أحببته في صمت

الجزء 22

اليوم التاني من الصباح نوسه اتصلت تلفون

نوسه : الو السلام عليكم

....: وعليكم السلام كيفك وحمد لله على السلامه

نوسه :الله يسلمك

.....:اللزول من الصباح يصبح بي صوتك 😍

نوسه : ههههه احلى صوت مش 😂

.....: ي بت خوفتينا عليك

نوسه : م تشوفي شر ي رب ... اسمعيني عايذه منك خدمه

....: اتفضلي

نوسه : عايذه رقم منيره لو عندك

.....:غاليه والطلب رخيص سجلي عندك

نوسه : تسلمي كتير ي هند نخدمك في الافراح ي رب

هدى : اصلا عرسي قرب لازم تشرفينا

نوسه : حاضر من عيوني ..تاني تطلبي شي

هدى : سلامتك بس حبيبيه يلا عن ازنك

نوسه : الله يسلمك ( وفصلت الخط )

طوالي نوسه اتصلت على منيره

نوسه : السلام عليكم

منيره : وعليكم السلام

نوسه : منيره ؟؟

منيره : ايوه نعم .. بس م عرفتك

نوسه : انتي م بتعرفيني بس حابه اقول ليك مهند دا بحبك شديد لكن الايام دي نفسياتو تعبانه شويه ف عشان كدا ...

منيره مقاطعه : لو سمحتي م تتكلمي في خصوصيات م ليك بيها دعوه

نوسه : حابه انصحك بس لاني عارفه انك زوله طيبه شديد من جواك بس خليك جمب مهند على كول لاني عايذه اشوفكم متفاهمين مع بعض وحلوين ( وقفلت على كدا )

منيره استغربت من الاتصال الجاها دا وطوالي اتزكرت مهند وبقت تفتش فيهو لقتو طالع من الجامعه ندهت عليهو لمن قبل عليها

منيره : صباح الخير

مهند : صباح النور

منيره : ماشي على وين لسه وراك محاضرات

مهند : عايذه شنو

منيره بعد تفكير : بس قلت اشوفك لو فاضي عشان توديني لي نسريت قالو صحت من الغيبوبه عايذه احمدل ليها السلامه ( ودا كلو عشان تقرب من مهند وفي قلبها شايله على توسه كتير لانو مهند الفتره الفاتت دي نساها نهائي وكل بالو مع نسرين )

مهند : طيب استعجلي انا ماشي ليها هسي

منيره : م عندي حاجه ارح

مشو وفي الشارع مهند اتصل على نسرين عشان يسألها عايذه فطور شنو لكن نسرين م ردت قام نزل ليهو في مطعم وكلب بيتزا وبقى قاعد منتظرها وخلا التلفون في العربيه ... شويه كدا والتلفون اتصل قامت منيره رفعت التلفون لقت الرقم مسجل بي قلبوشتي ( الاسم دل مهند سجل بيهو رقم نسرين لمن شافها اول مره تحت ابشجر في البينشان لانها صغنونه وحلاتها ) منيره اتغاظت شديد وقررت تسجل الرقم عشان تعرف قلبوشتو دي منو بقت بتعاين فيهو مسافه زي الشافتو قبلي كدا وشافت مهند جاي على العربيه طوالي سجلت الرقم سرعه سرعه وختت التلفون ومشو على المستشفى دخلو طوالي والحرس م اتناقش معاهم ومشو على نسرين وهي لمن شافتهم الاتنين مع بعض فرحت شديد لانها كانت قايله منيره راجعت كلامها و اختارت الصاح وفي نفس الوقت كانت وعلانه على مهند حبيبها وهو مع وحده غيرها و منيره تفكيرها بعيد شديد وبطنها طامه من مهند بس قالت إلا تعرف قلبوشتو دي وعدا اليوم ... بالمسى منيره رسلت في الرقم

منيره : مساء الخير

.....

ي رب ح يحصل شنو وهل منيره و مهند ح يرجعو لي بعض و نسرين ح تتصرف كيف و ح تطلع من المستشفى متين ..

في رايكم ح يحصل شنو ؟؟

توقعاتكم النهايه كيف ...يلا ابدعو بي خيالكم وارائكم

....

يتبع....