#بعد_الحب
#البارت_ال15
الكاتبة #ميديا_الفهد
بيج #قصص_من_حياتناM&T
عقيل.. اعصابي ادمرت اريد اسيطر ع نفسي ماكدر واني اسمع حبيبتي تتغزل بواحد غيري ،، ليش هيج ياربي بعت كل الناس ع مودها تالي هيج اجازيني حته خوالي تعاركت وياهم لان ميجون يخطبوها الي وزعلوا عليه ،
ردت ادفر الباب واطيح حظها بس كرامتي متسمحلي بعد شسمع منها شنو تبررلي واني سمعت بأذني حجيها حرامات حبي ضيعته عليج يافاطمة ، نزلت مكسور انغدرت من اقرب انسانه الي
ام نبيل.. هاا يمه شبيك شو انكلبت گلاب صعدت بوجه ونزلت بوجه ثاني شسمعتك الحية المسمومه ، مانزلت رفاه وياك
عقيل.. لا ماكو شي يمه مالكيت البنطرون يمكن بالكنتور مشفته زين ، رفاه نايمه ، عفتها وصعدت الغرفتي واسمع ضحكاتها مثل الخناجر تطعن بگلبي ، اضحكي فاطمة اضحكي ع مشاعر عقيل همزين الله كشفلي وجهج الحقيقي
فاطمة.. ولج نور احجيلي عقيل شلونه والله مشتاقتله صار من عطلنه لليوم مشايفته انوب من البارحة مسامعه صوته
نور.. زين يطلع الصبح ويرجع بالليل وعمتي اشيب گلبه ،بس اليوم اجازته يمكن موجود بالبيت
فاطمة.. صدك الله عليج امشي ننزل بحجة نسلم ع عمتج بلكي موجود ميته اريد اشوفه
نور.. دكعدي راحة هسه بس شوفني اني وياج سوه تصير بيها جلطة ثلاثية الأبعاد 😂😂
فاطمة.. كمنه نضحك بصوت عالي اني ونور ، بقيت ازن ع راسها حته ننزل بلكوة قبلت تخاف من عمتها ، نزلنه وعمتها صدك انجلطت بشوفتنه 😂 سلمت عليها بالكوة جاوبت ومن ورة خشمها ، اباوع منا ومنا ماكو عقيل عبالي اشوفه
ام نبيل.. اكولج نور ليش مانطيتي رفاه العقيل مو هاي كاعده 😕
نور.. عمه ياعقيل محد صعدلي اليوم منكم
ام نبيل.. عيني هسه صعد ع مود بنطرونه وكلتله نزل رفاه نزل كال نايمه
نور.. لا والله عمه مااجه ابد واحنه كاعدين اني وفاطمة محد صعد
ام نبيل.. يجوز لان سمع فاطمة يمج استحة ونزل بسرعة
فاطمة.. بقيت صافنه يعني عقيل موجود ليش ميريد يشوفني شصاير وياه ، خفت معقوله ياربي امه كدرت تغيره عليه وبعد ميريدني ولا يحب يشوفني لا مستحيل عقيل ميتخله عني
نور.. خلي اصعد اكوله مو عدنه البنطرون
ام نبيل.. لا عوفي ماله خلك ضايج مادري شبي صعد ونزل بسرعة ضايج عبالي انتي غاثته طلع غير شي
فاطمة.. تباوع عليه وتحجي متت بمكاني اريد اصعد اشوفه شبي صح ميريد يشوفني ،
عقيل.. سمعت صوتهن بالبيت جوة نار مشتعلة بصدري ، هااا يافاطمة نسيتي كلشي بينه من اول قسمه اجتج فرحتي وضحكتج واصلة السابع جار ، كافي عقيل كافي منو يسمعك الي جانت تسمعك راحت وطلعت خاينة
أنت تقرأ
بعد الحب .....
Romansaليس الماضي جميل بكل ما فيه كلا ليس الأمر كذلك بل عقولنا التي لا تختزن في مخيلتها الا كل جميل وتنسى آهات ومتاعب السنين التي خلت ... لتبقى لنا تلكم الذكريات الجميلة التي تحن لها نفوسنا وهي حكمة الخالق .....
