*** ما تنسوا التصويت على اجزاء الرواية وما تحرموني من تعليقاتكم ***
عاينت لي نفسها في المرايه وظبطت طرحتها السودا وخطت ميك اب خفيف صلحت عبايتها وطلعت وكالعاده وقفت قرابه الربع ساعه عشان تلقى مواصلات وبعد ساعه إلا ربع وصلت الجامعه وكالعاده متأخره استأذنت من الدكتور ودخلت براحه وكل العيون مركزه معاها منهم البعاين ليها بي ضيق لانها قطعت المحاضره ومنهم العاشق الولهان 😍😂😂 ومنهم المنتظرها تقعد جمبو وهي ولا شغلتها مشت اخر بنش و طلعت سماعتها ورقدت نامت لمن المحاضره انتهت .
اعرفكم على بطلتنا إسمها نسرين هي قصيره و حجمها الصغير صغير لونها اصفر عيونها كحيله حواجبها مقرونه عسل اي زول بشوفها بقول حلاتها ... عمرها 17 سنه بتدرس هندس معمار رغم انو كان رغبتها كهربه لكن م لقت فرصه عندها اخت اكبر منها بي اربعه ينين بتقرا صيدله قربت تخلص الجامعه وبعد تخلص طوالي ح تسافر عشان تحضر( يعني م شغاله بيها الشغله ) وتاني عندها اخو اصغر منها بي سنتين وهم الاتنين الشحمه والنار نهائي م بطيقو بعض ودايما في مشاكل ... بتحب اللون الاسود وكل لبسها اسود في اسود م نوع البنات البميلو للمكياج ودايمت بتحب تكون على طبيعتها وإنسانه بريئه شديد .
نرجع لي الجامعه ...
انتهت المحاضره وبدت البعدها و زولتنا لسه نايمه قامت وحده من البنات صحتها وقالت ليها الاستاذ بنبه عليك قامت نسرين شالت شنطتها واستأذنت من الاستاذ قالت مصدعه تخدت حضورها وطلعت ( كل البربطها بالمحاضرات الحضور 😂) مشت الكفتريا طلبت ليها اكل وبدت تاكل كانت ماسكه السندوتش بي يد والتلفون في اليد التانيه ومركبه سماعاتها وكانت بتتصفح في الفيس وشويه في الواتس والانستا ( بعيده كل البعد عن العالم الخارجي ) خلصت اكلها وقررت ترجع القاعه لانو زمن المحاضره انتهى .. وهي طالعه لاقت صحباتها واصرو انها تجي معاهم قامت مشت وطلبت ليها عصير وكانت ساكته وصحباتها بتونسو وكل ونستهم كانت عن الحاصل في قروب الجامعه حق المهندسين بي مختلف تخصصاتهم والمنشورات الفيهو قامو قالو ليها رايك شنو ندخلك معانا عشان م تكوني زي الاطرش في الزفه 😂😂 .. حركت راسها يعني موافقه وهم خلصو فطورهم وقامو على محاضراتهم .
(عمرها بطلتنا م كانت هادئه كدا بس في ظروف خلتها تبقى كدا ولي قدام ح نعرفها ... من هسي ح نختصر نسرين بي نوسه 😅الاسم طويل ياخي )
يتبع....
