.....ّّبعدها يارا بقت تمشي لي ناس هادية و هيثم ما مقصر معاهم في حاجة بالعكس مستمتع بالحاصل كونو قريب من يارا العشقها من اول ما شافتها و زاد حبو ليها بعد قعد معاها و شاف تفكيرها الاكبر من سنها ......و في يوم علا جات بيت ناس هادية و طبعا جات لي هدف واحد و هو هيثم ......علا لما جات كان لابسة و عاملة السبعة و زمتها ......هادية مشت فتحت ليها الباب و سلمت عليها و دخلتها الصالة و شافت يارا و هيثم قاعدين مع بعض داك يا الضحك بقولو في شنو ما معروف ......علا ا تصدمت وبقت فاتحة خشمها و جات قعدت في الكرسي الكان بين هيثم و يارا ......لما يارا شافتها اتخلعت و اتوترت لانو بقى مافي بينهم اي تواصل .....بس اي واحدة فيهم ما اظهرت اي تعبير قدام هيثم ..... و هادية جات و واصلو دراستهم عادي و علا ساكتة الصم البكم ......بس بقت مركزة مع هيثم و يارا و بتكلمو مع بعض كيف و حست انو هيثم عندو حاجة في راسو لي يارا من مشاغلتو ليها الكتيرة ووحست كدا من خلال طريقة تعابير وشو ......طبعا يارا هيثم اتغلغل في اعماقها بس ما بتظهر الحاجة دي ولا بتحاول تلمح بيها ولا حتى لي هادية صحبتها محتفظة بيها لي نفسها بس ......و في نفس الوقت مركزة مع هيثم و حاسة انو عندو ليها حاجة لانو كل ما يقول نكتة بعاين ليها هي هل ضحكت ولا لا .......بكون مركز معاها شديد بس اكيد في نفس الوقت دا ما متأكدة من مشاعرو ناحيتها يمكن زي اخو أو او ......و في اليوم داك علا مشت لي امها بالاستنتجتو و قالت ليها .......... انتي فاكرة يارا بتمش تقرا زي ما بتقول اقسم بالله لقيتها ليك تتونس و تضحك مع هيثم اخو هادية يا امي .كلامك صاح .....اصلو البت دي قلة ادبها دي ما بتخليها ..ّ.ّ.....لكن يا امي انا اعمل شنو ...... كمان عرفنا شلب الصحبات جابت ليها شلب خطاب موش قلتي لي صارحك قال ليك دايرك بعد تخلصي امتحانات بجي يتقدم .....ااااا اي يا امي صارحني ........بت الذين ما بخليها الليلة التصبر لي ......
.في مكان تاني بعيد من هنا هيثم مشى المساء و طلع عمارة و فتح باب الشقة و دخل براحة .......بقى ماشي براحة لقى ميرفت راقدة في السرير شكلها نايمة ........جا بي وراها و رقد و هو حاضنها ........صحت متكاسلة....... حبيبي مالك اتاخرت .......حرام عليك معقول اتاخر على القمر دا و اترمت بين احضانو.......ّبعد عدو وقت متمتع مع بعض ميرفت قالت ليهو .......ليه طالع بدري كدا حبيبي .......انا اتاخرت الحاج بفقدني ......موش قلت خلاص حتشتغل في الشركة بتاعة ابوك ّ.......اي ان شاء الله خلينا من الكلام دا هسي بكرة فاضية .........لانو مرات بجي ما بلقاك ........اي فاضية عايز تجي ......اكيد إن شاء الله .......مشى هيثم و رجع البيت و غير ملابسو سريع سريع و جا نازل و نادى هادية .......انا عايز يارا على انفراد شوية عايز افاتحها في الموضوع .......عليك الله خلاص طوالي مافي مانع اخيرا عايزين نفتك منك و من خلقتك دي ......اي اخيرا .......يارا جات كالعادة قبل علا .......و هيثم كان قاعد و غمز لي هادية ......هادية قالت ليها على غيرالعادة انا بمشي استحم و اجي .......يارا اتخلعت و اتصدمت و اتلبشت و خافت و بقت منتظرة هادية بي ترقب شديد .......هيثم عاين ليها و ابتسم و حس بي توترها كونو خلوها براها معاهو .ّّّّّّ....طوالي هيثم قام من مكانو و جا قعد في الكرسي الجنبها ......يارا اتخلعت بس ما اظهرت اي خوف قاعدة متصلبة في مكانها ......هيثم بي صوت هادئ قال ليها يارا ......نعم .....انا والله عايز اصارحك بي موضوع مهم بالنسبة لي شديد بس ما متاكد اذا كان فعلا بي نفس الاهمية بالنسبة ليك ......يارا قالت ليهم اتفضل بي صوت تتخلله. الرجفة .....انا والله من اول نظرة وقعت في حبك ......يارا عيونها بقو كبار و دنقرت و هي ما قادرة تتكلم ..ّّ..ّّانا بحبك يا يارا والله ما قادر اتخيل حياتي من غيرك انا خلاص بنيت حياتي علي وجودك فيها ......يارا مدنقرة و ساكتة ......انا ما عندي اي لف ولا دوران انا عايزك على سنة الله و رسوله و نحن الحمد لله حالنا ميسور و عندنا شركة و انا بشتغل فيها مع الحاج و لو وافقتي من بكرة بنجي البيت بس انا شايف انك لازم تمتحني عشان الموضوع دا ما يشغلك عن الدراسة. و بما انو امتحاناتكم قربت انا بصبر لحدي ما تخلصو بكلم امي و ابوي و اساسا هم بعرفوك و انا واثق من موافقتهم بس باقي انتي .......يارا ما قادرة تفتح خشمها و قلبها عايز يطير من مكانو و كل البتفكر فيهو انها برضو بتحب هيثم و ما بتتخيل حياتها من غيرو بس ما بتقدر تقولها كدا لانو في راسها في تخطيط تاني.........اها قولي رايك بدون خجل ......والله ......الباب دق علا كانت واقفة في الباب ......
يتبع....
