#بعد_الحب
البارت ال 11
بقلمي الكاتبة #ميديا_الفهد
فاطمة.. اتقربت ماما ع كاروك رفاه نور خاله المخده ومغطيتها ، راحت ماما ركضنه اني ونور انريد انكوللها نايمه جان توخر الغطة ولكت المخدة ، كامت تعيط وين البنية وينها ساقطات ......
نور.. ماما بس اهدئي وسمعيني موجودة والله موجودة بس ابوها اخذها يشوفها الامه بلكي ترضى وتخلينه نعزل
ام فاطمة.. بلا طلع يجذب عليج ويريد ياخذ بنتج منج شتسوين، ولج ادب سزز اذا كاتلة نفس ع الرجعة ليش زعلتي جان اتحملتي عمتج ولج اذبحج اذا اليوم رفاه مارجعت ، ولج اتعلمت عليها وع صوتها وريحتها الحلوة شلون تسوين هيج غبية
فاطمة.. بقيت الوم بنفسي شلون سمعت كلام عقيل، معقوله هاي خطة مسويها حته ياخذون الطفلة اويلي ربي شورطني اني بس مستحيل عقيل يسويها ،، ماما تبجي ونور فرفحت تباوع عليه ومتكدر تحجي بقيت اروح وارجع بالطرمة تمنيت يصير عندي جناحات واطير اجيبها واجي نور مكابلة التلفون آدك ع بيت عمتها وهم مشغول ،
ام فاطمه.. هاا نور ماحصلتيهم ؟
نور.. لا ماما كله مشغول يطلع ، امشي اني وياج نروح نجيبها فدوة حبابة 😭
ام فاطمه.. ولج وين نروح تريدين عمتج تفضحنه هااي متتفاهم وصوتها عالي منا للعصر يجي محمد واخلي يروح ع نبيل ، بس اذا اجه ابوج متنزلين اذا عرف يكلب الدنيا ع راسج ياثولة اكو وحدة تسوي سوايتج
فاطمة.. واكفة بالطرمة وشفت خيال من جوة الباب فزيت يمه بس لا هذا بابا اجى والله يسوي كتلتنه عمل شعبي ،، كمت اركض اريد اطب اكول النور جان سمعت صوت رفاه يمه طار گلبي
عقيل.. اخذت رورو وطبيت ع امي طبعا مكلتلها راح اجيب بنت نبيل ،، هاج يمه هاي الطفلة لكيتها مشمورة بالسوك كبال محلي
ام نبيل.. عزة وصخام اكو واحد يشمر ضناه بالشارع يمه انوب اتخبل ونظيفة ولك صدك تحجي خاف تشاقة
عقيل.. لا والله يمه صدك احجي ومحد من الناس يشيلها يخافون العالم عبالهم مخطوفة واني جبتها الج انتي تحبين الجهال ربيها تكسبين أجر
ام عقيل.. سودة علية شلون تكسر الگلب ولك خاف صدك مخطوفة خلي نوديها للمركز وانبلغ بلكي ترجع الحضن امها خطية ،ولج داليا ركضي حطي تمن ع الجدر اسويلها فوح سودة عليه اكيد جوعانه
عقيل.. امي صدكت بكلامي تعمدت اسوي هيج حته تعرف شنو معنى واحد يترك ضناه ،، انوب الجنيه تضحك لبيبيتها واتناغي ، داليا كالتلي صدك لكيتها بالشارع غمزتلها بمعنى لا ،، كعدت امي توكلها وهاي تكمز وتكركر ، وكلتها وشبعت ونامت من اللعب والضحك تعبت ونامت ،، كلت الامي :
يمه حظري نفسج ورة متكعد من النوم انسلمها للمركز هاي مسؤولية علينه احنه وينه وين الجهال احنه بنتنه شامريها هيه وامها بيت جدها نكعد نربي الغربة
أنت تقرأ
بعد الحب .....
Romantizmليس الماضي جميل بكل ما فيه كلا ليس الأمر كذلك بل عقولنا التي لا تختزن في مخيلتها الا كل جميل وتنسى آهات ومتاعب السنين التي خلت ... لتبقى لنا تلكم الذكريات الجميلة التي تحن لها نفوسنا وهي حكمة الخالق .....
