بالمسى ...
نوسه : مهند
مهند : نعم
نوسه : انت كويس
مهند : اي
نوسه : كنت وين من قبيل
مهند : نايم .... كيف كانت الجامعه
نوسه : م مشيت
مهند : 😤 لي م مشيتي
نوسه : اتصلو لي قالو مافي محاضرات وقمت طلعت مع الشله
مهند : شله ؟؟
نوسه : اي شلتي
مهند : بالله انتي عندك شله 😂😂
نوسه : انت قايلني مقطوعه من شجره 😒 ياخي ديل العشق كلو
مهند : وين حبيب القلب ... ولا صاح انتي بايره 🐸💔
نوسه : على اساس انت م شاء الله البنات واقفات ليك صف 😒
مهند : اي واقفات 😌 بس انا م فاضي ليهم هسي ...
) يلا مهند م شين وجيه لكن قصير وضعيفوني و حلبي عندو غمازات موبااااالغه 😍 زول راقي وهادي ونضيف شديد كلامو محسوب إلا مع نوسه )
نوسه : مالك م فاضي 😕
مهند : عندي مشغوليات اهم من الحب
نوسه : شنو ان شاء الله 😂😂
مهند : مشغوليات اكبر من انك تفهميها 😌
نوسه : ايوا كان تقول كدا من الاول 😅
(مهند بحب يتكلم مع نوسه لانها مدياهو حرتو وم بتتدخل في خصوصياتو إلا لمن يحكي ليها هو براهو ) مهند حسى انو نوسه زعلت بس مشت الموضوع قال في نفسو دي الفرصه المناسبه عشان احكي ليها عن الجواي ...
مهند : طبعا ابوي م هنا وانا هنا قاعد مع امي وراجلها
نوسه : قاعد تمشي لي ابوك
مهند : اصلا كنت معاهو وجيت السنه دي
نوسه : وباقي اخوانك وين
مهند : مع ابوي ... وهو متزوج ومرتو هنا في السودان وانا المسؤول منها ومن اولادها وكل فتره بمش اشوف احوالهم و اجيب ليها متطلباتها
نوسه : مسؤوليتك كبيره
مهند : اي والله
نوسه : الله يكون في عونك
مهند : والمشكله امي م بترضى اني امش لي مره ابوي
نوسه : هي امك واكيد ح تتصرف كدا لانها عارفاك عيان وم عايذاك تتعب نفسك
مهند : ي ريت لو تفكيرها كدا ... هي عايذه تنتقم من ابوي ومرتو بي اي طريقه وحاولت معاها بي كل الطرق بس راجلها بدعمها ودايما انا وهو في مشاكل
نوسه : ربنا يسهل
مهند : هم كبرو مافي داعي للمشاكل ياخي وانا الضايع في النص 😔 ... حاسي اني مشدود من اطرافي الاربعه بس بتمنى اموت وارتاح
نوسه : وانا 😢
مهند : ربك كريم
نوسه : م تكبر الموضوع وخلي الامور تمش براها م عارفه اواسيك اقول ليك شنو 😓
مهند : كتر خيرك انك سمعتيني وحسيتي بي م اتحرم منك ي رب
نوسه : انا وراك وراك والزمن طويل بس شفت زي الشوكه الحوت 😂
مهند : ياخي شوكه شنو بالله انتي احلى اخت في الكون ودايما ح تفضلي جمبي ... ولا م كدا 😢
نوسه وجعتها كلمه زي اختي شديد : وعد مني عمري م ح ابعد عند ...
ورجعو يتونسو عادي ونوسه حكت لي مهند عن يومها و عن شلتها وحركاتهم
يتبع....