منيره مسكت مهند من معصمو و عايذه تتكلم معاهو قبل عليها وعيونو كانت محمره وقال ليها : اي والله كلامك صاح عشان هي كانت بتحاول تحببني فيك و تخليني اقرب منك لمن بقيت في الدنيا دي م شايف غيرك ... غلطان انا المن الاول حبيتك .. ياخي نسرين م حصل يوم عابتك لي بتحبك وبتعتبرك زي اختها وبتعزك زي ما انا بعزك بس تصدقي خساره فيك ....
ومشى خلاها بتفكر انو صحى لو نوسه كانت كعبه كان حاولت تبعد مهند عني
مهند سأل لمن عرف نوسه مرقدنها وين وطوالي مشى المستشفى و لاقى امها وابوها واصحابها كلهم قدام الغرفه و حالتهم صعبه وقف مع ناس احمد ومنذر وسألهم من حاله نوسه بس قالو مافي اي تحسن ...
رجع عربتو وقعد يبكي بي حرقه و تلفونو م وقف من اتصالات نوسه و هو م كان عندو نفس يرد عليها
اكتر من اسبوعين ومهند يومي بمش المستشفى لي نوسهو كان بتعزب لمن يشوفها مرقده وجسمها كلو اجهزه وعيونها لسه مغمضه و صحتها اتدهورت شديد .... يوم مهند جا وطوالي مشى على المكان المرقده فيهو نسرين عاين لقى سريرها فاضي اتخلع وختا يدينو في راسو و بدت الافكار السلبيه تدخل مخو جا دكتور ولقاهو في حالتو دي قال لي خير في حاجه
مهند والعبره في حلقو : نسرين وين
الدكتور : نسرين منو
مهند : البت الكانت مرقده هنا امبارح
الدكتور : البت الكانت في غيبوبه ؟
منهد : اي
الدكتور : فاقت من الغيبوبه وحولناها الجناح التاني
مهد: الحمد لله ي ري
و جري على الجناح و دخل الغرفه براحه وقال السلام عليكم
الكل وعليكم السلام
نوسه : اهلا مهند ... امي دا زميلي في الجامعه
منال : اهلا ي ولدي
مهند : الحمد لله وحمد لله على سلامه نسرين
منال : الله يسلمك
حرس المستشفى : وقت الزياره خلص عن ازنكم اطلعو
وتاني بدت الشكله في منو الح يبيت مع نوسه
رونق : انا ي ابوي ح ابيت معاها فاضيه م عندي شي
مهيد : لا لا ي ابوي انا الح ابيت رونق بت م بتقدر تجيب لي نسرين الحاجات العايزاها من بره
رونق : انا بت ي ابوي وبقدر اغضي ليها غرضها
منال : كفايه ي اولاد انا الح ابيت مع بتي مشتاقه ليها
رونق و مهيد مع بعض : انتي ي امي م عندك طريقه منو البعمل الاكل
الاب : خلاص ح تقعد رونق والباقين ارح قدامي وانتو ي اولاد ( اصحاب نسرين ) كتر خيركم م قصرتو معانا ارح اوصلكم
كلهم مشو إلا مهند كان واقف تحت مع الحرس و بقنع فيهو عشان يخليهو يدخل ولو خمس دقايق جات رونق نازله شافت مهند عرفتو على طول
رونق : السلام عليكم ... في شنو ي مهند
مهند : عايذ ادخل لي نسرين بس الحرس رافض
رونق طلعت بطاقه من جيبها و ورتها للحرس طوالي الحرس قال ليهو معيش اتفضلو
مهند : شكرا رونق .....ومشى على الغرفه
مهند : نسرين
نوسه : اتفضل
مهند : اعفي لي ي نسرين بعدت عنك شديد
نوسه وجواها فرح وحزن في نفس الوقت : م مشكله حصل خير
وقعدو يتونسو ويحكو لي بعض واي وحاد يحكي للتاني عن الحاجات الحصلت معاهو وهو بعيد عن التاني قام مهند قال لي نسرين انا خلاص خليت منيره لانها م راعت لي مرضك و هي بتحب نفسها بس ... نوسه فرحت شديد لانو مهند خلاص ح يبقى معاها هي براها وح يرجع زي الاول لكن تاني اتزكرت منيره وانها بتحب مهند شديد
نوسه : حرام عليك ي مهند كل الموضوع انها غيرانه
مهند : الموضوع م عايذ نقاش هسي خلي مره تانيه
نوسه : لكن ي مهند ...
مهند مقاطع : هشششش
يتبع....
