#بعد_الحب
البارت ال 12
بقلمي الكاتبة #ميديا_الفهد
#قصص_من_حياتناM&T
فاطمة.. راح عقيل وراحت وياه روحي اول شهر حته الاكل ماكدر اتقبله ، ضحكتي راحت احس ناقصني شي كلش جبير وراها بديت اتعود ع غيابة بس بگلبي غصة متنوصف ، جان كل فترة يتراسل ويانه واعرف اخبارة ،
البيت جحيم منورة رباب تشيش ابوية ع امي ، ماما تقريبا سنة او اكثر هيه متدري بابا متزوج او تعرف بس متريد تبين اله حته ميخليها كدام الأمر الواقع ويجيب رباب ويكعدها بالبيت ، والاخيرة مابطلت اسوالفها وكيدها علينه ،
مرة كاعدين عطلة وماعدنه شي اني وماما وبابا ومحمد ونور جايتنه خطار
محمد.. يابة اريد اتزوج شنو مناوين تزوجوني راح احمض ع گلبكم
ام فاطمه.. يوم عيد يمه اشوفك عريس واخلي جهالك بحضني
ابو فاطمه.. اي وانت عندك فلوس وتزوج ؟ ترى من هسه اكولك فلس واحد ماعندي
محمد.. لا يابة الحمد لله مستورة عندي جم فلس ضامهن يم امي ان شاء الله يكفن
ام فاطمه.. اي ان شاء الله يكفن وزايدات وإني مني الك نيشان العروس والفراش كامل كله
ابو فاطمه.. هااا طلعن الضامتهن جوة الكاشية واربع وعشرين ساعة اتركضين وراية مصرف طبيب سوك غراض اتاريج اصمدين بيهن
ام فاطمه.. شسويلك اذا انت بلكوة يطلع الفلس من ايدك اضطر اسوي هيج وبعدين هو كله لبيتك والجهالك قابل اني شمحصلة ، بس القهر
فاطمة.. اهوو راح تبدي رحمة الله شلون كاعدين ومستقرين لازم دكب العيطة ، شاورت نور كومي شيلي رفاه وخلي نصعد فوك
نور.. اوكفي ولج ميتعاركون خلي نشوف محمد منو يريد يخطب ،، اي حمودي بلا منو سعيدة الحظ الي راح تتزوجها شو ما كلت
محمد.. والله ماكو احد معين بكيف امي هيه تختارلي ع مرامها
ام فاطمه.. سارة بنت خالك صغيرة وحبابة وخوش بنية
نور.. ماما صدك تحجين محلوه ابد محمد وين وسارة وين لا عيني هذا ابنج الجبير غير تاخذيلة وحدة مرتبة وحلوة شنو هاي حته حجي متعرف تحجي
ام فاطمة.. لعد ماعرف منو بعد من كرايبنه ممتزوجة ،، اي صدك حماتج داليا هم حلوة وهم نعرف اخلاقها وصديقتجن
فاطمة.. يبوووه ماما انوب تخطبين من ام نبيل اويلي هيه تتحاجة يمكن اتهد عليج اذا رحتي 😂
نور.. طبعا ماما عليج اختيارات خنفشارية اخت الجذب لو سارة الجكمة لو داليا الوكحة ماكو حل وسط
فاطمة.. محمد اتخيل تتزوج داليا واذا كلتلها نووو لو بسسسس اتهد عليك ام نبيل بالتوثية هيه واخوتها 😂 ، بعدنه دنسولف ونضحك جان يدك التلفون طبعا من بابا موجود محد يجاوب ع التلفون بس هو ،
أنت تقرأ
بعد الحب .....
Romanceليس الماضي جميل بكل ما فيه كلا ليس الأمر كذلك بل عقولنا التي لا تختزن في مخيلتها الا كل جميل وتنسى آهات ومتاعب السنين التي خلت ... لتبقى لنا تلكم الذكريات الجميلة التي تحن لها نفوسنا وهي حكمة الخالق .....
