انت غير الناس عندي

بارت 16

اصيل ..الحمدلله فرح اهواااااااية اني هم طرت من الفرح يا ربي تمملي ع خير

فيصل ..بما انو راح يصير عدنة نونو لازم نصدق عقد زواجنة بالمحكمة

اصيل ....الحمدلله ربي ..عاد تدري اريد النونو يطلع نسخة منك

فيصل ..لا اني اريدة يطلع نسخة منج

اصيل ..الله ليحرمني منك نور عيوني

فيصل ..و لامنج يا اغلى انسانة ووووووو 💏

اصيل ..هو اكو ناس تموت من السعادة لان اني دا احس ح اموت من السعادة
مشتاقة لفيصل صارلة يومين ماكو خطية حبيبي انذار الله يحفظة بس مگطع وياية كلساع يتصل بية
گاعدة سمعت باب المطبخ دتنفتح جمدت من الخوف اريد اگوم اشوف ما اگدر ما حسيت الا وحدة فوگ راسي
منو انتي و شلون دخلتي

زوجة فيصل ..ليش مگالج سبع البرمبة منو اني

اصيل ..لا منو انتي

زوجة فيصل ..اباوع ع المكان و افتر بي ..هاااا و الله مسعدة مجهزلج خوش بيت 🏠

اصيل ..منو انتي و شتريدين

زوجة فيصل ..انجبي و حطي لسانج بحلگج و سمعيني عدل
عبالكم اني مغفلة تستغفلوني و تتزوجون و عايشين سوة مثل طيور الحب لا يا ماما لا من البداية اني اعرف بس كنت منتظرة ادلة قوية حتى اروحكم بالرجلين

اصيل ..ما اعرف اوصف احساسي رجلية متشيلني گعدت ع القنفة و بجيت ..شتريدين اني ممأذيتج

زوجة فيصل ..و الله زمن بنات الشوارع يحطاً راسهن براس بنات الحمايل لج ساقطة السي ڤي مالتج كله عندي بس العتب مو عليج العتب ع السبع الي جابج من الشوارع و السجون و لفاج
ع العموم هذا الحجي ميوكل خبز 🍞 جاية انطيج الزبدة و اروح شوفي گدامچ اليوم بس تاخذين خلاگينج وتنگلعين و الا اقسم برب العزة انتي ويا ادوسكم مثل الحشرات بالاوراق الي عندي طلعت الاوراق و شمرتهة بوجهها شوفي هاي الاوراق الي زورهة هو و جماعته حتى يطلعج من السجن شوفيهة زين لان اذا منگلعتي راح اخذ جهالي و اروح و اسلم الاوراق للنزاهة مو بس اخسرة وضيفته لا اسجنه بعد حتى خوش يتمعشگ الافندي

اصيل ..ابجي لا لا الله يخليج اني طالعة بس لتأذي

زوجة فيصل ..باجر اجي ما اريد اشوفج و الا قد اعذر من انذر و من تروحين بعد ما اريد اشوف خلقتج فهمتي

اصيل ..لا لا و الله خلص هاهي بس لتأذي

زوجة فيصل ..اعيب عليهة لتأأأذي مخلصة الاخت الله ياخذج و ياخذة بليلة وحدة و طلعت

اصيل ..گعدت بالگاع حسيت روحي بحلم شسوي تهسترت اتمنيت الموت هم راح ابتعد عن فيصل و هم راح تنعاد مأساتي و ابني شلون راح يربة بعيد عن ابو و اني شلون ح اعيش بدون فيصل اللهي اشكو اليك قلة حيلتي يارب اخذني  وخلصني لان هذه الدنيا ما بيهة راحة خلص ايست و مستحيل ابقى و أأذي حبيبي الي احتواني دگ تلفوني هو يتصل كاتبة عليه دنيتي ايي انت دنيتي اتمنى الموت بدونك امشي بالبيت ابوس بالحياطين و اني امشي و ابجي الله شگد حلوة ذكرياتي بهذا المكان من جابتني امي لحد الان ما اتذكر حبيت او ارتاحيت بمكان مثل هنا اني لعنة ايي اني لعنة ع نفسي و ع الكل فيصل سامحني لتحقد عليه الله عليك ما اريد أأذيك عافيتي اخذت غراضي و بوست كل مكان بالبيت و اخذت صورتنة اني و فيصل و كتبت رسالة ع ورقة ( سامحني و لتزعل مني و الله غصب عني ح اعوفك ح ابقى لاخر يوم بعمري  احبك ) عفت الفون و طلعت

تصويت 😍😘