.......وافقت نفيسة في الأخير و. فعلا بدات معاهم شغل و يارا كانت مبسوطة شديد و نفيسة جات برضو فرحتها زيادة بالمرتب الحتاخدو كان خيالي و مافي مقارنة بينو وبين الفات .......نفيسة قالت الحمدلله اتقفل باب و اتفتح باب احسن منو و بدات تفكر بي باقي قروشها الفاتت و توفيرها من مرتبها اكيد حتشتري ارض في اقرب وقت ......علا لمن عرفت انو نفيسة اشتغلت مع هيثم في نفس الشركة اتضايقت قالت دا بزيد الترابط بين هيثم و يارا..........يلا في يوم يارا قالت لي امها انا بمشي الاقي هادية بس مافي بيتهم برة البيت ......قالت ليها خلاص سوقي معاك يمنى اختك عشان توازرك و تغير جو كمان ......
فعلا يمنى مبسوطة لبست و مشو هي و يارا ركبو ركشة و لاقو هادية في شارع بيتهم و ركبت معاهم ......مشو محل ايسكريم و قعدو طلبو الايسكريم و يارا اصرت تدفع هي ......مشت على الكاشير كان في اخر المطعم ......خلتهم قاعدين في كراسي برة شوية ......لما طلبت الايسكريم و كدا اتلفتت فجأة تشوف هيثم قاعد مع واحدة في نفس الكافي بس طربيزتهم في الركن .......قربت شوية لقتهم ماسكين يدين بعض .......عاينت للبت في عيونها دي منو دي .......البت كانت ملونة خصلة من شعرها و مطلعاها برة و لابسة طرحة خفيفة مرمية علي رقبتها و لابسة بنطلون و فل ميك اب و شكلها بت راحات و تتونس و تضحك .......يارا هيثم ماشافها لانو ما كان فاضي و لاصق كرسيهو مع كرسي البت .......يارا طلعت لي برة وهي ما شايفة قدامها .......هادية امشي اتفرجي عشان لما اقول ليك البيني وبين اخوك انتهى ما تلوميني ......في شنو يا ايارا ......اتفضلي اتدخلي شوفي اخوك بي ياتو و ضع و انا اسفة حامشي ......يخسي عليك يا يارا زي ما جينا سوا نطلع سوا ......معليش يا هادية ارجعي مع اخوك ......
.يارا شالت شنطتها و ساقت اختها و نطت في اقرب ركشة و مشت و حاولت ما تبكي قدام يمنى اختها عشان ما يعملو ليها برنامج .........هادية دخلت جوة تفتش في اخوها بعد مسافة شافتو اخر ضحك وونسة مع منو دي ما معروفة .......جات هادية سلمت على البت قالت ليها ازيك يا عسل .......البت عاينت ليها بي استغراب اهلا وسهلا .......هيثم اتخلع قال ليها هادية الجابك هنا شنو ........جابني الجابك يا حبيب قساي و بعدين انا ما جيت براي كانت معاي يارا و يمنى اختها و اسي طلعو ......هيثم وقف على حيلو من الخلعة يارا يا الله .......يا الله شنو قالت لي اوصل ليك رسالة انو البينكم انتهى و انسى اي شي بربطك بيها ........لالا ياخ ......هيثم ديل منو يارا و يمنى ديل .......لالا ديل ديل ياخ بنات اهلنا ......هادية عاينت لي اخوها قوي ......انت عارف يارا عندها حق اساسا و ضربتو بي الشنطة الكانت شايلاها و مشت .......لما هادية وصلت البيت اتصلت بي نفيسة قالت ليها اديني يارا .......نادتها و يارا شألت التلفون و مشت بعيد .......يارا عليك الله انا ما عندي ذنب مع هيثم نحن بنظل صحبات ......اكيد حبيبة اساسا اخوك بقى ما فارق معاي كتير .......خلاص ما تزعلي نفسك و انا واقفة في صفك إلا يشرح الحصل .......يشرح شنو يا هادية كل شي كان واضح .......على قولك بس الحمد لله
......هيثم وصل ميرفت الشقة حقتو و بقى زهجان و ما طايق نفسو .......انت مالك حبيبي متضايق لالا يا ميرفت عليك الله خليني في حالي ......يعني زعلان لي شنو نفسي افهم ......ياخ قلت ليك اختي شافتني معاك ما عايزة تفهمي ......يعني شنو اختك شافتك معاي ما خلاص اشرح ليها الوضع انو بنحب بعض ......عاين ليها قوي بي قعر عينو .......يا بت انتي متخلفة نحب بعض شنو و انا بد فع ليك على كل ليلة شي و شويات ......
يتبع....
