.......يارا طوالي بقت تبكي .......هيثم دنقر و بقى يهبش في المفتاح و دمع .......يارا انا .......لقاها اترمت فيهو قالت ليهو خلاص ما تتكلم كفاية .......هيثم ضماها و بقى يبكي معاها مسافة و قالت ليهو خلاص انا مسامحاك ......سماحك حيعمل شنو و حيغير شنو .......انا بقدر اغير اي شي انا حاغير أن شاء الله بس انت انتظر مني تلفون .......هيثم طار بالفرحة و قال ليها اها حتعملي شنو ......اصبر لي بس ......نزلت يارا و مشت دخلت بيتهم و اول مرة تحس انها ممكن تسعد نفسها بي نفسها و ممكن تغير حياتها التعيسة لي سعادة .......نادت امها و رصت ليها الرصة بتاعت عمر و سلمى و قالت ليها انا ما كان عندي تصرف بس اسي بقى عندي ........كيف يا يارا نحن عزمنا البلد كلها كيف تقولي كلام زي دا اسي ......اقيفي يا امي العريس بس الحيتغير .......حيبقي هيثم ......بس انتي قلتي اختلفتو .......خلاص يا امي الخلاف انتهى و انا حاخلي عمر ما بقدر اعمل حاجة زي دي ........انتي عارفة يا يارا عشان قلبك ابيض و نيتك بيضا ربنا ختا هيثم في طريقك ......
.الوووووو .......اهلا يا عمر كيفك ......انا كو ييييس انتي كيف ......الحمدلله على كل حال بس ........مالك يا سلمى ....... تعبانة والله انا ما قادرة اعيش حياتي طبيعي ......ولا عشان عريسك ما عايزة تعيشي ؟ .....في شنو قصدك شنو ......ناس امي جاينكم و العرس بعد اسبوع فقط .......واااااي ما قادرة اصدق انت ج اااادي .......امي مصرة العرس يكون في مواعيدو لانو ناس يارا فركشو العرس .......عليك الله سلمى من الفرح لمن بكت ......استعدي يا عروس عشان ما تطلعي مبشتنة .......مبشتنة في عينك .......هههههه والله انتي عسل في كل الاحوال .......فعلا سامية بالغبينة قالت ما حتلقي ليها عروس يقبل بيها ولدها في الاسبوع دا تعمل عرس مافي خيار العودة غير سلمي نفسها ..... مشت شالت الشيلة والحاجات ودتهم بيت ناس سلمى و قالت ليهم اسبوع بس .......يارا عرسها برضو في نفس مواعيدو قائم بس العريس اتغير .......حتتزفت لي حب حياتها هيثم و الفرحة اخيرا دخلتت قلبها بعد سنين من الشقا و العذاب .......
يوم العرس كان يوم طويل .......يارا كانت مبسوطة و فرحتها ما بتتوصف بس كانت خايفة برضو من القدام ......خايفة هيثم يخذلها تاني .......كانت معاها هادية و سلوى في الكوفير .....لابسة زفاف محتشم و نايرة و حلوة .......قاعدة منتظرة هيثم يجي يسوقها و كانت اطول دقائق في الكون .......فجأة تلفونها رن عايزة ترد قرب يقع منها ......هادية و سلوى قعدو يضحكو و قالو ليها نحن ماشين اتكلمي بي راحتك ......طلعو قعدو برة في الصالة
الووووو .......حبيبة قلبي انا خلاص بقيتي حلالي .......يارا سكتت و قلبها كان بدق .......الف مبروك علينا يلا انا بعد كدا بجي معليش شريتك .....لالا ماف مشكلة ........قفلت التلفون و قلبها كان ما بطل و جسمها كلو هبط ما عارفة مالها ........ناس هادية جوها داخلين و هي بس ساكتة ما قادرة تتكلم ......
.سلمى كانت في كوفير تاني ......كانت معاها هنا صحبتها ....... سلمى كانت مبسوطة و تضحك ساي .......يا هنا عليك الله طالعة كيف حلوة ......يا بت عسل انتي بدون مكياج حتى .......عليك الله عمر حيقول شنو انا زاتي ما اخدت فترة كافية ياخ ......فجأة جاتها مرة قالت ليها اطلعي برة زوجك جا منتظرك في الصالة برة .......وووواي يا هنا كدي شوفيني كيف ......يابت اطلعي عسل والله .......طلعت سلمي و هناء كانت ماسكة ليها يدها ......عمر جا داير يطير لما شافها ......جا عليها سلم عليها في يدها و قال ليها .......دي هنا صحبتك ......اي ياها ......هنا لو سمحتي علاقتنا بيك انتهت خلاص ......و قلع يد سلمى من يدها. ......سلمي قعدت تضحك ......عمر عاين ليها معليش بهظر بهظر ......اتفضلي بس يا سلمى اوع تسمعي كلامها .......سلمى مسكت هنا باليد التانية ......قالت ليهو مهما كان صحبتي و عايزة مصلحتي ......عمر جر يد سلمى......يا زولة فكي لي مرتي .......هنا بقت تتبسم سلمي مسكت يدها ياخ خليها في حالها انت مالك بيها .....انا غيران منها ياخ انتي بقيتي حقتي براي ما معاي هنا دي ......هناء قالت .خلاص خلاص يا جماعة خليتها ارتاح يا عمر.....
