وجهااات النظر السااخرة

#وجهہ‏‏‏‏ه__نظـر(7)

#تحية_العلم_فِ_الجامعات..!!

الناس الِ بتقول إن التعليم فِ مصر مش بيتطور، ياريت زي مابتذكر السلبيات تذكر برضو الإيجابيات .. الجامعات حالياً أصبح فيها تحية العلم ودا شئ يدعو للتفاؤل والأمل .. شئ بيدل علي الإنتماء والوطنية وتحيا جمهوريه مصر العربيه و واحد فول واتنين طعميه .. ياشعب مهلبيه !

بناشد إتحاد الطلبة الِـ بيعملوا Events عشان يشقطوا بنات, ياريت نسيب الشقط ونعمل فقره إسمها الإذاعه الجامعيه قبل تحية العلم, فقره مكونه من 5 طُلاب, الأول يقرأ قُرآن والتاني حديث والتالت هل تعلم والرابع حكمه اليوم والخامس يجيب فرع شجره وينزل ضرب فِ الأربعه الباقيين.

ممكن نلغي لقب 'عميد الكُليه' ونخليه ناظر الكُليه, وياريت الدكاتره والمُعيدين الِ عندهم المُحاضره الأولي يقفوا قُدام الطلبه عشان بعد تحية العلم نعمل Line ونطلع الفصل قصدي المُدرج ؛ وعاوزين حصه ألعاب, وماتقوليش انتوا كبرتوا ع اللعب ! يعني كبرنا ع اللعب ومكبرناش ع طابور الصباح بروح امك !

المفروض الجامعات تبقي كريتيف وتغير إستدعاء ولي أمر لـ إستدعاء الـBest friend .. وطبعاً البيست فريند هتدخل للناظر تقوله, كوكي ! مُستحيل كوكي تعمل كدا ! كوكي دي بنت قلبي، عموماً أنا هعاقبها ومش هعملها لايكات لمدة اسبوع، معلش سامحها ياعمو الناظر

بعض البنات الِ بتحُط بودره مائيه واي شادو وايلاينر وميكس ميك آب وداخله الجامعه ملفوفه لفه هديه, يرضي مين توقفوها فِ الشمس تحيي العلم؟ يعني البنت جيالكوا فِ قمة الجمال ترجعوها جمال نفسة

بالمناسبه,هيبقي فِ كريب وشاورما عادي فِ الجامعه ؟ ولا الموضوع هيتحول لكانتين بيبسي وباتيه واندومي ! أنا لو مالقتش كريب أروح فيكوا فِ داهيه, وبالنسبه للبنات هتكراش علي مين لأمؤخذه ! دا الواد السوري بتاع الشاورمه هو الِ مصبرهم ع المخروبه بتاعتكوا