نوسه : مساء النور
منيره : كيفك
نوسه : بألف خير بعد شوفتك انتي ومهند مع بعض ومتفاهمين وشكرا على الزياره
منيره اتسمرت في مكانها من الخلعه واتصدمت لمن عرفت انو دي نوسه وعرفت قدر شنو هم بحبو بعض ( والما عارفاهو انو مهند خاتي نوسه في مقام اختو ونوسه بتحبو اكتر من نفسها بس دفنت الحب وفضلت الاخوه عشانها هي )
منيره قررت تجهز هديه لي نوسه وتمش مع مهند توديها ليها منها تشكر نسرين ومنها تقرب من مهند اكتر
بالمسى مواعيد الزياره محمد واسرتو جو لي نسرين و قعدو مده قصيره ولمن جو طالعين نسرين نادت محمد وهمست ليهو براحه ... محمد سرح مسافه و قال ليها ان شاء الله وطلع
بعد يومين منيره ومهند جو لي نسرين وجابو ليها كميه من الحاجات و قعدو ونسوها وطلعو ، والمره دي مهيد اصر انو يبيت مع نسرين وبعد مجهودات ابوهو وافق ،زي الساعه 2 صباحا كدا مهيد سمع صوت انين في اتجاه سرير اختو فتح اللمبه وجرا عليها لقاها معرقه شديد وجيمها مسخن بي سرعه طلع يفتش للدكتور لكن م لقاهو وجات معاهو ممرضه وادت نوسه حقنه بس مافي اي تحسن قامت الممرضه اتصلت بالدكتور وجا مسرع وطوالي ودوها علي العنايه المركزه واتصلو لي اهلها
الدكتور : اديتيها شنو
الممرضه : حقنه ....
الدكتور مخلوع : من متين بندي الحقنه دي للحالات الزي دي ... سترك ي رب البت دي لو حصل ليها شي انتي اول وحده ح تقيفي في المحكمه
الممرضه بقت خايفه شديد خصوصا انو حاله نوسه صعبه شديد ،شويه كدا واهل نوسه جو وامها واختها م وقفو من البكى ... بعد ساعه الدكتور جا طالع
الاب : خير ي دكتور بتنا الحصل عليها شنو
الدكتور : اكيد انت انسان بتؤمن بالقضاء والقدر واحنا حاولنا قدر الامكان ننقز المريضه لكن للاسف الدوام لله ربنا يلزمكم الصبر
هدوء غريب بس تتعالى اصوات الشهقات والكل ببكي ومثدوم من هول الخبر ... شالو الجسمان وطلعو ولا حتى سالو من سبب الوفاة بحكم انو قضاء وقدر
لمن اذان الصبح اذن الكل كان عرف بي خبر الوفاة وبما بيهم اصحاب نوسه ومهند الكان بتونس مع منيره للصباح الشيب والشباب بكو موت نسرين ومهند قرب يحصلها بس منيره كانت واقفه جمبو وبتصبرو دايما
بعد تلاته شهور من الحزن ...
محمد في بيت ناس نسرين : لو م عندكم مانع انا عايذ بتكم رونق على سنه الله ورسوله
منال : حتى لو تحنا وافقنا رونق م ح ترضى
محمد : موضوع رونق دا خلو علي بس انا حاليا عايذ موافقتكم انتو
الاب : ربنا يسهل ي ولدي
محمد : ادوني لبها رقم انا بتفاهم معاها
في جانب اخر ..
: الخطوبه متين
: ء
: وين انت سرحان
: هااا معاك معاك كنتي بتقولي في شنو
:ح تفضل حزنان على نوسه لمتين ي مهند هي عمرها م كانت عايذاك تكون كدا انا متأكده انها فرحانه ليك هسي عشان مشاكلك كلها اتحلت
مهند : كنتي بتقولي في شنو
منيره بي خجل : ح تخطبني متين
مهند : كلمي اهلك انا جاي بعد اسبوعين
نرجع لي محمد و رونق ..
محمد : رونق كيفك
رونق :بخير كيفك انت ( وقلبها عايز يطير من الفرح لمن سمعت صوتو )
محمد : انا عايذك على سنه لله ورسوهو وعايذك تكوني ام عيالي
رونق بعد فتره من الصمت : لا لا ي محمد وين نسرين اختي في قلبك خلاص عشان ماتت نسيتها
محمد : معليش م تفهميني غلط نسرين بتمثل كل حته مني وعمري م نسيتها بس هي الله يرحمها كانت حاسه بالموت وطلبت مني اعرسك
رونق وه بتبكي : الله يرحمك ي اختي ... وافقه
....
محمد بتزوج رونق وبسافرو برا البلد بحثا عن السعاده
ومهند بخطب منيره ومن يوم الخطوبه منيره بقت تناديهو بي ابو نسرين
...
حبيبها الاول اتزوجتو اختها و حب قلبها التاني اتنازلت عنو لي غيره وهي راقده في قبرها مرتاحه وفي قلبها كانت كاتمه كتير
وما اصعب كتمان الحب
....... الـنـهـايـة .......
