الغرفه مظلمه عدا نور خفيف جاي من الابجوره والمروحه مقفوله والمكيف مطفي بس باب البلكونه المفتوح ونوسه بتحاول تنوم بس التفكير في حال مهند والمشاكل الماره بيها وكيف انو ولد في عمرو قادر يتحمل المشاكل دي كلها كانت مفتكره انو مافي زول بعاني في الدنيا دي غيرها وبدت تشكر في ربنا لمن نامت ... شويه كدا وحست بي ازعاج والجو بقى بارد فتحت عيونها لقت اختها فتحت المكيف وعايذه ترقد معاها ... نوسه زعلت شديد وبدت تشاكل في رونق (اخت نوسه ) رونق طوالي بقت تنادي لي امها ..
الام : في شنو ي بنات
نوسه : دي بتك دي عارفاني م بحب الازعاج حتى صوت المروحه بضايقني والجو البارد دا م بنفع معاي
رونق : مكيفي بايظ وامي قالت لي انوم معاك في غرفتك
نوسه : براك قلتيها .. غرفتي تتحملي الوضع الانا بحبو وإلا اطلعي بره احسن
الام : نسرييييين .... احترمي اختك الاكبر منك بعدين كلها بالكتير يومين ونطلح ليها مكيفهت وتمش منك م بتقدري تصبري
نوسه : لا لا م بقدر .. يعني انا يومين لا انوم ولا اخد راحتي عشان سياده بتك رونق الام : تصبري و رجلك فوق رقبتك
نوسه : انا خليت ليكم البيت دا كلو وبقيت حابسه نفسي في الغرفه ولرضو راحقني ومضيقنها علي
رونق : خلاص لي امي خليها اصلا نسرين دي من يومها كعبه انا بمش انوم في غرفه الضيوف
نوسه : طيب وقت من الاول عارفاني كعبه كان بي كرامتك تمشي غرفه الضيوف من الاول وترتاحي وتريحيني معاك
الام : لا بس تقعدي هنا دي عشان قله ادب نسرين دي
نوسه : اتفضلي ي رونق الغرفه غرفتك 😒
رونق : م بتجي إلا بالعين الحمرا 😏😂
نوسه شالت بطانيتها وطلعت نامت في البلكونه مع انها بتخاف بس كانت زعلانه من امها واختها شديد ... صحت الصباح زي الساعه 11 ودخلت الغرفه لقت رونق قاعده في نص السرير ومجدعه شيتاتها في الغرفه و الموسيقى شغاله بي اعلى صوت بس نوسه م عبرتها وطوالي مشت على الحمام ( الله يكرمكم ) لمن جات طالعه لقت رونق فاتحه كل ضلف الدولاب وبتفتش ليها في حاجه تطلع ليها الجامعه ..
نوسه : عرفنا انو المكيف حقك م شغال برضو ملابسك اتحرقت وانا م عارفه 😕
رونق : غرفتي فيها العمال بصلحو في المكيف ( وطلعت ليها بلوزه و اسكيرت )
نوسه : م تلبسي البلوزه دي بتبزظيها لي انتي م ملاحظه انك م قدري 😒
رونق : دي اشتريتها ليك انا ولا نسيتي
نوسه : لا لا م نسيت لكن نسيت انك دايما بتزليني بالحاجه البتجيبيها لي
رونق : بالظبط كدا ....ومشت خلتها
نوسه جهزت ونزلت مشت الجامعه عشان ترتاح من النقه الحاصله دي وعلى طول مشت على الكفتريا ورسلت لي مهند ..
نوسه : مهند انت وين
مهند : بره جمب الكفتريا
نوسه : سمحه الصدف
مهند : انتي وين
نوسه : في الكفتريا تعال لي
مهند : معاي اصحابي و بتاعين تشغليه خليهم لمن يمشو القاعه بزوق منهم وبجيك مش انتي اصلا قاعده ؟؟
نوسه : اي
( بعد نص ساعه )
مهند : انتي وين
نوسه : بره في البنشات التحت الشجر القدام الكفتريا
مهند : طيب دقايق لكن معاي صحبي ابا يختاني كلو كلو 😅
نوسه : طيب منتظراك
مهند : بس قولي لي انتي القصاريه اللابسه اسود 😂😂
نوسه : 🐸 وين انت
بس مهند م برد وهي كل شويتين ترسل ومافي رد ربع ساعه نص ساعه ساعه ومافي رد ... بعد ساعه وشويه مهند ردا
مهند : امشي البيت انا م جاي
نوسه : لي خير
مهند : وانا جاي عليك تعبت شويه ورجعوني البيت
نوسه : وهسي انت كيف
مهند : كويس بس باخد لي راحه شويه انتي ارجعي البيت
نوسه رجعت البيت و طوالي دخلت غرفه الضيوف و نامت
يتبع....
