عدت الايام وام نوسه اتعملت ليها العمليه ونوسه فضلت جمب امها لانها م بتقدر تتحرك و اي شي بتعملو ليها ورونق اصلا م فاقت عشان تتصل على امها وكانت من وقت للتاني بترسل لي نوسه تسألها من امها ...
الام لسه في مرحله الخطر ونوسه بتفضل النهار كلو معاها وبتحاول تكون قويه قدام امها وابوها وبالليل بتمشي الفندق وابوها ببيت مع امها و طول الليل بتعديهو بكى على حالت امها وعرفت قدر شنو هي بتحب امها وكيف انها فقدت نقاشاتها معاها واصحابها م مقصرين معاها في رفع المعنويات و مهند متابع معاها و كل يوم بسألها من امها ..
الام حالتها اتحسنت وبدت تستجيب للعلاج وبقت شويه حالها احسن و بتتونس وبتضحك و بتتحرك براها و بعناك في السودان ديلك امتحنو وبعد الامتحانات مهنظ اخبارو انقطعت نهائي و نوسه م كانت بتفكر في موضوعو كتير كل وقتها مع امها و طلعوها في شقه جمب المستشفى عشان عندها مقابله بعد اسبوع منها ح يرجعو السودان ... ب وام نوسه خلاص بقت كويسه و بتعتمد على نفسها في اي شي حتى ي داب نوسه مشت فتشت تلفونها وقالت تفقد اصحابها و رسلت لي مهند ..
نوسه : مهند
مهند : كيفك وكيف امك
نوسه : كويسين ... وين انت اختفيت فجأة
مهند : مش انا قلت ليك عندي عمليه
نوسه : اي
مهند : عملتها قبلي اسبوع كدا وم كنت عايذه اشغلك معاي معليش
نوسه زعلت من تصرفو شديد : حمد لله على السلامه وربنا يتم ليك عافتك
مهند : و يشفي امك ي رب
نوسه : امين
مهند كان بحاول يتونس مع نوسه ويجيب في المواضيع بالقوه بس نوسه كانت زعلانه و كلامها بارد كلمه وغطايتها
مهند : قلبوشتي اطرحي وشك دا ياخي
نوسه : انا م قلبوشتك امش شوف قلبوشتك وين
مهند : انتي قلبوشتي وهي حبيبتي
نوسه : مش لمن ترضى بيك الاول
مهند : انا صارحتها زمان 😅 وهسي علاقتنا ماشه كويس
مهند كان مرتبك شديد وخايف لانو عارف نوسه ح تزعل زياده ومتوقع منها رده فعل عنيفه شديد بس فضل يوريها مع انو كان منتظرها لمن تجي السودان ..
نوسه بكل برود : مبروك وعقبال اشوفكم عرسان ي رب ( وهي بهناك زعلت لمن قعدت تبكي لانو مهند م من عوايتو يعمل حاجه من وراها )
مهند : تصدقي قاعد امل منها سرعه عكس لمن اتحكي معاك انتي
نوسه : خلاص اعرف اتعود عليها زي ما عرفت تحبها
مهند : لا لا متعود عليك انتي بس
نوسه : عن ازنك امي محتاجاني هسي
مهند : طيب
.......
يتبع.....
