*** ما تنسوا التصويت على اجزاء الرواية وما تحرموني من تعليقاتكم ***
انا يارا عايزة احكي قصتي لانها غريبة شوية و أن شاء الله الناس تستفيد منها كمان سميتها غصة لاتها فعلا غصة كانت مؤلمة بالنسبة لي ( غصة يعني خنقة او الم ياتي في الحلق عند الحزن او البكا )......
اساسا كنا عايشين في الكويت ابوي شغال هناك مهندس معماري ......و امي نفيسة كانت خريجة اقتصاد بس عشان سافرت مع ابوي و بقت في ولادة و كدا بقت ماسكة البيت بس ......مافكرت تشتغل و نحنا اساسا تلاتة بتين وولد ......اختي اسمها يمنى و اخوي اصغر واحد اسمو ياسين ......بداية قصتي الغريبة بدات لما يوم اتصلو ناس على تلفون البيت و امي ردت ........يا مدام زوجك الان موجود في المستشفى .....سجمي وب علي في شنو يا رب سترك .......قعدنا نحنا مع البت الشغالة و امي مشت ......كنت عمري 7سنوات في تانية مدرسة و يمنى في الروضة و اخوي ياسين كان عمرو يادوب سنتين .......انتظرنا امي و اليوم داك اتاخرت رغم انو اخواني كانو مشغولين باللعب ......بس انا كان قلبي مقبوض و حاسة في حاجة غريبة حاصلة .......
امي المساء جات و هي غرقانة بالبكا ......مسكتنا و بقت تبكي و جو ناس بنعرفهم كتار و الجيران و البيت أتملي .......ابوي اتوفى و الايام السودا بدت تدخل حياتنا .......
امي شالت استحقاقات بابا و نزلنا السودان و طبعا طبيعي امي نزلت عند ناس جدو و حبوبة .....الشي الفهمتو قالو ابوي وقع من السقالة أثناء الشغل .......لما وصلنا البيت اتملي ناس برضو .......و عزاء و جو اعمامي ما بعرفهم بس كان دي اول مرة و آخر مرة اشوفهم .....ما فكرو انو نحنا حنعيش كيف يتامي و لحمهم و دمهم كل زول مشى يشوف نفسو و حالو و انفضي العزاء و نحنا فصلو لينا عند ناس جدي زي غرفة و برندة كدا ختينا عفشنا فيهم ......عندي خالتي عمرها كان زي 10 سنوات قريبة لي في العمر شديد و كانت اصغر واحدة في خالاتي حبوبتي بعدها ما جابت تاني .......
امي انا اعمل شنو والله لازم اشتغل و ادخل البنات ديل المدارس عشان العام الدراسي ما يضيع عليهم ......انتي يا نفيسة بخيلة كدا مالك و داسة القروش لي شنو و من منو و بتبخلي علي منو ؟ علي اولادك ؟ البقريهم ليك منو انتي شايفة ابوك ياداب بكفي البيت و المصاريف و لسة علا بتي صغيرة عندها مدرسة و مصاريف خيالية .......نفيسة عاينت لي امها باستغراب ......لالا يا امي والله استحقاقات ابراهيم ياداب تكفينا .......امها عاينت ليها بي قعر عينها و مشت خلتها .......نفيسة بقت تقول يعني يا نفيسة اكلي نارك براك .......
نفيسة بقت كل مرة تطلع تمشي تفتش شغل و تقدم شهاداتها و اوراقها .......دخلت بناتها المدرسة بالفي و كل يوم سرحانة و نايمة بالهموم الشايلاها و كل يوم القروش ماشة ناقصة ......و في يوم من الايام يارا جات من المدرسة معاها اختها الصغيرة .......حبوبة امي وين ......انا البعرفني شنو كمان .......يارا و يمنى قعدو في السرير المقابل ......ما تمشو بي غادي غيرو ملابس المدرسة دي ........لقينا الباب قافل .......امكم دي الليلة اتاخرت كدي مالها اصلو دي معاينة شنو دي ........علا جات طالعة من غرفتها شايلة علبة فيها حلويات و شكلولاتة .......يارا و يمنى بقو يعاينو ........امي شوفيها بتعاين لي في حلاوتي ......علا روقي ساي .......يمنى مشت وقفت جنب علا و براحة قالت ليها اديني ......يارا اتخلعت جرت مسكتها من يدها بس يمنى اصرت إلا يدوها حلاوة ......علا قالت ليها مام مافي ليك .......يمنى بدات تبكي ......جات محاسن حبوبتها من هناك امشو يلا امكم تدسدس في القروش خليها تجيب ليكم الدايرنو امشو مشت بطنكم يا اولاد ابراهيم .......
يارا العبرة خنقتها و يمنى بتبكي بي أعلى صوت .....حسو بالحرمان ......مشو انتظرو امهم .......خلو محاسن تنقنق ابراهيم ابوهم دا التقول كنت حاسة بيهو اصلو ما اتبلع لي اسي كان عرست محمد ود خالتها ماشاء الله كان اسي مستتة معاهو ......عاد نقول شنو قوة الراس و القسمة .......
يارا و يمنى قعدو جنب الغرفة حقتهم منتظرين امهم لحدي ما جات قريب المغرب ......لقتهم قاعدين بي هدوم المدرسة ......جات شايلة ولدها ......معليش حبايبي اتاخرت عليكم ......المقعدكم بي جاي شنو كان تمشو لي حبوبتكم ......امي عايزة شكولاتة و الدموع نازلة ......يمنى الببكيك كدا شنو اصبري النفتح الباب بشتري ليك اي شي ........امي حبوبة طردتنا .......لالا يا يارا ما تقولي كدا كيف حبوبة طردتكم ...ّ...اقسم بدين محمد قالت لينا امشو لي بيتكم و انا اسي جيعانة يا امي شديد .......ما اتغديتو يا يارا .......لالا يا امي ما اتغدينا والله .......نفيسة العبرة خنقتها فتحت الباب و دخلت اولادها و قالت ليهم انتظروني جاية ........
يتبع.....
