يلا اعرفكم بي شله نوسه هم اصلا اصحابها من الثانوي قرو كلهم في مدرسه وحده و دخلو الجامعه مع بعض شله قالبه الدنيا كانت معروفه في المدرسه و هسي في الجامعه معروفه شديد بتتكون من ريم . رهام . نور . مرح . امير .احمد . منذر و عمر ريم اكتر بت مسكينه في الشله لكن لو فتحت خشمها اقنع من جبهتك دي نهائي 😂 بتقصف بي كلو اطول من نسرين شويه خدوريه ووشها مدور صحتها حلوه وشعرها اسود وناعم شديد لي درجه انو الطرحه م بتثبت في راسها ... نور دي راس المصايب وبتعرف اولاد السودان كلهم ويومي جايبه ليهم طلعه جديده و دايما بتكون مع نوسه وبطعو سوا في الاغلب، طويله شويه سموريه و ضعيفه وعنيونها حلوه وبتعمل فل ميك اب ... رهام دي شهاده عربيه حلاتها شديد دبدوبه كدا ولونها فاتح كانت مسكيه لكن خربت لمن تبعت بنات الداخليه يلا رهام دي اتعرفو عليها في الجامعه وهي الجات انضمت لي شلتهم بالقوه عشان كدا علاقتها معاهم م كويسه شديد ... مرح دي احلى وحده في الشله طويله وصحتها كويسه حلبيه شديد و شعرها نازل في ضهرها زوله طيوبه شديد وبتدخل في اي زول لسانها حلو شديد دايما بتحنك ليهم الناس لمن يقعو في مشكله 😂 ... احمد هادي شديد و زول جادي كلامو بسيط عندو مزاج مع نسرين لمن بقو يشغلوها بيهم 😂😂 م طويل و من مظهرو زول عادي حلاقه عاديه ولبسو كلو الوان هاديه و طلعتو معاهم بسيطه لانو هم بقلبو الدنيا و فضيحه شديد لمن يطلعو حته 😂 بلفتو النظر بي طريقه مباالغه ... منذر دا طويل وعريض و جسمو رياضي اخدراني زول شايف نفسو وبعاين للبنات بي طرف عينو لكن تحت تحت م مخلي بت إلا وجايب خبرها واي بت سمحه بنبرش فيها ... عمر جنو اغاني واليوم كلو يغني ويتراقص براهو ولازم اي اغنيه جديده يسمعها لي ناس الشله وهم لازم يسمعوها غصب عنهم 😂 طويل وضعيف اصفراني وشعرو ناعم وكتير شديد مكسر نص بنات الدفعه والنص التاني مكسر في امير ... امير حلبي وطويل شديد شعرو برضو كتير وكل يوم طالع بي حلاقه شكل عندو دقنه خفيفه عاجباهو عجب شديد 😂😂( هو اصغر الشله عشان كظا بحاول يكبر نفسو ومجتهد شديد مع دقنو دا ) طيوب لي درجه قف تأمل و جنو هظار وضحك و عندو ضحكه بتوقف العالم دا كلو على رحل من الخلعه دايما فاضح بيها الشله حتى في ارقى المحلات 😂😂 لو اتلمى مع عمر و بدو التشغيله الشله بتتبرى منهم ...
نرجع لي قصتنا ...
نوسه ولا اشتغلت بي مهند رجعت بيتهم اتظبطت و مشت لاقت شلتها اليوم كلو عدوهو ضحك ما خلو زول في الشارع م شاغلوهو و العجب لمن يركبو مواصلات م بقعدو إلا في آخر كنبتين (اصلا دي حركانتهم كل يوم وهم راجعين من الجامعه )و تغريبا مفردين كل الكماسره و ماسكين المواصلات على حسابهم ضحك وونسه مرات الحافله بتبقى عامله زي بص العرس كل الركاب بتندمجو معاهم ويفضلو يتونسو سوا و مرات بشاكلوهم و بقولو ليهم اقعدو ساكتين انتو في مواصلات عامه ما في بيت عرس ( عمر بكون مشغل اغاني بي اعلى صوت 😂) ...
يلا بعد خلاص كملو الصياعه ومشو اتغدو و بقو حايمين في شوارع الخرطوم عسى ولعل يلقو شارع المواصلات العامه فجأة بت شهاده عربيه اغمى عليهو والبنات بقو يسكلبو ويبكو و حاولو يفوقوها بس حلفت كان تصحى قامو وقفو عربيه وودوها المستشفى وقفو معاها لمن عملت كل التحاليل و رجعوها الداخليه الاولاد مشو البنات فضلو معاها لحدي بعد العشا بعدين اي وحده اهلها جو ساقوها ... نوسه كانت تعبانه شديد طوالي رقدت نامت م صحت إلا ضهر اليوم التاني بعد صحت دخلت الواتس لقت رساله وحده بس من مهند زعلت شديد لانو م فقدها لكن تاني قالت إحتمال تاني تعب و بقت مقلقه عليهو شديد رسلت ليهو م رد عليها ولا حتى كان فاتح البيانات
يتبع....
