......فتحت يمنى الباب قالت ليها امي قالت ليكم هاكم الحاجات .......دخلت يمنى و هي شايلة الكيس و علا فاتت بي دربها .......يمنى جاتهم فرحانة عاينو حاجات خالو ناصر .......نفيسة عاينت لي يارا و هي كمان عاينت ليها .......حسو انو يمنى فرحانة ما عايزين يخربو فرحتها و ياسين كان الوقت داك عمرو زي 11سنة .......فتحو الكيس وهم مبسوطين ......يارا عاينت لقت فستان رفعتو بي ضيق ......أمي الفستان دا متذكرة علا كانت لابساهو في عرس نادية جيرانا .......نفيسة زعلت .......قلعت منهم الحاجات و شالتهم و حشرتهم في الكيس و مشت لي علا قالت ليها الحاجات نحن الحمدلله ما محتاجين ليها ......محاسن جات طالعة قالت ليها يا أختي علا ذنبها شنو كلامك دا قولي لي ناصر اخوك ما لي علا ........و طقطقت ليها اصابعها ......امي انا ما قاصداك انتي تخيلي علا بدلتهم .......علا لا بدلتهم ولا حاجة ديل زي ما هم جابهم كدا .......و انا بضرب ليهو و بكلمو بقول ليهو نفيسة قالت ليك نحن ما محتاجين ......لالا يا امي على شنو خلاص بشيلهم و العفو يا امي .......امها ما ردت و نفيسة رجعت البيت زي ما حصلت حاجة .......نفيسة كانت صديقتها الوحيدة بنتها الكبيرة يارا ......حكت ليها الحصل قالت ليها يا امي ما تزعلي كلو لي خير تاني ما نسالهم من حاجة .......انتي اصبري انا صبرت اسي تمنية سنين في الحركات دي بي جهة خالاتك و حتى امي البفروض تكون لي سند الحمدلله بس ......اصبري بشيل لي سلفية اشتري لي ارض ابنيها و خلي اخوك يبقى راجل برانا بنرحل و نسكن برانا .......
و في يوم كان عندهم مناسبة حقت خالتهم بت خالة امهم ......اتجهزو كلهم إلا يارا كانت محتارة تلبس شنو كل حاجاتها قديمة ......فجاة قالت لي امها عايني متذكرة دا فستان علا الجابتو لينا على اساس جابو خالي ناصر ......البسو يا امي ولا بتزعلي ......البسيهو يا بتي الله بكرة بفرجها و بنشتري حاجات جديدة .......لبست الفستان و لفت طرحتها و طلعو لقو ناس حبوبتهم محاسن و علا فاتو خلوهم .......نفيسة اتصلت بيهم وين انتو يا امي ......انتظرناكم لمن كرعينا اتكسرن ما جيتو اجرنا لينا امجاد انتو تعالو بالمواصلات .......قفلت محاسن و عانيت لي علا و فكت الضحكة انشرو جنس شرة لكن هم زاتهم اعتمدو علينا في اي شي ليه اجي ما بي حقهم عاملين فيها مفلسين ......علا كنت مبدعة فاكة الشعر دا و لابسة ليها فستان من الجابهم ليها اخوها ناصر و المكياج ما يديك الدرب و طالعة حلاتها .......ناس نفيسة ركبو المواصلات فعلا و دخلو الصالة هي و بناتها و يارا جذبت الإنتباه اليوم داك و رغم بساطتها بس كان جمالها طبيعي......نفيسة بقت تفتش في امها و علا .......محاسن شافتهم من هناك .......لكزت علا .....يا بت دا شنو دا الفستان دا مدياهو ليهم ليه ......اديتو ليهم لانو بقى قديم يا امي انتيص متذكرة ساعة شاورتك قلتي لي اديهو ليها .......لالا اصلو مستحيل اكون قلت ليك عايني الفستان دا عليك الله خسارة والله .......ليه خسارة اقيفي انا بجيبوا منها ......في الاخير نفيسة و بناتها قعدو مع بعض و حضرو الحفلة ......يمنى قالت لي امها امي انا ماشة ارقص .....امها جرتها يا بت اترزعي قبلك ترقصي شنو ......امي ليه خالتي علا قاعدة ترقص اشمعنا انا ......وينها لاقيتيها وين ......هناك .......نفيسة قالت ليهم اقعدو قبلكم اوعى تقومو من مكانكم دا النمشي اشوف رقيص علا دا .......نفيسة ماشة علي دائرة الرقيص فجاة في زول لفتها ......ازيك .....اهلا وسهلا .......انتي نفيسة صاح ......ايوة صاح .....بت محاسن ......اي ياها زاتها ......انا ولد حسين ولد عبدالله عمك ما عرفتيني ......ايوااا حسين كيفك كيف عامل ان شاء الله كويس .....الحمدلله والله انتو كيف ......والله تمام ......عن اذنك دقيقة .....اتفضلي اتفضلي ......مشت لفت علا في نص الناس ترقص ......نفيسة جرتها ......يابت دا شنو دا ......مالك و مالي ياخ زحي مني و ضربتها و مشت .......نفيسة اتخلعت عاينت لقت امها جنبها .......امي شوفي بتك .....مالها .....قاعدة ترقص رقيص عايني ليها و هنا في تصوير ما صاح .......يابت هي لسة صغيرة يادوب 18سنة خليها تعيش حياتها ......أمي ضربتني ما شفتيها ......انتي مالك عليها .
يتبع....
