انت غير الناس عندي

بارت 7

اصيل ..عفية عوفيني بحالي

شذى ..و ليش عيني شسويتلج حتى اعوفج بحالج

اصيل ..هففففف استغفر الله گمت دا اروح جرتني من ايدي حيل

شذى ..اسمعي لج من احجي توگفين و تسمعين مني

ام فراس ..شذى عوفيهة شنو انتي تريدين بس تسوين مشاكل

اصيل ..وخري ايدج اني ما اشتغل عندج
شذى ..شگد اكرهج لو بس تعرفين ما اعرف شايفة حالج ع شنو يالمدللة حظج من السمة كلهة مدللتج من يد ✋ ام فراس لايد الظابط

اصيل ..رحت لغرفتي شأحجي وياهة هو هذا حظي دائما بگبري عظم عبالهة اني فرحانة بهذا الدلال ع گولتهة

و ضل دائما يدز علية الظابط فيصل اني اتحمس و افرح من يريدني لان ارتاح ويا حباب مو همجي و دائما ينطيني مصرف و من ينزل لاهلة ببغداد يجيبلي غراض ويا و يسولف وياية حيل گمت اشتاقلة و اتلهف لشوفتة و حبيتة صح ميحقلي احب بس حبيتة اهواااااااية

اصيل ..وين صارلك اسبوع ماكو

فيصل ..مو تدرين اني انزل لاهلي كل اسبوعين

اصيل ..مو اشتاقيتلك

فيصل ..مو بگد اشتياقي و الله مرة ثانية من اروح اجيبلج تليفون لحتى نتخابر دائمًا

اصيل ..ان شاءالله

نمت بحضنة و سوينة كوووولشي و دائما من اني بحضنة نسولف اهواااااااية لحد منتعب و ننام

فيصل ..اصولة اسألج سؤال ❔ بس اذا بي احراج غلسي عليه

اصيل ..تفضل اسأل

فيصل ..انتي ليش تشتغلين هذا الشغل مبين عليج مثقفة وهادئة يعني مو مال هيج مكان

اصيل ..تنهدت ....ااااااااااااااخ راح اسولفلك سالفتي من البداية و انت احكم ..كيت و كيت سالفتي و بجيت

فيصل ..حطيت جگارة بحلگي واخذت نَفَس قوي تدرين دوختيني يعني المفروض هسة انتي طالبة صيدلة

اصيل ..شفت حظي لو بس امي باقية كان هذا كله مصار بية

فيصل ..استهدي بالرحمن ما ادري اني هيج راح اهيج عليج المواجع گولي يا الله الخير فيما يختاره الله

اصيل ....باستهزاء.. ههه يا خير هذا فدوة لعينك

فيصل ..اني سندج و شنو تريدين اني موجود لتبجين گومي البسي اريد اشوفج مكان

اصيل ..شنوووو هسة

فيصل ..ايي هسة مكاني السري من اضوج اروحلة كوووولش ارتاح اريد اشوفجيا

اصيل ..يلا ..

لبسنة و طلعنة تمشينة شوية المكان كلة خضار و زرع و هواء عذب 

فيصل ..تعالي هنا مكاني السري

اصيل ..مشينة شوية مكان ثيل و زرع ونهر صغير جاري و ريحة تجنن و هواء حلو الله مكان ساحر خلاب فعلا حسيت الهواء يدخل بين ضلوعي ذبيت الشال و فتحت شعري و خليت الهواء يدخل بين شعري و يلامس بشرتي و اتنفسة حيل كأنما كانت اخر فرصة الية انو اتنفس بيهة

فيصل ..وگفت اباوع عليهة مثل العصفور الي انطو حريتة كووولشي يريد يسوي بس واگف بمكانة هذه الانسانة شگد الهة تأثير قوي علية ادركت من هذه اللحظة انو اني احبهة

اصيل ..رحت اخذت مي من النهر و غسلت بي و مددت ع الثيل ..فيصل تعال

فيصل ..ها شنو رأيج بالمكان

اصيل ..يجنن لو جايبني من زمان كان كسبت بية اجر

فيصل ..خلص و لا يهمج راح اجيبج دائما هنا… مددنة اثنينة و ضلينة نباوع ع السماء

اصيل ..اشو هنا اهواااية نجوم من كنت ببغداد اباوع ع السماء ما بيهة هلگد نجوم

فيصل ....ههههههههههه

اصيل ..باوع باوع هذا نيزك اتمنى امنية سكتت شوية اني تمنيت

فيصل ..اني هم اتمنيت انتي شتمنيتي

اصيل ..ما اگول ميصير خاف متتحقق

صوتو 😘😍