اصيل ..اجة وقت الفقرة مالتي لازم ارگص شگد اضوج من نظراتهم و شگد اكره المكان كله هو و الي بي
شذى ..ههههههه عبالج اخليج تتهنين و تاخذين فيصل باردة مبردة… صورت اصيل هي و ترگص و واحد جرهة بحضنة كله عندي فيديو وصور و دزيتة لفيصل
فيصل ..وصلتني رسائل فتحتهم و الصدمة اصيل ترگص و لابسة لبس فاضح و گاعدة بحضن واحد رأساً ضغطي ارتفع و خشمي طگ دم كسرت الموبايل الي جبتلهيا فلشت المكتب مالتي كنت دائما اغالط نفسي والحوالية و اگول هي نظيفة و الظروف جبرتهة تعيش بمثل هذا المكان و هي وهمتني بأنو هي شريفة و ماعدهة سوالف تعبانة بس الحق مو عليهة الحق عليه الي تقشمرت بسرعة و خليت وحدة بنت شارع تلعب عليه
اصيل ..صار اهواااية فيصل ماكو ح اتخبل حتى الظباط الي ويا رجعو ياخذون بنات من عدنة بس هو ابد ليتصل و لا يدز علية ماكو غير اتصل بي من ام فراس
الوو
فيصل ..نعم
اصيل ..وينك حبيبي ضل بالي
فيصل ....رجاءاً بعد لتتصلين
اصيل ..تفاجأت بكلامه ..ليش حبيبي شكو
فيصل ..گتلج بعد لتتصلين ميشرفني احجي وية وحدة مثلج يلا ولي و سديتة
اصيل ..سدة بوجهي ليش شبي هيج گالب عليه شنو بدر مني ..بجيت بحرگة
ام فراس ..لتبجين حبيبتي و حضنتهة ..حتى تعرفين الدنيا كلهة ذيابة و ناس متتمنى الخير للناس
اصيل ..ابجي ..بس اني مسويتلة شي بالعكس حبيتة و احترمته بغيابه وبحضورة ليش شسويت اني لحتى هيج يكسر گلبي
ام فراس ..اكو من وصلة اخبار 📰 مو زينة عنج وشوه سمعتج گدامه
اصيل ..انهاريت ..منو سوة هيج وليش
ام فراس ..سلميهم بيد الله
اصيل .. نار 🔥 وشبت بين ضلوعي اريد ارتاح ربي ليش اطلع من ضيجة اوگع بأسوأ ضليت ابجي لا ليلي ليل 🌃 و لا نهاري نهار
شگد حاولت احجي ويا و افهمة بس يصدني وميريد يسمع مني كرهت الدنيا و هانت علية نفسي اي هانت صرت اشرب وارگص و اروح وية رياجيل واسوي كل الي يسوو بنات الشارع مرت اكثر من سنة ع هالحال و هو و لا سأل و لا اهتم الى ان اجة واحد معروف والة مركزة بالدولة عرض عليه الزواج بالسر و اكيد غراني بالفلوس و گالي شوكت ما يمل او احد يحس بي يطلگني طبعا وافقت و تزوجنة
شذى ..دز علية الظابط صهيب كالعادة
اگولك صهيب اريد اشوف فيصل و احجي ويا
صهيب ..ليش
شذى ..اريد اگوله ع شي
صهيب ..روحيلة هو بغرفته
شذى ..اريد اگولة اخبار 📰 حبيبة الگلب بلكي ينساها و يلتفتلي شوية متت علية وهو و لا مهتم ..دگيت الباب
فيصل ..تفضل
شذى ..اتموع ..شلونك
فيصل ..اهلا تفضلي رايدة شي
شذى ..لا سلامتك بس اريد اگولك ع شغلة
فيصل ..تفضلي احجي بسرعة مفاضيلج عندي شغل
شذى ..تقربت منه و حطيت ايدي ع صدرة.. شبيك عصبي و مطايق نفسك
فيصل ..وخرت ايدهة ..هاي انتي گلتيهة مطايق نفسي اختصري و گولي الي عندج بسرعة
شذى ..حبيبة الگلب تزوجت
فيصل ..بتعجب ..اصيل
شذى ..ايي و شبيك متفاجئ من يومهة لوتية و تعرف شلون تصيد رادت تصيدك بس انت الله نجاك بس لگت الاظبط منك راحت لعبت عليه و اخذته
فيصل ..انقهرت ..الله يهنيهة هسة انتي شتريدين
شذى ..ما اريد شي بس اريدك تحن شوية مو شلعته لگلبي
فيصل ..لتحلمين بحياتي ما التفت لحثالات هسة انتي گلتي الي عندج ويلا بلا مطرود
صوتو 😍😘
أنت تقرأ
انت غير الناس عندي
Literatura Femininaو ما نيل المطالب بالتمني و لكن تأخذ الدنيا غلابا اصيل بطلة القصة تعيش معاناة تعالو نشوف شنو ح يصير بيهة
