انت غير الناس عندي

بارت 12

اصيل ..بدأ يحقق وياية الظابط و اني انكر صراحة ردت اغري مقابل انو يخلصني بس اول مبديت احاول ويا عرفت انو بدلو والظابط الجديد ميتفاهم صراحة شلت هم دخلت للتحقيق بس الصدمة الظابط كان فيصل من شفته جمدت بمكاني ما اعرف شصار بية رجعني لايام البراءة و النضافة شگد كنت مسكينة و ع نياتي و الدنيا لطشت بية هو هم ضل صافن

فيصل ..قبل متفوت عرفتهة من ريحتهة هذه الريحة الزاكية يااااااااااا شگد مشتاقلهة انقلت و تزوجت وصار عندي اطفال اثنين و ما نسيتهة وبقيت احبهة و افكر بيهة واشتاق لحضنهة… ضلينة صافنين بوجه بعض نظراتي كانت اشتياق بس نظراتهة عتب

اصيل ..ضليت اباوع عليه بس رأسا صحيت و فكرت هذه فرصتي للانتقام ما اني مؤخرا صرت هيج كل حياتي كره و انتقام و اختفى الحب منهة حتى نفسي اكرهها و اريد انتقم منهة ..گعدت و بدأ يحقق وياية كأنما ميعرفني و لاكأنه كنت بيوم اقرب شخص الة و اني نكرت بس ردت اطلع من يمة اريد افكر اختنگت و اني گاعدة يمة رحت گعدت وحدي هسة شسوي اريدة احبة بس اريد أأذي شلون ضليت افكر……
هم دز علية لحتى يحقق وياية بس بديت احاول ويا نظراتي و تصرفاتي بديت اتغنج و اتموع ما اعرف ردته يتقربلي لان مشتاقتله لو لحتى أأذي ما ادري ما ادري بس هو رفضني و بعدني عنه و ضل دائما من يحقق وياية احاول ويا و هو يبعدني

فيصل ..راح تخبلني متغيرة و صايرة احلى و د تحاول وياية ما انكر اني ميت من الشوگ و بالگوة ماسك نفسي بس للاسف البراءة الي كانت تمتلكهة راحت صارت انسانة ثانية

اصيل ..بدأ يحقق وياية تقربت منه شنو ممشتاقلي ممشتاق للحضن للحب

فيصل ..رجاءاً انتي متهمة و اني ظابط خلينة نكمل التحقيق ع خير

اصيل ..ابتسامة خبيثة ..ليش خايف مني

فيصل ..و ليش اخاف منج

اصيل ..يعني مثلاً متگدر تقاوم و تضعف

فيصل ..شبيج متغيرة صايرة انسانة ثانية

اصيل ..متغيرة للاحسن لو للاسوأ

فيصل ..للأسوأ طبعا

اصيل ..اني اشهد بهذا التغيير الي انت مراضي عنه انت الك الفضل الاكبر بي

فيصل ..و ليش اني هو انتي اساسا كنتي هيج بس مثلتي عليه

اصيل ..ههه اييي تصدگ اني اموت ع التمثيل بالاخص اول متعرفت عليك كنت ممثلة بارعة حتى نعرضت علية اهواااية افلام امثل بيهة

فيصل ..هاي شبيج شدتحجين

اصيل ..شدا احجي ههههه مو مهم عوفني اني ساعات اهلوس بحجي مابي معنى تعال متريد حضن دافي و بديت انزع ملابسي گدامه

فيصل ..هاي شنو شدتسوين البسي

اصيل ..چؤ چؤ تعال ممشتاق

فيصل ..بعصبية گتلج البسي و ضربتهة راشدي قوي وگعت بالگاع

اصيل ..ضربني لبست و طلعت رأسا بس شنو احساس بالاهانة و بالحقارة و الدنائة الي حسيت بي حسيت نفسي بالحظيظ كنت اتمنى يشوفني بأحسن حال و اخلي يتندم انو عافني بس للاسف شافني بأردة حال اني شنو اني نكرة اني لا شي كرهت نفسي و تمنيت الموت حياتي صارت عبارة عن اغري  فلان و ارضي علان كأنما دا اتسابق وية نفسي ع منو الي راح يستعملني و يشمرني بعدين مثل الخرقة الوسخة الي يمسحون بيهة وساختهم و يذبوهة مو ذنبي من شب على شيء شاب عليه هذا الي شفته و تعلمته يا ربي امووت و اخلص اكره كل الي وصلني لهنا

تصويت 😍😘