#بعد_الحب
البارت ال 6
بقلمي الكاتبة #ميديا_الفهد
بيج #قصص_من_حياتناM&T
فاطمة.. احس گلبي يريد يطلع من مكانه،، انداريت عليه طبعا بينه مسافة شو هذا كام يتقرب عليه حيل بقيت جامده بمكاني عزززة هذا شبي 😳😳
عقيل.. كاعدين ع المصطبة واباوع ع فاطمة خجلانه ومستحية بدي اكوللها اني معجب بيج واعترف الها بحبي بس مااكدر لان مخطوبة ومااعرف شلون افتح وياها الموضوع ،
المهم صافن عليها وشفت ابو بريص واكف ع جتفها وهيه متدري يمكن نزل من الشجرة الكاعدين يمها 😂 ماردت اخوفها لان اعرف البنات نقطة ضعفهن ابو بريص والصرصور 😁 اتقربت منها ع كيف اباوع عليها تباوع عليه وخايفة ع مصدومة من اقترابي المفاجئ منها وخرته بيدي بسرعه هيه شافته بالكاع وكامت تعيط لمت عليه الناس عبالهم دااتحارش بيها ، ماعاطت من جان واكف عليها عاطت من شافته بالكاع خرب بحظي ،،، ولج اسكتي راح والله راح
فاطمة.. اني شفت ابو بريص لو روحي شاغت كمت اعيط واكمز لا اراديا من الخوف اصلا عندي خوف مو طبيعي من جميع الحشرات، اوف لو عقيل مسوي شي ولا هل ابو بريص يمشي عليه 😭
انوب التمو الشباب ع عقيل وكمشوه من ياخته ويجرجرون بي واني اكفش بشعري واكمز
عقيل.. يمعودين شباب ع كيفكم، والله ممتحارش بيها اصلا هاي خطيبتي وابو بريص مشه عليها وخافت
نبيل.. شكو شكو ؟؟
نور.. ولج فاطمة شبيج ليش تبجين منو حاجاج
فاطمة.. ولج مشه ع جسمي نور مشى ع جسمي 😭
نور.. ولج منو هذا؟؟
انوب اجتي المعاونه عبالها اكو شي وفاطمة الجبانه فضحتنه عبالك دينصور مشى عليها بس تبجي 😂
فاطمة.. رزلتني المعاونه كالت عبالي وكعتي من لعبة لو بيج شي انهبطت ، البنات يضحكون عليه بس والله متت خوف اني اذا شفت هل مخلوق من بعيد اموت رعب مو عاد يمشي عليه 😭
رجعنه من السفرة وجان وراها جمعه يعني عطلة يعني عمار راح يجي 😠 نمنه بالليل طبعا نور رجعتلها الضحكة والسوالف الحلوة لان تصالحت ويه نبيل وكل شوية ادكولي منوراج خربت السفرة وتضربني ع راسي
كعدنه الصبح نظفنه البيت ع السريع وصعدنه نقرة جان ماما تصيحني خطيبج اجه ،، اهوووو شلون مصيبة هاي ياربي شوكت اخلص منه والله مليت
عمار.. شبيج فاطمة ليش وجهج ثگيل عليه شنو مغصوبة عليه ، اصدقائي لا خاطبين ولا شي ولاعبين لعب ويه صديقاتهم وانتي حته مكالمة بالتلفون متحجين ويايه عدل كولي اذا متريديني احجي ليش ساكته ، قصص من حياتناM&T
فاطمة.. وانت شتريد مثلا مني
عمار.. حسسيني انتي تحبيني ومهتمه بيه ، خلي احجي وياج بالتلفون خلي اتعرف عليج وانتي هم اتعرفي عليه ،
أنت تقرأ
بعد الحب .....
Romanceليس الماضي جميل بكل ما فيه كلا ليس الأمر كذلك بل عقولنا التي لا تختزن في مخيلتها الا كل جميل وتنسى آهات ومتاعب السنين التي خلت ... لتبقى لنا تلكم الذكريات الجميلة التي تحن لها نفوسنا وهي حكمة الخالق .....
