حكت ليهو كل حاجة ......خلاص يا نفيسة انتي اسكتي خالص و ما تقولي فقدت حاجة و انا بجيب ليك قرار الموضوع دا .......عدت كم يوم و هم ساكتين .....يارا من يومها الوافقت بقى مافي بالها غير هيثم و كل مواقفها معاهو و كل يوم تتذكرو قبل ما تنوم و تفكر فيهو و كمان شايلة هم حالهم و قالت انا لو اتزوجت حاخفف عن امي كتير اسي انا لسة قدامي جامعة ........و في يوم شالت تلفون امها اتصلت بي هادية .......هدوية كيف طمننيني عليك .......هادية ردت ليها بي صوت ضعيف الحقي يا يارا صحبتك اتيتمت ......بسم الله يا بت دا كلام شنو ......والله يا يارا الله يصبرني ابوي اتوفى امس ......لا حول ولا قوة إلا بالله ......يارا كلمت امها و ركبو ليهم ركشة و مشو ليهم في البيت عزوهم و بكو مع هادية صحبة يارا و جا هيثم شافهم و سلم عليهم و اداوهو الفاتحة .......و مشي ......يارا و امها رجعو البيت و كل واحدة سرحانة بي جيهة ......
.بعد شوية سمعو اصوات ناس حبوبتهم بي غادي بصرخو ......بسم الله اتخلعو جرو سريع يلحقو يشوفو الحاصل شنو ......جو لقو ابوهم و محاسن و علا كلهم في غرفة علا .....و علا قاعدة في الارض بتبكي و تحلف والله ما شلتهم والله كذابة و ابوها ماسكاهو محاسن منها ......و عاينو لقو في قروش واقعة في الارض ......علا جات على يارا و يمنى و ياسين و نفيسة ......ياخ انتو سبب كل المشاكل البتحصل لينا اطلعو من بيتنا يلا اطلعو و بقت تلز فيهم .....ابوي في شنو ......محاسن قالت ليها تتهمو علا يا نفيسة تعملي حركة زي دي ليه يا نفيسة والله ما اتخليتك توصلي للدرجة دي ....مالي عملت شنو ......تختو لي علا القروش في دولابها و تقولي لي ابوك فقدتها و مافي زول بشيلها ........يعني قصدك يا انا يا علا موش يا نفيسة ......نفيسة مصدومة من مكر علا و تفكيرهم ......معقول في ناس مكارين للدرجة دي .....كل يوم سم علا بقوى و امها مساعداها .......نفسية ما قالت ولا كلمة و يارا و يمنى بقو يبكو من اتهاهم لي امهم و ابوها الوحيد المصدق انو علا فعلا سرقت القروش و عايز يربيها بس امها كانت بالمرصاد ....نفيسة دنقرت لملمت قروشها و لقتها ناقصة تلاتة مليون بس سكتت و ما حبت تكبر المشكلة الهم شايفنها مفتعلاها .......شالت قروشها و مشت مع بناتها و هي مغبونة و حاسة نفسها حتطرشق من الزعل بس قالت للبنات انتو اغبياء ما تبكو ولا تزعلو الحمدلله القروش رجعت .......الله بكرة بفرجها أن شاء الله ......يارا حاسة المصائب محاوطاهم من كل جانب ......بي جهة وفاة ابو هادية و هيثم و بي جهة حبوبتها و خالتها .......
يارا بكت لمن بلت المخدة حقتها ......حست انو الفرح البتقول عليهو امها ما اظن يدق باباها .....
.بعد يومين تقريبا هيثم اتصل بي نفيسة و اتكلم معاها مسافة و قال ليها اديني يارا دقيقة .......يارا قالت ليهو الووووو ......حست صوتو مبحوح و شكلو ببكي .......يارا قالت ليهو هيثم في شنو مالك ......انا يا يارا محتاج ليك شديد والله .......الله يصبركم يا هيثم ادعي ليهو ......انا ما قادر اصبر والله ......يارا بقت تبكي معاهو بعد مسافة قال ليها يارا عليك الله اقيفي معاي ما تخذليني .......قالت ليهو بقيف معاك اعمل شنو ......بس اصبري علي انا المسؤولية كلها بقت على اكتافي و اخواتي و مسؤولية الشركة كلو علي اصبري معاي فترة انا والله غيرك ما عايز ......خلاص بصبر مافي مشكلة ......الله لا يحرمني منك .......ولا منك يارب ......انا بحبك .......يارا قالت ليهو خلاص كويس .......ههههه تمام خلاص مع السلامة .......الله ي سلمك ......قفلت يارا الخط وهي طايرة من الفرحة.......ادت امها التلفون و بقى هيثم مرات يتصل بي امها يطمن و مرات تتصل هادية على نفيسة و تقول ليها اديني يارا و تديها هيثم المهم التواصل مستمر و الحب بينهم ماشي زايد ......و في يوم يارا كانت بتتونس مع هادية و بقت تحكي ليها انو امها خلت الشغل و بفكرو يعملو مشروع و كدا .......اليوم البعدو هادية اتصلت بي يارا قالت ليها هيثم قال عايز يتكلم مع امك ......اها طيب ....امي هاك عايزين يتكلمو معاك .....اتكلم معاها هيثم انو عايزها تكون مديرة مكتبو و الشغل دا عايز زول قريب و مضمون و كدا .....نفيسة حست بيها مجاملة منو و رفضت بس هو اصر عليها و قال ليها انا بعد ابوي اتوفى جايط شديد و انا عايز زول زيك يكون بفهم في الشغل و كدا ّ.......
يتبع....
