وجهااات النظر السااخرة

#وجهہ‏‏‏‏ه__نظـر(3)

#بحب_الأكل_بس..!!

= الفلوس الِ صرفتها ع كرشك فِ خروجه إمبارح كفيله تسدد ديون مصر

-  دول هُما 3 شاورما بس

= قصدك 6 شاورما ، 3 فراخ و 3 لحمه

- 6 بس

= و عصير البطيخ ؟

- اه و عصير بطيخ بس

= و 2 شيبسي جبنه مُتبلة ؟

- اه و 2 شيبسي بس

= و كانز البيبسي ؟

- هو اي كلام و خلاص انت مجبتش بيبسي

= أومال إيه الِ فِ ايدك بتطفحية ده !

- دي ميرندا تفاح علي فكرة بس

= و الايس كريم ؟

- اه واحد ايس كريم فراولة بس

= و الدُره المشوي ؟

- 3 دُره بس

= و الشوكولاتات ؟

- 4 كابري و 2 كيت كات بس

= فِ ايه انتي علقتي علي بس بس ! ده إنتي ناقص تبلعيني

- قصدك إني طفسة ؟

= لا سمح الله، بس لا يُمكن تكون الِ فِ بطنك دي مِعدة, دا أكد نفق و نفق مالوش اخر

- لاحظ إن كلامك جارح

= هو انتي بتحسي؛ و إيه البتاع الِ بتطفحية ده

- ده كورن فليكس باين .. تاخُـد ؟

= نهارك أسود كلتي السيريلاك بتاع اُختك الصغيرة !

-  ماهي نامت ، و انا جعانه اعمل ايه يعني ! اموتلكوا مِن الجوع

= دا انتي لسه ضاربة طبقين محشي وماغزمتيش عليا بصُباع واحد يا كافرة

- دول طبقين محشي بس

= ينعل ميتين اُم بس الِ مَسكهالي دي

- فِ ايه بس ؟

= غوري ينعل ديك معرفتك ع المسا

- استني بس