#بعد_الحب
#البارت_ال17
الكاتبة #ميديا_الفهد
عقيل.. ياربي دخيلك ماريد شي بهل دنيا غير فاطمة اكتبها من نصيبي فدواتك ربي ، ماريد اصير سبب تعاستها وقهرها ماريد دمعه وحدة تنزل من عيونها ، يااارب دخيلك لا تخليها حسرة بگلبي 😔
فاطمة.. انوب جيت عقيل زادت الطين بلة ، رجع العياط والغلط عليه ابويه يصرخ بوجهي
بنت الكلب نزلتي روسنه كدام المنطقة انفضحت شوكت اخلص منج ومن عارج ياصكط
محمد.. ولج ليش هيج تسوين ، يابة من زمان عدها علاقة ، جانت سجى تحجيلي ومااصدك بيها طلع كل الكلام صح
فاطمة.. حرام عليكم والله ممسوية شي ليش محد يصدكني وحق القرآن رباب جذابة الله شاهد مجان اكو احد فوك السطح ، اعترف جنت احجي بالتلفون بس محد جان يمي
رباب.. والله ان لم تستحي فاصنع ماشئت ، انتي من الله ماخفتي وخالتلج واحد تواعدين بي بالسطووح تخافين من قرآن حته تحلفين عليه شفتج بعيني سافلة ، وحدة متستحي ماعدها تربية الله يعلم شمصخمه ويجوز مو بس عقيل تعرفين
فاطمة.. خافي ربج مو عندج جهال وبنية لا ظلميني وتتبلين عليه
أبو فاطمة.. ولج الصمي ولا تحجين ويه رباب ولج هاي تاج راسج لو مو هيه جان هسه ذابحج وشامرج بأقرب مزبله ، ولج جنت متحلف اخلص عليج بس هيه توسلت بيه مااسويلج شي المفروض دكومين تبوسين ايدها ورجليها وتشكريها الف مرة
فاطمة.. ع شنو اشكرها ع التهمه الي لزكتها بيه لو الضرب الي حصلته والغلط والفضيحة الي انفضحتها وإني ممسوية شي
رباب.. اممم اي ممسوية شي بس الشحط الي جان يمج بالسطوح ، الله اليستر علينه وكون ممسوية الي خايفة منه
ابو فاطمه.. رباب شتحجين انتي ، لتخليني اكوم اموتها
فاطمة.. لا اله الا الله لج شنو انتي ولج هذا شرف مو لعب شسويتلج اني
رباب.. اي لعد شتريد واحد وحدة وحدهم اكيد الشيطان ثالثهم
فاطمة.. لا والله انتي الشيطان بذاته انتي مو شيطان انتي ابليس يتعلم منج
ابو فاطمه.. بسسسسس ماريد اسمع صوتج ساقطة 👋 ، رباب اليوم تاخذيها للدكتورة تفحصها
فاطمة.. انت شتحجي والله ممسوية شي ، والله اموت نفسي وابيلكم كاافي ظلم كااافي
رباب.. لا عيني معليه اني تروح تنهزم مني لو شي هااي مسؤولية جبيرة بنتك انت وديها
محمد .. اني اجي وياكم
فاطمة.. ولك شجاك ليش هيج اتغيرت ولك اني اختك ، اذا متوكف ويايه منو يوكف ويايه الغريب ؟
أنت تقرأ
بعد الحب .....
Romanceليس الماضي جميل بكل ما فيه كلا ليس الأمر كذلك بل عقولنا التي لا تختزن في مخيلتها الا كل جميل وتنسى آهات ومتاعب السنين التي خلت ... لتبقى لنا تلكم الذكريات الجميلة التي تحن لها نفوسنا وهي حكمة الخالق .....
