا كافيه الِ الناس بتتكلم عنه ؟

- لأ السوستا دي فِ بنطلونك، لكن ده إسمه كوستا كافيه ياروحي

= أنا برضو الِ قديمه ! مكتوب costa يا بيه بـ C تبقي سوستا يا أبو جهل

- سيبك من اُم الإسم خالص، هتشربي إيه ؟

= نادي الصبي يجيبلي حلبه حصي ولو مافيش خليه يجيب كركديه عناب او لموناته

- قومي يا إسراء روحي

******************************
سوري اتاخرت عشان الدراسة والمذاكرة
اجودعاان ع فكرة انا سالت شيخ وهو قالي انه التصويت مش حرام 😂😂
لو مكلسين تعملو كومنت اعملو فووت
متاابعوش في صمت مش حتتكهربو يعني 😂😂