#الزواج_يُدمر_الصحه_ويسبب_الوفاه..!!
- أنا عاوز أتقدملك
= سوري مش هرتبط دلوقتي
- إيه دا الِ مش دلوقتي لامؤاخذه ! ؟ بقول هتقدملك ونتجوز
= عارفه ؛ بس فِ أهداف وطموحات عاوزه أحققها الأول
- طموحات إيه ! الست مالهاش غير بيت جوزها
= والرجاله مبناخدش منهم غير الهم والصوت العالي
- إنتي وظيفتك فِ الجواز تجيبي إزازه المايه لما أعطش بليل
= مش هتفرق عن وظيفتك لما تموت الفيران وتضرب الصراصير
- الست مُهمله وبتحط التُراب والزباله تحت السجاده
= والراجل مُقرف وبيطفي السجاير فِ كوباية الشاي
- الست عباره عن كائن ريحتة بصل وتوم وتقلية .. يابتاعت التقلية
= ما إحنا بنعملكوا الطفح يارجاله عبارة عن كرش مدلدل وصلعه بتنور فِ الضلمة
- الستات شك وغيرة وحاجه تقرف
= دا إسمه حُب يا صنف مايملاش عينه إلا التُـراب
- العيشة معاكوا تطفش من البيت
= علي الأقل بتطفش .. مش محبوس بين أربع حيطان ياعنيا
- حياتكوا كلها طلبات ' وهات هات هات ' جتكوا القرف
= أومال عاوزنا نصرف عليكوا يارجاله بشنبات !
- ينعل أبو الستات
= ملعون ابوكوا رجاله
- قُطع الجواز وسنينه السوداا
= قُطع مليون مره ، ينعل ابو الِ يعاشركوا
- عاوز اعرف مين ابن كلب قال ان البيت من غير ست مالهوش لزمه
= وانا عاوزه أعرف نفس ابن الكلب الِ قال ضل راجل ولا ضل حيطه
- ........................
= .......................
- سيبك انتي؛ بس الجواز إستقرار
= عندك حق يا حبيبي
- نتجوز ؟
= مافيش خيار تاني، شر لابُد منة
- ع بركة الله ؛ نكمل المسيرة الإجراميه
_______________________________
انت وانتي يللي بتابعو روايتي
حطلب طلب بلاش تتابع بصمت مش حيحصلوكو حاجة يعني لو عملتو تصويت
مش بيكهرب وربنا😂😂🐸🐸
أنت تقرأ
وجهااات النظر السااخرة
Humorالقصة دي بتعبر عن وجههات النظر الساااخرة - ومعظم الحاجات اللي بتحصل في حياتنا اليومية - وتفكير واساليب بعض الناس❤
