#بعد_الحب
#البارت_ال14
الكاتبة #ميديا_الفهد
#قصص_من_حياتناM&T
فاطمة.. شبيه عقيل تعبت احس روحي مخنوكه 😭 ، لزم ايدي ويريد يحجي وجان اتعيط أمه ....
ام نبيل.. ولك عقييييييل ، شدسوي ولجن بنات سهام شعدجن تفترن ع ولدي ميكفيني ذيج الحية ماخذة الجبير حاصل فاصل
عقيل.. اس اس يمه اسكتي الله يخليج هسه يسمع ابوها والله يموتها خلاص
فاطمة.. ردت اموت من الخوف انوب بابا كاعد بالاستقبال وهيه تلعلع بصوت عالي ، يارب استرني بسترك
ام نبيل.. شعندك وياها احجي
عقيل.. يمه بعدين الخاطر الله نصي صوتج
فاطمة.. خالة ماعندي شي صدكيني بس نصي صوتج كامت تهدد بس شوية نصت صوتها ، عفتهم وطبيت جوة ، صبوا الغدة وام نبيل طول الوقت خازرتني ، ماطولنه راسا رجعنه للبيت ، بس كلش خايفة من ام نبيل خاف اتسويلي سالفة وإني مالي خلك كافي رباب ومصايبها عليه
عقيل.. راحو فاطمة وابوها واستلمتني امي بالحجي والرزايل، تعبان من السفر وروحي طافرة من شفت فاطمة وردت فعلها الي متتفسر انوب حجي امي ودوختها ،، يمه خصم الحجي اني احب فاطمة واريد اتزوجها مو هذا الي تريدين تعرفي
نور.. ورة ما بابا وفاطمة راحوا غسلت المواعين وصعدت للمشتمل واسمع عمتي وعقيل يحجون وصوتهم عالي ، عرفت عقيل فاتح عمتي بموضوع فاطمة ، عمتي كامت تغلط عليه وع اهلي ولعبت طوبة بعقيل ،، نبيل اسمع عمتي شلون تغلط عليه اني واهلي
نبيل.. نور الله يخليج جفيني شر امي شتحجي خلي تحجي اتحملي الخاطري والله گلبي خلص من المشاكل
نور.. وهاي اني ساكته قابل شحاجية والله لو مو انت اني لحظة مااعيش ويه عمتي ، طبعها صعب متنحمل ، اريد اعرف شمسويتلها اني واهلي وهيج تكرهنة لهل درجة
عقيل.. يمه اريد ارتاح راجع تعبان صار فوك السنه مشايفتني هيج تستقبليني لو باقي بالغربة اشرفلي من هل المشاكل
ام نبيل.. وحق الله وعباده يا عقيل يا ابن بطني اذا ضليت ويه اخت الحية الفوك لا اني امك ولا اعرفك واتبرة منك دنيا واخره ، مو كافي مرض واحد كاعد فوك راسي انوب اتسويهن اثنين عليه ، انوب خوش عمي يتكابلن عليه خوات ويصيرن حزب ويموتني
عقيل.. يمه الحجي ضايع وياج اهج واعوف البيت احسن الي والج ،، شلت جنطتي بعدها ع حطتها وإمي مستمرة بالعياط والسب ،
طلعت وصلت للطرمة واسمع داليا اتعيط وتبجي ، رجعت اركض لكيت امي واكعه بالكاع مغمى عليها ، اتخبلت صحت نبيل شغل السيارة صعدنها وديناها للمستشفى طلع ضغطها صاعد ومتخربطة ،،
صحت كمت ابوس بيدها واريدها ترضه عليه وهيه دايرة وجها عني اووف يووم لا تصعبيها عليه والله تعبت من الغربة ورجعت ارتاح
أنت تقرأ
بعد الحب .....
Romanceليس الماضي جميل بكل ما فيه كلا ليس الأمر كذلك بل عقولنا التي لا تختزن في مخيلتها الا كل جميل وتنسى آهات ومتاعب السنين التي خلت ... لتبقى لنا تلكم الذكريات الجميلة التي تحن لها نفوسنا وهي حكمة الخالق .....
