الأمير وذات الشعر الطويل

* الفصل الأول *

ابطال الروايه ...
لامار:بنت هاديه من الخارج ، عنيفه جدا من جواها ، غامضه و متماسكه و قلبها اجمد من قلب اي راجل ، دماغها ناشفه جدا و قرارتها واحده ما بتتغيرش .. في الوقت ده كان عندها 20 سنه
قاسم:شاب طويل و عريض جدا هيأته تخوف اي حد من بعيد ، وسيم احيانا و صعب اكتر الاوقات ، قاسي من الخارج و احاسيسه ميته بس من جواه طيب لكن عمرة ما اظهر طيبته دي ابدا .. و كان عنده 26 سنه في الوقت ده ....
( روايات بسوم )
************************************
في بيت كبير اوي ، في اسكندريه على البحر .. جميل جدا من برا كأنه قصر بس من جوا يشبه مكان مهجور من سنين .. بتتفتح الشبابيك و بتدخل الشمس علي البيت كله و بتتفتح غرفه موجوده فيها لامار و بتدخل ست كبيره في السن الغرفه ، و بتتكلم بعنف ....
اسمهان(الست الكبيره):مش ناويه تقومي بقي ولا انتي هنا عشان تقرفينا ، و ناويه تكملي القرف اللي معيشنا فيه من زمان دلوقتي كمان
لامار بخوف:انا عملت ايه يا طنط ، انا حتي مش بنام حرام عليكي
اسمهان:حرمت عليكي عيشتك بنت قليله الادب ، و بعدين ايه طنط دي انا اسمي اسمهان هانم ، و حسك عينك اسمع منك طنط دي تاني ، فاااهمه ؟!
لامار بلجلجه:ح اا ضر .. حاضر يا اسمهان هانم
اسمهان:يالا قومي فزى عشان تنضفي البيت كله ، بقاله يومين ما اتنضفش و سيادتك مرحرحه علي الاخر ، و كمان في غدا لازم يتعمل و حاجات كتير لازم تخلص ، و لازم سيدك قاسم يرجع يلاقي كل حاجه خلصانه
لامار:ايه كل ده بس
اسمهان:انتي هتنطحيني ولا ايه
لامار:انا تعبت بقى بقالي اكتر من سنه هنا خطفني من اهلي و بتعذبوني و بعد ما بدأتوا تفكوا عني الاسر بقيت بشتغل خدامه و بدون اي مقابل ، انا عملتلك ايه ذنبي ايه في كل ده ، انا مجرد واحده ضحيه ذنب ارتكبه عمها من سنين و لسه صغيره ليه كل ده !!
اسمهان:ذنبك .. انتي لسه بتسالي ايه ذنبك ، ده انتي ذنبك كبير اوووووي ، ماحدش فينا عمرة هيسامحكوا ، و حقنا هناخده منك انتي بس بعد ما نخلص منك كل العذاب
لامار بعياط:طب انا عملت ايه ، و انبي ارحميني انا اتعذبت كتير و مابقيتش حمل عذاب تاني
اسمهان:ماسمعش منك كلمه كماااان و بطلي بقي عياط و مسكنه ، بلاش تقلدي امك و حركاتها الخيبانه دي
لامار:انا ما عملتلكيش حاجه ، ليه كل ده !!!
اسمهان:انا مش هدخل في نقاش مع حته واحده لا راحت ولا جت ، انا طالعه اوضتي و قدامك 3 ساعات لو البيت كله ما خلصش تنضيف انتي عاااارفه ايه اللي هيحصل
لامار بكسره:حاضر
( روايات بسوم )
مشيت اسمهان و طلعت علي اوضتها و سابت لامار .. قعدت لامار علي سريرها و حضنت دماغها جامد و انهارت من العياط و هي بتتكلم مع نفسها ....
لامار:ياارب انا عملت ايه لكل ده .. ياااارب خرجني من اللي انا فيه ، ارحمني يااارب باي طريقه من عندك
سكتت لامار ، و سرحت شويه و رجعت تتكلم تاني ....
لامار:و يا تري مين قاسم ده كمان اللي بتتكلم عنه ، هو انا ناقصه حد تاني ينكد عليا عيشتي ، مش كفايه اللي انا فيه و الحرص اللي مش سايبني في حالي ليل و نهار ابدا .. يااارب بقي تعبت
فضلت لامار تعيط كتير و عشر دقايق و مسحت دموعها ، و قامت تعمل اللي قالت عليه اسمهان و هي مغلوبه علي امرها .. بدأت لامار باول اوضه في الدور التاني و هتنزل تدريجيا ، و هي بتنضف بدأت تفتكر ....
( روايات بسوم )
......................فلاش باك.....................
من سنه و نص فاتوا ....
إلهام(مامت لامار):احنا لازم نمشي من هنا فورا
لامار:ليه كده يا ماما
إلهام:جالي تيلفون الصبح من ام مرات عمك بتهددني فيه بخطفك لو ما انتحرناش احسن
لامار:مش فاهمه حاجه ، ام مرات عمي مين و ننتحر ازاى او يخطفوني !! ايه ده يعني انتي بتهزرى ؟
إلهام:و الله ما بهزر ده اللي حصل
لامار:انتي عارفه ان ماحدش يعرف ولا يقدر يعمل مع لامار كده يا ماما ، انا اها لسه صغيره بس بردو لامار
إلهام:عااااارفه بس انتي ماتعرفيهومش ، دول اقوي من اي حاجه و من اى حد في الدنيا
لامار:هما مين دول
إلهام:اهل مرات عمك اللي ماتت من 18 سنه
لامار:انا مش فاهمه حاجه ، فهميني
إلهام:حاضر بصي يا ستي .. انتي عارفه طبعا ان ابوكي الله يرحمه عنده اخين صح
لامار:اكيد
إلهام:تمام .. احمد و محمود دول كانوا اصحاب اووي يعني كانوا اخوات زي ما محمد الله يرحمه كان اخوهم بس دول كانوا اقرب لبعض من محمد
لامار:تمام كملي
إلهام:المهم ان احمد كان بيحب واحده من عيله كبيره اوي و كان اهلها رافضين يجوزهاله ، بس بعد معاناه طويله بينهم وافقوا و اتجوزها .. و محمود في الوقت ده كان متجوز بنت عاديه جدا من عيله فقيره اوي
لامار:طب و مرات عمي احمد دي كانت اسمها ايه
إلهام:مرفانا
لامار:اوك كملي
إلهام:محمود كانت مراته مش بتخلف خالص و احمد و مراته كان عندهم بنت جميله اوي في الوقت اللي بكلمك في ده كانت چوليت عندها 5 سنين
لامار:مين چوليت
إلهام:بنت احمد و مرفانا
لامار:تمااام و بعدين
إلهام:طول الفتره دي كنت انا و محمد الله يرحمه لسه بنتعرف علي بعض و اتخطبنا ، المهم في الوقت اللي كانت چوليت فيه عندها 5 سنين كنا احنا متجوزين بقالنا سنه ، و في يوم مرفانا كانت تعبانه جدا و المفروض احمد ينزل يجبلها علاج او دكتور .. بس ماكنش في حد يقعد بچوليت و مرفانا ماكنتش هتقدر تقعد بيها ، المهم اخدها احمد و نزل و سابوا مرفانا في البيت و ....
.........................
#بسمه_ممدوح