اصيل ..انت شنو اتمنيت
فيصل ..گمت وگفت يم النهر ما اگول خاف متتحقق
اصيل ..هههههههه شگد شرير ميصير تغششني
فيصل ..لا ههههههههههههه
اصيل ..هو واگف يم النهر رحت حضنتة من ورة احبك
فيصل ..شنوووو
اصيل ..احبك
فيصل ..و اني امووووت عليج. جريتهة وحضنتهة حييييل ..اتمنى هذه اللحظات متخلص
اصيل ..اتمنى تبقى يمي طول العمر… كان احلى يوم…
عدت فترة اسبوعين فيصل ماكو و لا اي واحد من الظباط يدز علينة اشو انقطعت اخبارهم اني اشتاقيتلة تمنيت لو عندي رقمة احجي ويا و اشوف شنو سبب هذا الانقطاع
ام فراس ..هاج حبيبتي
اصيل ..شنووو
ام فراس .. التليفون فيصل يريدج
اصيل ..طرت من الفرح ....صدووووووووگ.. الو ها حبيبي وينك
فيصل ..عيون حبيبج والله مشتاقلج
اصيل ..مو بگدي وينك اشو ماكو
فيصل ..مدري منو مخبر علينة لان نجيبكم للقاعدة و القيادة والدنيا مگلوبة علينة بس يهدأ الوضع اشوفج
اصيل ..اهااااا خوش
فيصل ..ديري بالج ع نفسج ولتطلعين من غرفتج
اصيل ..ماشي ياروووووحي انت هم دير بالك ع نفسك احبك
فيصل ..اعشقج
صهيب ..هاي شنوو كله حبيات و عشگ
فيصل ..هههههههه حبيتهة و دا افكر شلون اطلعهة من هذاك المكان واتزوجهة وحاير شأگول لاهلي
صهيب ..هاي انت من كل عقلك وگعت لك بابا هذني نتونس وياهن بس مو مال تصير زوجتك و ام بيتك انت تخبلت
فيصل ..لا صهيب رجاءاً مو كل اصابعك سوة و اني اعرف اصيل زين تختلف عنهم
صهيب ..لك بابا شنو تختلف انت جايبهة من بيت دعارة تعرف يعني شنو
فيصل ..بعصبية گمت و دفعت الكرسي احترم نفسك اصيل خط احمر
صهيب ..بكيفك
اصيل ..فرحانة ..هاج خالة هذا تليفونج
ام فراس ..ها فرحااانة
اصيل ..كووووولش
ام فراس ..ديري بالج لينكسر گلبج
اصيل ..الابتسامة راحت من وجهي ..ليش ينكسر گلبي
ام فراس ..الي مثلنة ميحقلهة تحب ولا يحقلهة تفكر تبني اسرة
اصيل ..ليش الي مثلنة مو بشر قابل ما عدنة احساس
ام فراس ..احنة اكثر ناس نتأذة و احنة اكثر ناس الدنيا اجت علينة و داستنة بس المقابل يتوقع انو احنة منستحق الشفقة او الحب او حتى الكلمة الطيبة
اصيل ..بجيت وكلامهة صحاني كأنما كنت عايشة بحلم وردي و صحيت ع كابوس مخيف 😨
ام فراس ..لتبجين بمرور الوقت تعرفين انو محد يستحق دموعج و تشوفين الدنيا و بشاعتهة و كوووولشي تشوفي ع حقيقتة
اصيل ..ليش دتگوليلي هذا الكلام هسة
ام فراس ..لانج محتاجتة هسة اكثر من اي وقت واجب علية انصحج لأني بعمرج ملگيت احد ينصحني و انكسر گلبي اهواااية
اصيل ..بجيت بحرگة ..الا فيصل ما اريد اخسرة هو عندي بعد ربي اذا خسرتة فعلا نهايتي
ام فراس ..محد يموت ورة واحد گوي گلبج حبيبتي ..بالمناسبة الحبوب الي انطيتجياها خلصت
اصيل ..يا حبوب
ام فراس .. حبوب منع الحمل
اصيل ..لا مخلصت
ام فراس .. من تخلص گوليلي لحتى انطيج
اصيل ..طلعت ام فراس وضل كلامهة بأذاني بس اني ممستعدة بعد اخسر ناس احبهم واذا الدنيا تريد تحاربني بعد اني من هسة رافعة الراية البيضاء و مستسلمة
شذى .. شعندج يمهة بمنو كنتو تقشبون
ام فراس ..محجينة ع احد ريحي راسج
شذى ..تدرين الظابط صهيب قبل شوية خابرني وگالي فيصل يريد يتزوجهة لهاي بنت المحظوظة
ام فراس ..مو زين خلي تتزوج عادي ان شاءالله كلچاً تتزوجاً
شذى ..ها يعني مضجتي
ام فراس .. وليش اضوج يمعودة منو مات واخذهة ويا طز بكوولشي
شذى ..بس عبالج اخليهة تتهنى هالبنت المحظوظة
ام فراس ..وشتريدين منهة عوفيهة
شذى.. دخلي تصطبرلي
صوتو 😍😘
أنت تقرأ
انت غير الناس عندي
Chick-Litو ما نيل المطالب بالتمني و لكن تأخذ الدنيا غلابا اصيل بطلة القصة تعيش معاناة تعالو نشوف شنو ح يصير بيهة
