#بعد_الحب
البارت ال 7
بقلمي الكاتبة #ميديا_الفهد
فاطمة.. ورة ساعتين اندك الباب، نبيل اخذ داليا وراح بقيت ماما تسأل شكو مجاوبتها للعصر اجه بابا معصب عليه وايصيح
ابو فاطمة.. لج فاااااطمة اليوم اخلص عليج وحق الكعبة
نور.. لا تنزلين فاطمة والله يموتج هذا ماعنده عقل
فاطمة.. واني هم تعبت وبعد ماكدر اتحمل عمار ولا عصبية بابا ، خليني انزل احجي وياه خلصت عمري كله ساكته وخايفة شحصلت بس طيحان الحظ ، عوفيني خلي انزل ، بقت واكفه ع باب متخليني اطلع واسمعه يصعد الدرج ويعيط ، جان يدفر الباب برجله بابا ضخم كلش انكسر الباب ونور طارت من الضربه ، جان يسحلني من شعري
ابو فاطمه.. ولج اني تالي عمري محسن يجي ويكول منريد بنتك لان مو شريفة ولج انتو شنو فهميني
فاطمة.. اعيط حيل ،، بس عوفني واني افهمك والله جذابين والله بابا الله يخليك بس اسمع مني شوفني مظلومه لولا واذا اني غلط اجيب السجينه بيدي واكولك اذبحني وماتردد ،
عاد عافني وكعد ع الدرج خال أيده ع راسه امي ونور واكفات ع صفحة عاط عليهن ينزلن جوة وطببني للغرفة ودفعني حيل وكعت بالكاع ، كالي
ابو فاطمة.. يلا احجي ودافعي عن نفسج ترة مليت منج ومن سوالفج العوج واني الي اكول عليج فقيرة ومالج حس طلعتي ... 😠
فاطمة.. بابا ترضه بناتك يطلعن ويطبن بكيفهن ترضه ؟
ابو فاطمه.. اني اريد اسمع منج مجايبج تسأليني
فاطمة.. شايف هذا الي تسموه خطيبي وابن خالتي اجاني لمدرستي يريدني اطلع وياه ومن رفضت لان انت ماعندك علم كدام كل الناس جرني من ايدي ومااعرف وين يريد يوديني الله اعلم ،
عاد اني ماقبلت واخو داليا الغريب من شافه يجر بيدي دافع عني وعباله واحد غريب يتحارش بيه يعني الغريب يخاف عليه وابن خالتي يفضحني بالشارع اذا انت ترضاها عليه انو اطلع واطب بدون علمك ويه عمار فاذبحني وخلصني احسن لان اني ماارضاها ع نفسي واذا ممصدكني مستعدة احلفلك واتواجه ويه عمار , بقلمي ميديا الفهد
ابو فاطمه.. وهو شلون هيج يسوي شلون يريد يطلع وياج وحدكم وانتو معاقدين مجرد خطوبة شلوووون من سمحلة ؟؟
فاطمة.. هاي مو اول مرة قبل فترة هم طلعت وياه وماما اصرت عليه وكالت ابوج ماعنده مانع اطلعون سوة وقل ادبه ويايه واني سكتت مردت اسوي مشكله ،، بابا اتخبل وكام يصيح ونزل ع ماما ورزلها
ابو فاطمه.. باجر من الصبح تروحين اتذبين عليهم الحلقة وبعد ماكو شي اسمه خطوبة وعمار بعد اذا دخل البيت احركج انتي وياه افتهمتي ؟
ام فاطمة.. يعني تحرمني من اختي الوحيدة ع مود وحدة زعطوطه متعرف تتصرف
فاطمة.. من سمعت بابا هيج كال اني واكفه ع الدرج ردت اوكع من الفرحة نور حضنتي وكالتلي مبروووك ولج خلصتي اخيرا ،، نور اريد اهلهل واركص للصبح ولج ماصدك خلصت من عمار والله ماصدك كرصيني خاف دااحلم ولج كرصيني ، كرصتني نور عطت ع كيف واضحك واكمز ،
اول شي اجه ع بالي عقيل ردت بس أوصله خبر وابشره صح مابينه كلام حب ومامعترفتله بحبي بس هسه لا كلشي اختلف نزعت الحلقة وانطيتها النور كلتلها انتي انطيها الماما اووف هم وانزاح مني الف الحمد لله والشكر ربي
أنت تقرأ
بعد الحب .....
Romanceليس الماضي جميل بكل ما فيه كلا ليس الأمر كذلك بل عقولنا التي لا تختزن في مخيلتها الا كل جميل وتنسى آهات ومتاعب السنين التي خلت ... لتبقى لنا تلكم الذكريات الجميلة التي تحن لها نفوسنا وهي حكمة الخالق .....
