محمد واهلو جو لي ناس نوسه و منال من الخجل م قدرت تعاين لي محمد في عيونو قعدو شوبه وبدو الونسه ونوسه م ظهرت
منال :رونق جيبي نسرين الناس ديل ماشين وعايذين يحمدلو ليها السلامه
رونق مشت ...
رونق :ي بت انتي لسه م جهزتي 
😱 الناس ديل قعدو لمن زهجو
نوسه : م طالعه ليهم اصلا
رونق : دا كلام شنو دا
نوسه :خايفه ي رونق
رونق :وين اختي نوسه القويه الواثقه من نفسها
نوسه :محمد اخر مره شافني كنت واقفه على رجولي اتخيلي هسي لمن يشوفني كدا ح ينصدم كيف
رونق : دا قضاء وقدر خليك واثقه من نفسك وارح
طلعو و محمد من شاف نوسه عيونو م نزلت منها نظراتو كانت كلها حب مخلوط بالشوق وكتير من الشفقه .... قعدو اتونسو شويه محمد :انا طلبت يدك من امك وامك خلت ليك الخيار
نوسه بعد فتره من الصمت :معليش انا م موافقه
محمد :....
نوسه : انا م وافقت بيك وانا معافيه م بوافق بيك هسي بعد مرضي دا ... اعزرني بس الحاجه دي م تخليك تقطع خبرك وزيارتك
محمد : انا راضي بيك كدا وفي كل الاحوال بحبك
نوسه : معليش بس الموضوع دا انتهى
محمد : م عايذ اضغط عليك لكن خليك عارفه انا لسه متمسك بيك واستحاله اخليك و مافارق معاي لو مريضه ولالا المهم اكون جمبك
انتهت الزياره على كدا و الكل حزين ...
ضهريه اليوم التاني صحبات نوسه جوها و اتنسو معاها وضحكوها شديد وحاولو قدر الامكان م يحسسوها انها ناقصه حاجه او محتاجه حاجه
نوسه : عاينو انا عايذه احاول اقيف
نور : لا لا ولا تفكري خليك كدا مرتاحه
نوسه : لا لا بس عايذه اجرب
مرح : لو عايذه شي انا بجيبو ليك
نوسه : لا بس اشتقت لي لي احساس اني وقفه على رجولي
البنات حاولو يثنوها عن قرارها لكن هي رفضت قامو ساعدوها عشان تقيف ولمن بعدت من الكرسي حست بي لفه راس واغمي عليها على طول البنات بقو يصرخو قامت رونق جات جاريه ومنال وراها و سرعه رفعو نوسه وجرو بيها على المستشفى و دخلوها العنايه المكثفه على طولو اتصلو على ابوها كلموهو وكلهم بقو منتظرين الدكتور يطلع يطمنهم بس لمن الدكتور جا وشو المصفر م طمنهم نهائي
الدكتور : وضعها مستقر لكن في غيبوبه و م معروف تفتح منها متين
الصدمه كانت اكبر من انهم يتحملوها و كلهم اتأثر و عم الصمت قرابه الساعه و تاني رونق شكرت البنات و ساقتهم بيوتهم....
...
بعد يومين مهند كان جا من السفر وكان قاعد مع منيره في واحد من مطاعم الخرطوم وبقلب في الفيس بي زهج مرا عليهو منشور فيهو صوره نسرين وصحباتها بناشدو طلبه الجامعه انهم يدعو ليها تفيق من القيبوبه وترجع احسن من الاول لانو حالتها متأخره شديد من الخلعه التلفون وقع منو لمن منيره اتخلعت
منيره : بسم الله في شنو
منهد : نسرين 
😰
منيره : مالها 
😒
مهند : عيانه و داخله في غيبوبه ليها كم يوم شكلها
منيره : اي ي حليلها مسكينه
مهند : انتي كنتي عارفه 
😳
منيره : اصلا اغلب الجامعه عارفه ومشو زارو اهلها في المستشفى
مهند : لي م وريتيني 
😤
منيره : تهمك في شي ؟
مهند عصب شديد : كيف يعني م بتهمي دي نسرين م اي زول
منيره : بتحبها 
😏
💔
مهند : اي بحبها ...
منيره : طيب لو بتحبها من الاساس بتتكلم معاي لي 
😢
مهند : الف مره قلت ليك مافي زول م بحب اختو و انتي لو بتحبيني كان عرفتي مكانتها في قلبي
منيره : ياها نسرين النسيتها و خليتها براها ولا وحده تانيه
منهد م قدر يرد على منيره لانو كلامها صاح بس عاين ليها و مشى
يتبع.....
