#بعد_الحب
البارت ال 23والاخير
بقلم الكاتبه #ميديا_الفهد
بيج #قصص_من_حياتناM&T
فاطمة.. اذا اني سنة وحدة ماطولت يمه وردت اتخبل حته حالة نفسية صارت بيه من الضرب والاهانة
&&&&نرجع لعقيل&&&&
بقينه شهرين اني وسالي مثل الغربة لا اكعد يمها ولا هيه تكعد يمي لحد ما يوم رجعت من محل نبيل لان كمت اشتغل بي بدال العامل ومشتملاتي اثنينهن اجرتهن واموري كلش زينه ، طبيت للبيت واشوف امي تبجي ويمها جنط مال ملابس ،، يمه هاي شنو
ام نبيل.. هاي هيه راح ارجع وحدي مثل قبل لو ادري مصايرة زينة احسن لي
سالي.. هااي ملابسي ، انت مو تزوجتني الخاطر اداري عمتي وهاي عمتي صارت زينه الحمد لله ومشت ع رجليها بعد وجودي ماله داعي ،عقيل ممكن اطلكني ؟
ام نبيل.. يمه اتعلمت عليج مليتي عليه البيت وذيج حته ماتسال عليه كل يوم ورايحة السوريا منو غيرج يونسني سالي يمه ابقى الخاطر عمتج
سالي.. عمه ماكدر والله
عقيل.. هنه يحجن واني صافن ، بداخلي اكول همزين طلعت منها وتريد تعوفني، ومن اشوف امي تبجي وحته سالي تبجي ادري بيها تحبني مبين من عيونها ،، جريتها من ايدها وصعدت فوك وتقربتلها غصب عني في سبيل تبقى ،، شو هاي كامت تبجي وماتت من البجي
شبيج تبجين مو لان تاركج تريدين تروحين وتعوفين البيت بعد شكو تبجين فهميني راح اتخبل
سالي.. اي غصب عنك تقربتلي شفت امك تبجي وتريدني ابقى كلت اسوي بيها هيج حته غصبا عليها تبقى ، انت اصلا متريدني ولا تحبني صح لو لا ؟
عقيل.. لا مو لان امي تريدج تبقين لان اني اريدج تبقين سالي اني اتعلمت عليج شلون ارجع للبيت ومااشوف البومه الي لابسه اسود 😂 ، شلون تريدين تروحين وتعوفيني ، حضنتها لان هواي ظلمتها شفتها فرحت وضحكت ، دست ع گلبي بس ابد مكدرت احبها ولا انسى فاطمة
فاطمة.. جنت دائما اسأل نور ع عقيل دكولي عايش بغير محافظة ومتسولفلي عليه دكلي شتريدين من الولد عوفي بحالة استحي من نفسي لان اني الي عفته استاهل الي يصير بيه 😢 هاي حوبة عقيل الي كسرت گلبه ، الله يسعده 💔
بقيت سنه واني اركض بالمحاكم حته مهند يطلكني وهو يجر ويعر خبلني الله لا ينطي مجلب ايريد ياخذ احمد لازمني من ايدي الي توجعني
كعدت الصبح احمد مصخن وهم عنده لقاح ، اخذته ورحت للمركز الصحي وشفت عقيل اويلي گلبي راد يوكف ردت اضم نفسي حته ميشوفني بس اندار وشافني بقينه واحد يباوع ع الثاني مثل الي اجمدت بمكاني لا بيه اروح عليه لان مشتاقتله ولا بيه ادير وجهي واروح ، جان يتقرب عليه ويمشي بتجاهي ...
عقيل.. نبيل طلب مني اروح اسجل رفاه بالمدرسة لان نور حامل متكدر تروح للمركز الصحي وهو راح للشورجه ،
اخذتها ورحت واكف انتظر يم اللقاحات انتظر يصيحون اسم رفاه وجان اشوف فاطمة وياها طفل بقينه واحد يباوع ع الثاني رفاه ركضت ع خالتها واني هم رجليه اخذتني عليها اووف شكد مشتاقلها اباوع عليها ممصدك عيوني سلمت عليها وبقيت صافن بوجها ماريد هاي اللحظة تخلص
أنت تقرأ
بعد الحب .....
Romanceليس الماضي جميل بكل ما فيه كلا ليس الأمر كذلك بل عقولنا التي لا تختزن في مخيلتها الا كل جميل وتنسى آهات ومتاعب السنين التي خلت ... لتبقى لنا تلكم الذكريات الجميلة التي تحن لها نفوسنا وهي حكمة الخالق .....
