اصيل ..امشي امشي ما اعرف وين اروح معقولة ارجع منين ما اجيت للقذارة معقولة اني داخلي لهالدرجة قذر بحيث اروح اروح و ارجع لنفس المكان يجوز اني انتمي لهذا المكان و ميلوگلي غيرة ابجي و ابجي و بالگوة ازيح روحي وين اروح ضليت نايمة بالشارع يومين محد باوع عليه حتى شگد الدنيا قاسية تالي من الجوع و التعب رحت لمكان ( ملهى ) طلبت شغل طبعا كيفو بنية و جايتهم برجليه استقبلوني ارتاحيت يوم و ثاني اشتغلت كالعادة رگص و قذارات و اشكال رياجيل بس الغريب انو اني مو ذيج اصيل الي تتقبل و تتحمل يومية ادعي ع روحي بالموت
فيصل ..مترد عليه و اني بالواجب تخبلت خاف صاير شي گطعت دوامي و نزلت رحت عليهة رأسا ماكو ادور مثل المخبل و اصيح بأسمهة ماكو طلعت برة ادور ماكو وين رحتي كرهتهة و اشتاقيتلهة و انقهرت منهة ليش عفتيني ادور بغراضهة ماخذة كم حاجة مو كلهن لگيت ورقة فتحتهة رسالة منهة بس مفهمت شي شنو تحبيني و شنو عفتيني بجيت و لاول مرة ابجي و انقهرت و تحلفتلهة لان توقعتهة متگدر تعوف حياة الشوارع بس منو ساعدهة اكيد اكو احد ساعدهة بس تذكرت اني حاط كاميرات اكيد صاير شي رحت شفت و رجعته للايام الي اني مموجود بالبيت ضليت اباوع اول يومين عادي بس وراها جايتهة زوجتي الملعونة و هددتهة و شفتهة شلون تبجي و تبوس الحيطان متت متت يعني سوت هيج علمودي حتى ما اتأذة رحت لبيتي تعاركت وية زوجتي و جنزتهة و طلگتهة و ضليت ادور ع اصيل مخليت مستشفيات مراكز حتى البيوت المشبوهة ماكو فص ملح و ذاب ضليت ع هالحال شهرين الا ان اجاني اتصال بأنو هي بالمستشفى و رايدة تشوفني رحت بدون وعي
اصيل ..بقت الايام تمشي و اني نفس الشي و بطني بدأت تكبر شوية بيوم دا ارگص اجة واحد سكران و جرني اجة واحد ثاني گال هاية الية عوفهة و ضلو يتعاركون و واحد يجرني منا و واحد يوديني منا و اثنينهم سكرانين واحد منهم طلع مسدس و سمعت صوت 🔉 طلقات بعدهة صارت الدنيا ضلمة بعيني صحيت اني بالمستشفى و مضروبة طلقات بجسمي بس طلبت منهم اشوف فيصل گالو ميصير حالتج تعبانة توسلت بيهم و انطيتهم الرقم و هم فقدت گعدت لگيتة يم راسي و يبجي
اصيل ..بالگوة احجي ..تتذكر من وديتني لمكانك السري و فات نيزك و اتمنينة امنية اني وياك
فيصل ..ابجي .. ايي حبيبي
اصيل ..تمنيت اموت و اني بحضنك
فيصل ..لا اسم الله لتگولين هيج راح ترجعين و احسن من قبل
اصيل ..تدري اني ما اخاف من الموت لان بالنسبة للي مثلي راحة
فيصل ..اسكتي حبيبي لتعبين روحج
اصيل ..حطيت ايدي ع خدة يعني انت مزعلان مني
فيصل ..لا يا رووووحي مزعلان
اصيل ..امووووت الف مرة و لا انت تتأذة مرة
فيصل ..ابجي ..من تطلعين نحجي هسة ارتاحي
اصيل ..لا حبيبي اني ما اگدر ابقى اكثر شفت امي و گالت اليوم اجي اخذج حضري روحج انت دير بالك ع نفسك و تذكر ..ابلع ريگي بالگوة ..و تذكر اني ..اني احححبك
فيصل ..حبيبي اصيل حبيبي اضرب ع خدهة لا لا حبيبي اصحي وين رحتي دكتوووووووووور دكتوووووووور لخاطر الله و ينكم
الدكتور ..اطلع رجاءاً
فيصل ..طلعت انتظر بس ما اعرف ادعي لو ابجي لو ارجف رجلي متشيلني گعدت بالگاع
الدكتور ..انت زوجهة
فيصل .اييي
الدكتور ..البقاء لله
فيصل ..اصيح ..لااااااااااا لاااااااا دخيل الله لااااااا لزمت الطبيب من ياختة سوي اي شي رجعلياها اجوي السكيورتي وخروني گعدت بالگاع لا ما اگدر بدونهة رجعولياهة لخاطر الله رحت شفتهة كأنما نايمة اخذتهة و دفنتهة بس اني الهة دفنت روحي و گلبي وياها
تصويت 😍😘
أنت تقرأ
انت غير الناس عندي
ChickLitو ما نيل المطالب بالتمني و لكن تأخذ الدنيا غلابا اصيل بطلة القصة تعيش معاناة تعالو نشوف شنو ح يصير بيهة
