#بعد_الحب
البارت ال 21
الكاتبة #ميديا_الفهد
بيج #قصص_من_حياتناM&T
عقيل.. وصلت الشارعهم بي هوسه وصوت موسيقى وهلاهل ، تقربت يم بيتهم واشوف العالم تركص وفرحانه ، ماصدكت الي اشوفه نزلت من السيارة اريد اشوف واتأكد هاي العروس فاطمة لو منو،،
واكف بعيد حالي حال الغرب اتفرج ع مأساتي وضيمي ... طلعت عروس من البيت مدنكه بس ماكو داعي اركز عليها اني اعرفها واميزها من بين ملايين الناس ، هاااي عافيتي كاعد تنزف الغيري اووف ربي صدك راحت عافيتي مني؟
، اريد امشي واروح عليها بس رجلية اتصلبن بمكانهن ماكدر اتحرك اريد اصرخ عليها واموتها بس انخرست اجتفت ايدي واكف بمكاني ومنتجي ع سيارتي واتفرج ع المشهد وع وجهي ابتسامة غريبه مااعرف افسرها
فاطمة.. لزمني مهند من ايدي وديطلعني لسيارة العرس ، رجلية بالكوة يمشن احسهن ثكال ودموعي تنزل صعدت بسيارة العرس واباوع ع نور شفتها واكفه وتباوع ع شي كبالها ومصدومة استغربت من وكفتها اتبسمرت بمكانها وسجى تدفع بيها ،
اندريت اريد اشوف ع شنو تباوع نور وياريتني منداريت ،
شفت عقيل واكف يتفرج عليه وبعيونه حسرة ووجع احس بي بدون مايحجي عيونه يحجن ويعاتبني والله من الوجع الي اعيشه قبلت انزف الغيرك احجي بگلبي وهو ماشال عينه عني ،
اوووف ياريتني متت ولا شفتك بهل اليوم عقيل زيدت عليه المواجع ، ليش اليوم اجيت ليش 😭 خليت ايدي ع وجهي ونطيت بجي واشهك احس النفس مديدخل بصدري اختنكت اريد اصيح اريد اصرررخ ماريد غير عقيل اليوم وخروا هذا الغريب الكاعد بصفي وجيبوا حبيب الروح ولفي وعزيز گلبي عيوني الي اشوف بيهن والله انعمي من دونه ،،
تندمت اريد افتح باب السيارة واطلع اركض الحضنه ، بس گلبي يريد شي وعقلي يريد شي ثاني ، صار تضاد ومعارك بداخل نفسي ثورة محتاجة تطلع وتصرخ بعلو الصوت اريد الاحبة
مهند.. يمعودة مدكوليلي شيج كلبتيها مناحة قابل موديج للمكابر اسكتي فضحتينه شنو مجبورة عليه
فاطمة.. اني ناطة بجي وهذا مادري شيحجي دوخني ولعبت نفسي من صوت اريد اعيط واكوله اسكت ، بس هذا الخوف بداخلي يمنعني مااعرف منو شنو اخاف ، من الناس لو من بابا لو من رباب لو من منو ؟؟؟
فاطمة كولي لا اصرخي انزلي من السيارة اتحدي الكل ورحي العقيل ولا تكسري،،
مشت السيارة... جبانة غدارة خاينة ،، كرهت نفسي حسيت روحي قمة القذارة والنذالة ياربي بعدني بأول الطريق وهيج صار بيه 😢 شلون بعد ما... لا لا ماكدر اتحمل
نزلني .. وكف السيارة وكفهاااا
مهند.. شبيج فاطمة تخبلتي شكو شصاير ؟
فاطمة.. ماريد اتزوج ماريد نزلني فدوة رجعني البيتنه
ابو مهند.. بنتي فاطمة احنه صرنة اهلج وانتي مارايحة المكان بعيد واهلج موجودين وقريبين عليج وشوكت متريدين اني اوديج بيدي ،
أنت تقرأ
بعد الحب .....
Lãng mạnليس الماضي جميل بكل ما فيه كلا ليس الأمر كذلك بل عقولنا التي لا تختزن في مخيلتها الا كل جميل وتنسى آهات ومتاعب السنين التي خلت ... لتبقى لنا تلكم الذكريات الجميلة التي تحن لها نفوسنا وهي حكمة الخالق .....
