مهيد بقى واقف ومصدوم و م عارف يتصرف كيف
الام جات جاريه على صوت الصرخه الانو نوسه م بتصرخ للدرجه دي ساي دخلت لقت مهيد واقف وبعاين في الارض والصدمه ظاهره في وشو
الام : في شنو ي مهيد وبن اختك
مهيد اشر لي امو في الارض امهم شهقت لمن شافت نوسه وقاعه في الارض ووشها اتملى دموع و بقت تكورك لي راجلها و خو جا جاري شالو نوسه وجرو بيها المستشفى و مهيد دخل في حاله هستيريه و بقى يقول انا السبب وامو تهدي فيهو و رونق خلوها نايمه في البيت ...
بعد ساعه نوسه فتحت بس م كانت بتقدر تشوف كويس و لا بتقدر تتحرك عملو ليها كل الفحوصات اللازمه ونقلوها في غرفه عاديه و كلهم كانو معاها إلا رونق ..
نوسه : مالك بتبكي ي مهيد
مهيد : انا السبب في دا كلو
نوسه : ي ود انت مجنون م تقول كدا بزعل منك
مهيد : يعني انتي هسي م زعلانه
نوسه : لا لا لكن بعد اقوم عايذه اتسدا حقي 😑
مهيد باس اختو في راسها : كدي قومي اول 😂 ... خلاص خليني انزل اجيب ليك شكولاتات و بارد وكدا تكوني اخدتي حقك
نوسه : عزه م بلقاها كل يوم 😍
الام : خلاص هسي ارتاحي وبطلي الكلام
نوسه : انتي ي امي رونق وين
الام : نسيت اصحيها اقول ليها احنا ماشيين المستشفى
نوسه : خلاص خليني انا هنا صحباتي بجو معاي وانتو امشو التخريج و م تكلموها انتي في المستشفى
الام : لمن نشوف الحاصل شنو اول
نوسه : انا كويسه ياخي اتصلي لي صحباتي بس
الدكتور : لو سمحتو عايذ ولي امر المريضه نسرين
الاب : خير ي دكتور
الام : في شنو ي دكتور
الدكتور : ممكن تتفضل معاي ي حاج
...
رونق اتصلت
رونق : امي انتو وين صحيت لقيت البيت فاضي
الام كانت مصدومه من طريقه كلام الدكتور وخايفه شديد ومن غير شعور قالت لي رونق : إحنا في المستشفى
رونق : تخريجي ي امي ولا نسيتوني انا طلعت م مهمه للدرجه دي عشان تسيبوني في يوم زي دا
الام : ....
نوسه مسكت التلفون : مالك ي رونق جايطه
رونق : اديني امي انا لو كنت عايذاك كنت اتصلت ليك في تلفونك
نوسه : انا راقده في المستشفى ولسه عندي فحوصات لكن بخلي ناس امي يجوك وانا بقعد مع صحباتي
رونق : اصلا لازك يجو وكلمي تمي تجي سرعه عشان تجهز الحاجات وقولي ليها انا ماشه الكوفير ... وفصلت الخط
الام : رونق اختك دي نهائئ م عندها احساس يقولو ليها اختك في المستشفى ولسه بتفكر في تخريجها
نوسه : معليش ي امي هي بتكون زعلت لي لكن م عايذه تظهر كدا بس
الام : لا حول ولا قوه إلا بالله
نوسه بتحاول تفتش لي رونق في اعزار و كن جواها زعلانه لانو اختها م شغاله بيها ولا حتى اهتمت بي موضوعها ...
مهيد نزل السوبر ماركت و اشترى لي اختو كميه من الحاجات و رجع داخل المستشفى جا ماري بي مكتب الدكتور و شاف ابوه خاتي يديهو في راسو والدكتور بصبر فيهو و قال ليهو
يتبع....
