#بعد_الحب
البارت ال 2
بقلمي الكاتبة #ميديا_الفهد
بيج #قصص_من_حياتناM&T
فاطمة.. اجه الولد صاح ع اخته جان يشوفنه لان هو جان ممنتبه علينه ، راسا عيونه طلعت برة ، جان يكول يلا صعدوا اوصلكم اتاخرنه
صعدنه بالسيارة وإني ارجف اباوع ع نور تباوع عليه بالمرايا وتخزر بي وهو يسوق ع السريع مدري هو هيج طبيعته ويسوق سريع مدري معصب لان شافنه ، ياربي شكد ماهو سريع وشكد ما المدرسة قريبة بس حسيت الطريق مدا يخلص
شاورت نور،، لا تباوعين عليه فدوة خلي يعدي اليوم ع خير مابيه حيل مشاكل كافي ماما وبابا بالبيت انوب بالمدرسة ،
نور.. لج قندرة لا تبينين أحنه ضعيفات وخايفات منه ، وقابل شيريد يسوي مثلا
فاطمة.. ولج كلبة نصي صوتج ليسمعون الحجي ، ستري علينه وبعد لا تباوعين عليه بالمرايا عيب من داليا
نور.. خلص ماراح اباوع بس خلصيني بسكوتج
داليا.. ليش متجون ويايه كل يوم نبيل ميكول شي لان بطريقه يودينه وبعد كم يوم امتحانات نصف السنة وباردة كلش ، مو صح نبيل ؟؟
نبيل.. بكيفج،، اني ماعندي مشكله،،،
اعرفكم بنفسي اني نبيل عمري 21 سنة عندي أسواق بس مو بشارعنه بغير شارع ، اني طويل واسمر اعيش ويه اهلي امي واخواني اثنين وخواتي 3 ، البنات توم اكبر مني متزواجات وإني اجيت وراهن وانوب عقيل وداليا ومصطفى اخر العنقود ، أبويه متوفي بحرب ال 91
فديوم متأخر ع داليا لان اني اوديها واجيبها من المدرسة ،
اسوق سريع وباردة والدنيا مطر بلكوة اشوف ديعبرن بنات اثنين مشفتهن الله قدر ولطف ماصار حادث ردت اعتذر منهن شو وحده منهن نزلت عليه صياح وغلط،
عاد اني هم ماقصرت وياها ورديت عليها ، كلش صلفه ولسانها طويل نزلت ردت أطيح حظها انوب لعنت الشيطان واجه رجال حجه ويانه عفتهم ورحت بس بداخلي ردت اخلص عليها هاي اول مره بنية تغلط وترفع صوتها عليه ، بقلمي ميديا الفهد
انوب ورة فترة الصبح داشغل السيارة لان باردة ولازم تحمه يلا اطلعها وداليا طلعت تنتظر مصطفى راح يشتريلها صمون مسويه عزيمه ويه صديقاتها ، جان دكول نبيل صديقاتي انوصلهن ويانه كتلها يلا عادي اباوع هذني نفس البنات الي تعاركت وياهن سكتت كلت خلي امشي الامور ،
اباوع بمراية السيارة عليها تخزر بيه تخبلت ردت انزلها أطيح حظها بس لزمت اعصابي ، شكد ما هيه حلوة شكد ما مغرورة وشايفة نفسها
داليا كالتلي منا وهيج ناخذ البنات ويانه ونرجعهم كتلها بكيفج ماعندي مشكلة اباوع ع اخت صديقة داليا عيونها تجدح جدح
فاطمة.. كالها بثگل وصوت خشن ، راسا نور نطت من مكانها ولا تسكت هل البنية
نور.. لا عيني شكرا منريد نتعبك عدنه رجلين ونمشي
أنت تقرأ
بعد الحب .....
Romansليس الماضي جميل بكل ما فيه كلا ليس الأمر كذلك بل عقولنا التي لا تختزن في مخيلتها الا كل جميل وتنسى آهات ومتاعب السنين التي خلت ... لتبقى لنا تلكم الذكريات الجميلة التي تحن لها نفوسنا وهي حكمة الخالق .....
