انت غير الناس عندي

بارت 10

فيصل ..بعد محجيت وية شذى ضليت مقهور لان مشتاقلهة و كنت اتمنى اتزوجهة بس طلعت حالهة حالهن متختلف خلص راح اسمع كلام امي الي صارلهة سنين تتوسل بية حتى انقل لبغداد و اتزوج بعد ما اگدر ابقى بهذا المكان كوووولشي هنا يذكرني بيهة ها هي الله يرحمك يا گلبي

اصيل ..تزوجت عزام عاملني معاملة حلوة بقيت 9 اشهر ويا و طلگني بس گالي اذا تحتاجين شي اتصلي بية و اكيد رجعت لبيت ام فراس لان ما عندي غيرة و هم رگص و شرب و سوالف تعبانة من هلگد ما كرهت و استصغرت نفسي گمت ما افكر و شكو تصرف محلو اتصرفته لاني ببساطة مليت فيصل انتقل لبغداد و اصلا قطعت الامل بي و بيني وبين البنات الي بالبيت مشاكل و بالاخص شذى لأني بنظرهم محظوظة و مرغوبة شذى مو مكفيهة انو هي حرمتني من فيصل تتمناني ميتة گدامهة حتى ترتاح و تضوج من ام فراس لانو تعاملني زين بدأت مشاكلهة تزيد وية ام فراس لانو تريد هي تسيطر ع البيت الى ان اجة يوم لگينة ام فراس مقتولة بغرفتهة سبحان الله شكو شخص يحبني لازم ينزاح من طريقي و يبقى بس الي يأذيني لا وفوگاها يسموني المحظوظة ع شنو ما ادري هو اني افگر من الفگر نفسه طبعا كل الموجودين يعرفون ورة موتت ام فراس هي شذى بس محد يگدر يحجي يخافون منهة و حتى اني مشفت شي حتى احجي واكيد تطمطمت السالفة و راحت و بقت شذى تلعب بية دمرتني شغل و مشاكل لان هي صارت كبيرة البيت اخر شي فاض بية تعاركت وياها بس شنو موتتهة جنزتهة اخر شي جبت سكينة 🔪 و ضربتهة بعينهة و سويتهة عورة گتلهة هاي نهاية 🔚 كل واحد يدوس علية واني ساكتتلة ههههههههههههه  ههههههههههههه ههههههههههههه ضحكت 😄 بهستيريا سويتهة قبل بواحد راد يتحارش بية و صار اعور و هسة اجة دورج اريد اشوف منو ح يباوع عليج بعد اخذت غراضي و طلعت و عفت الفوضى وراية بس وين اروح و اني ما اندل و كوووولشي ما اعرف مشيت مشيت و ضليت ابجي بنص الشارع بصوت عالي صار الليل و اني بالشارع ختلت بزاوية وگعدت وين اروح ياربي ههههه ميحقلي اشكيلك مو ربي لانك مزاعلني ادري اني انسانة سيئة و ما استحق عطفك اني نكرة اني حقيرة بجيت بجيت و غفيت و اني بالشارع حلمت بعزام و فزيت تذكرتة من گال بس تحتاجين شي اتصلي بية و فعلا اتصلت بي و دزلي سايق اخذني وداني لبيتهم بيت 🏠 السايق الي اخذني اسمه ليث

ليث ..اهلا وسهلا بيج اعتبري هذا بيتج انتي هنا ح تبقين وتشتغلين عدنة اني و امي و زوجتي اريدج تراعيهم لان احنة محتاجين مساعدة ( خدامة ) تفضلي اوديج لغرفتج

اصيل ..البيت كبير و مرتب و انطوني غرفة فوگ زينة و تعرفت ع امه و زوجته حبابين و استلمت الشغل ببيتهم تنضيف ترتيب طبخ اداري الام هم زينين وياية بس اني ما اعرف ليش غرت من دنيا زوجة ليث ما اعرف يمكن لانو بعمري و زوجهة يحبهة و مدللة و جايبيني حتى اخدمهة حتى متكلف نفسهة و تتعب او يمكن لانو اني تغيرت و نزرعت بداخلي صفات جديدة حطيت عيني ع ليث صراحة حلو و جنتل اريد استدرجه ما ادري خباثة او شهوة او هذه التصرفات صارت من ضمن شخصيتي لاني بقيت ببيت دعارة 5 سنين ما اعرف

صوتو 😍😘