هل أنا أبكي ؟
أجل أنا أبكي ، الدموع تنزل حارة متصلة من عيني و ابدا بالنشيج .
احاول التوقف بان انظم تنفسي لكن لا استطيع
احاول و احاول و احاول لكن لا استطيع التوقف عن البكاء .
-"انا كويس ، انا كويس" أردد محاولا جعل عقلي يتوقف عن التفكير في الامر
لكن لا فائدة ، بدون تفكير قمت بتشغيل الفيديو الرابع لكي انشغل به عن البكاء
تظهر مريم اوهن من ذي قبل و قد فقدت جزءا كبيرا من وزنها و بدت شاحبة كالشمع
-"اهلا يا مراد .... " انفرطت في نوبة من السعال ، كان الامر اسوا هذه المرة ، بكثير
بعد دقيقة هدات قليلا و اكملت
-"النهاردة ، ٣٠ أكتوبر ٢٠١٧ ، انا بس حبيت اقولك اني بدات العلاج الكيماوي ، -كح كح- كل حاجة مبقالهاش طعم ، و كل حاجة بقت بتوجع ، صدقني السرطان ده حاجة مينفعش تهزر فيها ، مش المرض اللي باقترحه و مش رومانسي زي ماهو بيبان ، هو كله عبارة عن الم ، الم ليك بسبب الورم اللي بياكل جسمك ، الم الناس اللي حواليك و هما شايفينك بتتالم و مش قادرين يعملوا حاجة ، المك و انت شايفهم مش عايشين حياتهم تقريبا بسببك و الالم الابدي اللي انت هتسببهلهم لما تموت " مسحت عبرات من الحزن سالت علي وجهها
-"عمتي متعرفش حاجة عن الموضوع لحد دلوقتي الدكتور مخبي عليها عشان مش هتستحمل . بس هيا مصيرها تعرف " نوبة اخري من السعال تكاد تبصق احشائها بسببها
-"انا خدت بالي اني مقلتلكش شكرا ، انت انقذت حياتي . اي نعم انا هاموت قريب برضه بس انت دافعت عني ، و كمان انكرت نفسك ." ابتسمت عند هذا الجزء و نظرت لاعلي متذكرة الامر
-"انت عارف ، احنا كان المفروض نعرف بعض في ظروف احسن من كده ، بس اهو......
حكمة ربنا . انا بس عايزة اشكرك علي حاجة كمان ، انك ادتني الامل في الحياة ، فهمتني قد ايه الحياة بسيطة ، و متستاهلش كل ده و اني لازم استمتع بحياتي "اجتاحتها نوبة من السعال اقوي من ذي قبل
لم تستطع التوقف ، بدات تفقد الوعي ، و لكنها نجحت ان تطفئ الكمبيوتر و الكاميرا
ماذا حصل ؟ توقفت عن البكاء اخيرا
شغلت الفيديو التالي
كانت مريم قد بدات التسجيل في وقت غروب الشمس كانت قد استعادت جزءا من وزنها .
و تجلس علي كرسي متحرك
-"اهلا مراد ... " قالتها بدون حماس .
لاحظت ذلك و لاحظت هي ايضا ذلك
صمتت قليلا مطرقة راسها الي الارض محاولة ان تتمالك نفسها و الا تبكي ثم اكملت بصوت متحمس اكثر هذه المرة
-"اهلا مراد ، النهاردة ..." لم تنظر نحو النتيجة هذه المرة و لكنها نظرت نحو شاشة الكمبيوتر لتري الساعة ثم اكملت -" تلاتاشر نوفمبر ٢٠١٧ ، حاولوا يستاصلوا الورم اللي في النخاع لكن ... زي مانت متوقع ، الدكتور خبط في الاعصاب الطرفية و اللي ادي لشلل الرجل الشمال . انا طبعا ممكن استعمل عكاز بس عمتي قالت لازم كرسي متحرك عشان انا عيانة و دايما باعلق محاليل و كده ، قلتها و تاني باقولها ، السرطان مش رومانسي . " تنهدت قليلا مدركة كم كانت سخيفة ثم اكملت
-"انا بس حبيت اقولك ان انا نجحت و دخلت كلية الفنون التطبيقية و عديت امتحان القبول ، و ده طبعا بعد ربنا سبحانه و تعالي بفضلك ، انت اديتني دفعة لقدام ، اينعم انت غالبا دلوقتي نسيتني بالكامل بس انا فاكراك ، متخافش .
و لسه باحبك يا مراد"
——————————————————
Author's note
شابتر مفاجاة اهو ، استمتعوا
لو عجبتكوا ابعتوها لاصحابكوا ، و vote
أنت تقرأ
ابقي معي Stay With Me
Kinh dịلا زالت خيالاتي تطاردني ، هل ما أراه واقع؟ أم أنه أنت؟ وجهك يظهر في مخيلتي كلما رأيت شيئا جميلا كأنما عقلي قد ربط الجمال بك ، سأحبك للأبد #192 horror world wide Enjoy reading
