انت غير الناس عندي

بارت 3

اصيل ..اني نايمة انفتحت الباب عليه دخلت علية بنية

شذى ..هااا بضاعة جديدة شو گومي خلي اشوفج جريتهة وگفت لا مبينة صغيرة وحلوة و الجسم مليان لا هالمرة ام فراس جايبة خوش بضاعة

اصيل ..شدتحجين انتي يا بضاعة

ام فراس ..شذى شعندج يم البنية اطلعي عوفيهة ترتاح.. بعصبية

شذى ..شبيج عيني ام فراس ليش متعصبة غير اعاين البضاعة يجوز تطلع مضروبة بيهة شي

اصيل ..تعبانة كوووولش ..هاي شنو شدتحجون

ام فراس ..دفعت شذى اهو اطلعي گدامي و دفعتهة و طلعتهة ارتاحي حبيبتي اصيل معليج بيهة

اصيل ..طلعو من الغرفة ..هاي شتقصد ببضاعة و ليش تصيحلهة ام فراس وهي امهة دخت من التفكير 💭 و نمت ثاني يوم  گعدت يم ام فراس بالمطبخ دتسألني ع اهلي ع وضعيتي تفاجأت البيت بي حركة مو طبيعية اهواااية بنات و صوتهم وضحكهم عالي و يدخنون و ارگيلة و كلساع يجون بنات يباعون عليه ويتغامزون بيناتهم

خالة ام فراس عفية شديصير هنا و ليش بناتج يصيحولج باسمج

ام فراس ..شوفي حبيبتي اني ما اضم عليج وانتي عاجلا او اجلا ح تعرفين اني وحدانية يعني لا اهل و لا زوج و لاخلفة و ام فراس هذا لقب و هذني مو بناتي كلهن مثل حالتج و المهزومة وغيرها صح هذه البيت بيتي و اني بنيته بتعبي

اصيل ..تشوشت ..يعني شنو مدا افهم

ام فراس ..يعني احنة هنا بصريح العبارة بيتنة مثل الملهى من المغربية و للصبح يجون رياجيل اشكال و الوان نرگصلهم و نتعشى و نشرب وكلماً ياخذ الي تعجبة ويروح يعجبة  يبقى هنا او يروح لغير مكان وطبعا كوووولشي بحسابة

اصيل ..الصدمة الحقيقية لساني نعگد معرفت شأحجي لو ضالة ع مرت ابوية احسن… بجيت خالة اطلب منج طلب اني ما اندل اي مكان بس اريدج توديني لبغداد

ام فراس ..شوفي والله انتي كاسرة گلبي اذا اوديج هناك وين تروحين حسب حجيج ابوج گال لعمتج اشمريهة و عمتج مقصرت فعلا شمرتج ابقي هنا و الله ادللج شوفي البنات لبس وذهب و طلعة و طبة صدگيني اذا تروحين هم يشمروج و الي ياخذج ترة يستغلج و متستفادين منه شي

اصيل ..خالة انتي شدتحجين انتي هذا مو مكاني اني طالبة صيدلة ومستقبلي گدامي ما اگدر ابقى هنا يعني ما اعرف شأگول

ام فراس ..شوفي اخذي عهد مني ما اخلي واحد يلمسج الا برضاج

اصيل ..يعني شنو برضاية تعرفين انتي كلامج معناه اني اصير گ.ح.ب.ة.

ام فراس ..مو گتلج ما اغصبج ع شي ابقي فترة هنا و اذا معجبتج الوضعية اوديج لبغداد

اصيل ..رحت للغرفة ابجي يا ربي شنو هالورطة معقولة اخلص من مرت ابوية الي بهذلتني اوگع بالألعن شلون حظ انهزم احسن اففففف زين اذا نهزمت وين اروح اخاف صدگ يستغلوني بس هي گالتلي متخلي احد يلمسني يا ربي يا حبيبي تعبت ساعدني اني وحيدة و ما اندل دربي انت دليلي دبرلي اموري فأني لا احسن التدبير

شذى ..اني سمعت كل الحجي يعني شنو قصدج من تگوليلهة ما اخلي احد يلمسج

ام فراس ..جم مرة گتلج لتتسمعين من ورة البوب متجوزين من سوالفج

شذى ..عوفيلي موضوع الوگفة ورة البوب جاوبيني ع سؤالي ❔

ام فراس ..ترة انتي واگفتلي مثل العضمة بالبلعوم ..واشرت ع بلعومي لتضوجيني انتي مو گدي

شذى ..شوفي ترة اني اگدر افتح بيت 🏠 واشتغل وانافسج بس بيناتنة عِشرة

صوتو حبايبي