ابقي معي Stay With Me

الفصل السابع عشر

-"طب ليه؟"
-"ليه انت بتصحي كل يوم تعيش حياتك؟
اكيد عندك حد بتحبه او شغل بتحبه او هواية بتحبها"
-"و هوايتك هي تدمير حياة الناس؟"
-"ايوه"
لم اعرف لماذا او كيف يستطيع شيطان او شبح او ايا كان ان يدخل الي هاتفي
-"تفتكر التحويلة اللي اتعملت في الطريق دي صدفة ؟ .
تفتكر ان العربية اللي كسرت الاشارة و رجلك دي صدفة؟ .
تفتكر ازاي راجل اقال من اربعين سنة من غير اي تاريخ في الامراض العقلية يصاب بمرض ضلالات ؟"
-"بسببك؟"
-"انا عايز روحك"
-"ليه؟"
-"ليه ادم خد التفاحة ؟"
لم أجد ردا ،
-"مريم بتحبك و انت بتحبها ، انا ماقدرش اعيش كده. كمية سلام كتيرة فبالعب لعبة ."
-"انا مش عاوز العب"
اتجهت الي المسجد ، كنت احتاج لذلك الصفاء النفسي الغائب من حياتي .
صليت .... ادركت انني لم اصل منذ فترة ، هدأت الامور ، لم يعد الكون مرعبا كما كان.
رآني امام المسجد فاتجه الي مرحبا بعودتي
-"مراد ... بقالنا فترة مش بنشوفك . كنت مسافر؟"
-"حاجة زي كده.....الا قولي يا مولانا"
-"قول يبني"
-"هو الشيطان يقدر يتحكم في الانسان؟"
-"مش مباشرة"
-"ازاي"
-"سيدنا ايوب ، الشيطان قتل ولاده و خسره ثروته و  خلاه يبقي مريض جدا"
-"الشيطان قدر يدخلني جوه خيال غريب"
-"ازاي ؟"
-"اتخيلت ان مراتي ماتت."
بدا الشيخ كانما قد راي شبحا يعرفه .... صمت لثوان ثم قال "تعالي معايا يا مراد"
اتجه الشيخ الي مكتبة المسجد ، غرفة صغيرة بجانب المسجد مليئة بمختلف الكتب .
سحب كتابا متربا الي حد كبير و لكن الثنايا في اطرافه تدل علي ان احدا كان يقراه بكثرة
اخذ الشيخ يقلب بين الصفحات حتي وصل الي صفحة
-"طب ده اتخلص منه ازاي يا مولانا؟"
-"الموضوع بسيط يابني"
قلب في الصفحات ، كل ما لمحته صور عديمة الملامح
توقف عند صفحة مهترئة نسبيا عن باقي الصفحات
كانت الصورة لهذا الكائن أقبح شيئ رايته في حياتي
تخيل حيوان نتج من تزاوج كلب و تمساح
قبيح اليس كذلك؟
-"لازم تعمل اللي في الصفحة دي بالظبط في المكان اللي حسيت بوجوده لأول مرة
كان هذا المكان هو المنزل ، اخذت في القراءة و لكن وجدت هاتفي يرن برسالة
-"انت فاكر هتبقي في امان في المسجد؟😈"
..........
————————————
Author's note:
القصة وصلت 300 read
بقت رقم ١٩٦ عالعالم و ده مكنش هيبقي ممكن من غيركوا
باشكر كل واحد او واحدة قروا و عملوا vote