انت غير الناس عندي

بارت 4

ام فراس ..شذى انتي ليش حاطة البنية براسج عوفيهة خطية خلي تتعود وراها يصير خير

شذى ..اشوف احنة ما انطيتينة وقت نتعود رأسا خليتينة نشتغل شنو هي ع راسهة ريشة بعدين مو احنة نشتغل و نتعب و حظرة جنابهة الكسيف تاكل و تنام

ام فراس ..استغفر الله يجي وكتهة البنية باكر يعني بعدهة بالباكيت نحتاجهة بالشغلات الكبيرة

شذى ..اييي هيج مبيتة النية و غمزتلهة .
اعرفج الذيب ميهرول عبث

اصيل ..اجة الليل ليلهم هنا غير شكل البيت انترس رياجيل وضحك و شرب و عياط و اغاني اني متت خوف قفلت الباب و ضليت ابجي مرت كم يوم نفس الحالة ما اختلط بأحد بس احس البنات يضوجون مني و بالاخص الي اسمهة شذى وبالليل اقفل الباب فد يوم گلت خلي اطلع اشوف شكو طلعت شفت شغلات مقززة لبسهم اييييع وتصرفاتهم ايييع و الموجودين كلهم ظباط و شباب و ناس تركص و ناس ما اعرف شيسوون يعني الي شفتة و اني اتختل وگف شعر راسي خفت حيل ثاني يوم اجتني ام فراس حجت وياية

ام فراس ..عيني اصيل صارلج شهر موجودة هنا و شفتي حياتنة و وضعيتنة اني ما اريد اغصبج ع شي بس بعد ما اگدر ابقيج هيج بلا شغل و البنات اكلو راسي اذا تريدين انزلي وياهم و بس ارگصي ع الاقل اكسري عينهم وحللي خبزتج و اذا متريدين كيفج روحي اني ما اجبرج ع اي شي

اصيل ..ضليت ابجي شلون مستحيل خلي اروح لاهلي حتى لو يدوسون ببطني ميخالف ..رحت طلبت تلفون 📱 من ام فراس اتصلت ببابا وابجي حجيت ويا اشو هذا نزل عليه فشار و مسبة و احنة متبرين منج و اذا تجين اذبحج ليش هذا كله يا بابا يگولي لان انتي انهزمتي وصارلج شهر لعبتي چقة و شبر وهسة تريدين ترجعين ونزلتي راسي بين العربان اني سويتلج فاتحة و گلت ماتت و مرت ابوية هم حجت وياية و ضلت تغرد عليه اني صافنة معقولة عمتي گالتلهم انهزمت و هي الي شمرتني معقولة هيج يسوون بية و اني كنت كل الي اريدة ادافع ع نفسي حسبي الله ونعم الوكيل الله ياخذ حقي ان شاءالله…… حرت شأسوي ما عندي غير حل وافقت ارگص جابتلي بدلة رقص فاضحة لو ما البس ملابس اشرف شلون ح البسهة و ارگص گدام الرياجيل
ام فراس ابوس ايدج لتخلين احد يسويلي شي

ام فراس ..لتخافين عندي بودي گاردية ميخلون احد يلمسج

اصيل ..نزلت بس هيج احاول اغطي جسمي اريد اضم نفسي اغمض عيوني و اتمنى اختفي شگد حلو لو من واحد يغمض صدك يختفي من الوجود و يروح بعالم ثاني رگصت گدامهم نظراتهم وحدهة اغتصاب حاولو يتقربولي بس بمجرد خلصت رگص رحت ركض 🏃 لغرفتي متت بجي وضليت ع هالحالة ارگص و اجامل في سبيل اعيش

صهيب ..يمعود استمتع ويانة و جرب يوم واحد متخسر

فيصل ..لا مستحيل ذني كلهن امراض و حتى اتنگس منهن هسة صايرات مكب مال نفايات

صهيب ..و الله انت بطران هسة بس اشيل التلفون ع ام فراس تدزلنة بمكان الوحدة عشرة ولك انت محظوظ هاي شذى كل ما تجي تگولي الله ميحنن الضابط فيصل عليه لك ميتة عليك

فيصل ..و الله لو مو تتوسل يا اخي اشمئز منهن

صهيب ..هسة ام فراس تجي و نگعد نختار بلكي الله يهديك صارلنة اهواي محرومين

صوتولي حبايب