#بعد_الحب
البارت ال 5
بقلمي الكاتبة #ميديا_الفهد
بيج #قصص_من_حياتناM&T
عقيل.. فاطمة ممكن لحظة احجي وياج
فاطمة.. اتفاجئت رجعت عليه ومبين عليه علامات الاستغراب ، نور وداليا واكفات بعيد عني ،
عقيل.. باعي فاطمة داشوف نور كلش تعبانه ونبيل تعبان اكثر لازم نسوي شي ونخليهم يتصالحون لان اذا بقت عليهم واحد اعند من الثاني ، اخوية كلش متغير وميتحاجة وعصبي وكام يدخن هذا نبيل الي يكره ريحة الدخان كام يدخن باليوم باكتين واكثر
فاطمة.. وشنو البيدي اكدر اسوي والله صار اسبوع اقنع بيها تتصل عليه لان ادمرت اختي بسبب اخوك حته هملت دراستها ، احجي انت ويه اخوك خلي يتصل، هيه مغلطت بشي مجرد غارت عليه قابل انتهت الدنيا
عقيل.. وليش عبالج اني ماحجيت تعبت واني احجي وياه وهو معاند يكول صيحت عليه كدام البنات وكل مرة اني اتنازل واصالحها حته لو هيه جانت الغلطانه يعني شحجي وياه
فاطمة.. عقيل وشنو الحل
عقيل.. ردت بس اسألج عادي اتصل احجي وياج بالتلفون حته نشوف شنسوي بموضوع نبيل ونور
فاطمة .. اي عادي بس مو انت تتصل خلي داليا لان بابا متعصب وميقبل , بقلمي ميديا الفهد
عقيل.. اي شفته من ذيج المرة كلش عصبي ميتفاهم الله يساعدكم ، خلص انتظري مكالمتي ، بس هل حجي بيني وبينج لا دكولين النور زين؟
واني هم ماراح اكول شي لنبيل لان اكيد راح يكابرون يلا روحي اسف اخذت من وقتج
*معرفتكم بنفسي اني عقيل عمري 20 سنة ادرس كلية لغات مرحلة أولى، اسمر عيوني سود وطولي متوسط شعري اسود اشبه أبوية الله يرحمه ، بحيث امي تحبني اكثر من باقي اخواني وخواتي ، مرة جانت عندي عطلة لان بزمن صدام جان حته السبت دوام بس الكليات عدهم يوم بالاسبوع ويه الجمعة عطله جنه نسمي بوكتنه اوف 😂 ،
اتصلت الادارة مال مدرسه داليا ع البيت ورحت للمدرسة اشوف شكو ، وجانت واكفة يم داليا بنية حلوة حنطاوية عرفت من المديرة اسمها فاطمة اول مشفتها مادري شصار بيه من شفت عيونها غركانه بالدموع وخايفة وترجف عبالك طفلة بريئة ،
انوب اجه ابوها موتها ضرب اني دافعتلها وماخليته يضربها انوب ختلت وراية جنها غزالة خايفة من وحش وخلتني سند الها حسيت نفسي ملزم ادافع عنها صح اول مرة اشوفها بس روحي رفت الها ، بقيت اسأل داليا عليها يوميه وعرفت بيها انخطبت غصب الابن خالتها ، بيومها الليل مانمته بس افكر بيها ،
فاطمة.. رجعت ونور وداليا بدن يستجوبني محجيت شي ، كتلهم سألني ع البنات بعدهن يتعرضن النه لولا لان سأل داليا وممجاوبته ، أشرت الداليا حته متضل نور تسأل ، بيج قصص من حياتناM&T
داليا.. حجه وياج ع موضوع نبيل ونور مو ؟؟
فاطمة.. اي يريد يصالحهم ، ولج اني هم گلبي ممرود ع نور يوميه تذبل اكثر من اليوم القبله ، احس اختي راح اتضيع مني معقولة الحب هيج ايأذي الواحد ويخلي متعذب ومهموم
أنت تقرأ
بعد الحب .....
Romanceليس الماضي جميل بكل ما فيه كلا ليس الأمر كذلك بل عقولنا التي لا تختزن في مخيلتها الا كل جميل وتنسى آهات ومتاعب السنين التي خلت ... لتبقى لنا تلكم الذكريات الجميلة التي تحن لها نفوسنا وهي حكمة الخالق .....