مشو ركبو العربية .......هنا اربكي قدام مع الود المز دا قالها عمر وهو بغمز لي صاحبو السايق العربية .......ركبت سلمى مع عمر ورا و هنا قدام مع صديق صاحب عمر ......بقى يوشوس عمر لي سلمى في اضانها و هي تضحك ......هنا اتلفتت على سلمى قالت ليها الخاتم شلتيهو ......ياخ ما تعايني لينا نحن بنخجل ركزي مع صديق دا .......المهم عمر نجض هنا نجاض و انتقم حقو .......
يارا بي غادي قاعدة منتظرة فجأة هادية و سلوى زغردو .....يارا قربت تقع من الكرسي القاعدة فيهو ......جاها هيثم داخل مسك يدها و باسها و مسكها و طلع بيها .......هادية و سلوى ركبو مع اصحابو ورا عشان يمشو الاستديو يتصورو......نزلو اتصورو و تاني رجعو الحفلة كانت بادية لما جو العرسان وقفوا و شغلو موسيقى هادية .......هيثم خت يدو في خصر يارا و يدو التانية شابكها مع يدها ......يارا بقت تقول ليهو انا ما بعرف .......انا بعلمك ......ماف داعي للفضايح انا شترة ......ااشتري ساي و اتجدعي الليلة ليلتك ......فجأة هيثم حضنها يارا بقت تفرفر ......مالك يابت ...... الناس بتعاين ......ما تعاين ......انت ما بتخجل ارح نقعد في الكوشة ياخ ......مشت يارا و احاسيسها كلها ملخبطة قعدت في الكوشة و هي بتعاين عايزة تشوف امها و يمنى و ياسين .......فجاة جات امها و محاسن حبوبتها و بقو ماسكنها و يغردو ليها و هي قربت تبكي ......امها قالت ليها لا اوعك عشان ما تخربي المكياج ......يارا عاينت مسافة ما لقت علا ......امي علا و ينها ......ما جات ولا شنو ......نفيسة عاينت كدا والله يا يارا ما عارفة ......فجاة علا جات مدت يدها لي يارا قالت ليها الف مبروك الله يسعدكم .......يارا جرتها عليها و قالت ليها الله يبارك فيك عقبالك يا خالتي .......و مشت علا قعدت بين الحضور و هي خجلانة من تصرفات كتير ما واعية اتصرفتها بس كل ابن ادم خطا .....عاشت يارا مع هيثم بدون اي ضمان يضمن انو هل حيخونها او لا بس الكانت واثقة منو انو بحبها من كل قلبو و هي بتحبو وواثقة في ربنا انها ما حتتخزل ......صاحبة القصة قالت انو هيثم تاني ما عمل حاجة غلط و أكتفي بي يارا ❤.....
النهاية .....
#ملحوظة:
ربي ولدك عشان ما يربيك هو ......برو و احسن ليه بحسن ليك و ببرك ....ختو فوق الكل عشان يوم يدوس على راسك مع بقية الناس .....ايوة ولدك و جناك غالي و بتحبو لكن البتغرسو فيهو و بتعملو ليهو سوا كويس ولا كعب بعملو ليك تعلمو السرقة بسرقك تعلمو التكبر بتكبر عليك انت علمو البتعملو ليهو و كلووو برجع ليك سواء كان زين ولا شين .......التربية ما دلع و هشتكة و حب بس التربية عندها اصول ......و تاني شئ التربية ما اكل و شراب و مدرسة و مصاريف اقعدو في الواطة دي معاهم شوفو فهمهم في الحياة شنو .......انت ما قدر التربية ما تلد عاهة تصيب المجتمع بالشلل بالله .....من شب على شئ شاب عليه ماف زول بقدر يصلح حاجة اتغلغلت في الجزور و انت ربي و الباقي على الله ....
..دمتم في امان الله
....... الـنـهـايـة ........
