.عمر حرام عليك انت معناها ما بتحبني ......اقسم بالله لو انا ما بحبك ما كان صبرت على شكوكك و عدم ثقتك فيني و كل يوم نقاش و مشكلة جديدة .......والله بتغير و ما بشك فيك بس ارجوك يا عمر ما تتخلى عني والله بموت عديل كدا انا .......يا سلمي انا كمان والله بحلم باليوم البنتلم فيهو في بيت واحد بس اسي العمل شنو مافي عمل يتعمل بس ندعي و نخليها على الله ........سلمى قفلت من عمر و هي حاسة نفسها عايزة تموت بالزعل و الضيق و هي شايفة انها ضيعت عمر من يدها بي سبب سخافات ......عمر قرب يبكي ما قادر يستوعب البحصل مرات يلوم نفسو لانو استعجل يتزوج سريع عشان يسبق سلمي الاتخلت عنو بس الاتنين اتصرفو بي تهور و بدون تفكير ....
..مافي تواصل بين سلمي وعمر ولا بين يارا وعمر مر زي اسبوع كدا و سلمى جات لي يارا قالت ليها .......انتي تاني عايزة شنو تاني مني ......سلمى بدات تبكي و تتاسف عن اخر موقف عملتو معاها ......يارا حست في مصيبة حتحصل حاسة انو فرحتها ما حصل كملت اسي تاني مستحيل تكمل ......حاولت تتطمش سلمي بس حست نفسها انانية كونها ما تسمعها عايزة تقول شنو و خيالها مشى بعيد انو سلمى ممكن تكون فقدت شرفها بي سبب عمر او حامل منو ......بس كيف حامل منو و هو اخر مرة سافر فيها ليهو سنتين مستحيل .......قعدت مع سلمي و قالت ليها اها اتفضلي ......بدات سلمى تحكي ليها كل الحكاية من قبل عمر ما يسافر كانو بحبو بعض و كل الحصل بعد سافر و سلمى بدات تبكي ......و يارا ما قدرت تكتم بكاها على حالها هي كمان و قصتها مع هيثم دي فرصة تفرغ الجواها و حست انو عمر ما طلع ندل بالعكس اصر يكمل العرس بس يارا هنا كمان لازم تضحي و تستغني عن عمر ......بس الفرحة الشايقاها في عيون امها واخواتها و حتى حبوبتها محاسن ما بتقدر تكسرها و لا بتقدر تقول حاجة و في نفس الوقت حانة على حال سلمى و عمر الحيفترقو بي سببها .......سلمى مشت و هي بتفكر انو دي اخر محاولة بس كانت يائسة شديد .مستحيل يارا العروس الفرحانة بي عرسها حتخلي ليها العريس كدا ساي بدون اي شي .....يارا فكرت انو تخليهو لي سلمى و برضو راسها ضارب و شايلة الهم و ما عارفة تتصرف كيف .......يارا يابت ما عايزة تجيبي توب الجرتق و الحرير خلاص الزمن كبس ........امي الا امشي انا يعني .......يابت في منو غيرك ممكن يمشي كلنا مشغولين سوقي صحبتك و امشو عليك الله .......امي لكن امشي كدا كيف ......البسي نقاب بطلي استهبال كل العروسات ديل بتمو حاجاتهم من السوق و بمشو بالنقاب .......يارا اتصلت بي سلوى قالت ليها ضروري تجي تمشي معاي السوق و انا في الحقيقة في ورطة حقيقية ما يعلم بيها إلا الله .......طيب طيب انا اسي بجيك ......سلوى اتفقت معاها ياجرو امجاد و يمشو فعلا مشو السوق ولفلفو و و أثناء اللف دا يارا كانت بتحكي لي سلوى القصة .......يابت انتي هبلة كيف يعني توقفي عرسك في وقت زي دا ........المعازيم و الناس و اهلك حيكون موقفهم شنو و بالمناسبة انتو اهل يعني الموضوع دا فيهو سمعة ما كويسة .......طيب دبريني يا سلوي ......دبارك يا اختي تتمي عرسك و تقفلي دي بي طينة و دي بي عجينة و خليك من المثالية بتاعتك دي شنو حتعدي عمرك كلو تضحيات ؟.لكن يا سلوي ما قادرة سلمى المسكينة.دي ذنبها شنو ....... القسمة يا صحبتي اي شي قسمة ما عندها قسمة انتي دي قسمتك .......
بعد خلصو حاجاتهم و جو طالعين عشان يوقفو امجاد يرجعو و الوقت اتاخر ......فجاة بدون مقدمات تقيف سيارة في وشهم .......يارا و سلوى عرفوها مجرد ما وقفت لانها سيارة هيثم المابتغباهم ........السلام عليكم كيفك يا سلوي اخبارك شنو .......اهلا هيثم كيفك كيف عامل اخبارك ......يارا الصم البكم ما فتحت خشمها وهي تحت النقاب اكيد ما شافها .......اتفضلو اوصلكم ماشين وين ........ماشين البيت ......ايوااا تفضلو ......سلوى ما قدرت تقول لا ركبت قدام و يارا شايلة حاجاتها ركبت ورا .......بقى هيثم يسال سلوى عن حالها واحوالها و كدا و بقت تتونس معاهو و تلطف الجو .......يارا تحت النقاب بقت تبكي لا شعوريا هي نفسها ما عارفة هي بتبكي ليه .......هيثم حس بيها ......قال لي سلوى العروس مالها ما بتتكلم محبوسة حتى من الكلام ولا شنو.....الاتنين صبت فيهم مطرة ما كانو فاكرين هيثم عرفها .........يارا بدون ما تحس بقت تتنهد من البكا بس ما عملت اي صوت بس هيثم بعاين ليها بالمراية و حاسي بيها .......سلوى صابة فيها مطرة ما عارفة تقول شنو قالت لي هيثم خلاص انا وصلت نزلني .......يارا جات تتزل قالت ليها لالا يا يارا خليهو يوصلك معليش انا مستعجلة ما بقدر اصل معاك .......يارا اتخلعت .......هيثم قال ليها تعالى اربكي قدام ......نزات ركبت قدام و هي بترجف و مصدومة من الحصل دا .......يارا انتي عار فة انا حاسي ربنا لمانا الليلة لي سبب ......يارا ساكتة و مدنقرة .......انا والله ما نسيتك يوم و لا اظن انساك و لو اتزوجت اكيد حاظلم زوجتي وانا حاسي انتي كمان حتظلمي الحتتزوجيهو دا و عندك نفس احساسي ......و.يارا طوالي طق اتذكرت سلمى و عمر احتمال فعلا القدر جمعهم لي سبب ........وقف العربية بعيد من البيت و قال ليها الله يسعدك ويهنيك اذا دا اختيارك ......اهم شي تكوني سعيدة .....انا ما مهم اصلا انا استاهل كل البحصل دا .ّ.......
يتبع...
