بارت 6
رافد اخوي هو كلشي بلنسبة الي الاب لنو والدي مات من اني صغيرة وهو الاخ وهو الصديق وكلشي الي بلدنيا موفرلي كلشي اريدة
بس يوم عن يوم مشاكل رونق ورافد تكثر رونق تريد خادمة وتريد تعزل لوحدها لنو تعبت تكول من شغل البيت هو حقها واساعدها بس هي لايعجبها العجب ودائما تتعارك وياي وتشمر حجي
وتعيرني بسالي تكول بت السايق الفكر واني اعرف انو هي تغار منها بس ليش تغار ع شنو ما اعرف وسالي بعد ملتجينة قليل تجي اذا رونق ماموجودة بلبيت لنو دائما تسمعها حجي
خطية ماتتحمل وصارت ماتجي وتجنب المشاكل اني اروح الها
اجت الامتحانات مال نهاية السنة صف الخامس وقررة نشد حيلنة بلنهائي خاف نكمل بمادة والعطلة تضيع علينة ما ندرس للسادس
فعلا امتحنة ومنتظرين النتائج ورافد تكفل تكلفنة ندخل عد مدرسين نخضر نفسنة للسادس وحتى اتكفل بدورات سالي
هنا عرفت رونق انو رافد اتكفل بدورات مال سالي كلبت الامة علينة وزعلت وراحت ل اهلها
رافد ما اهتم الها وشغل البيت كله علية خلال 15 يوم هلكت ردت ارتاح بيها لخاطر استعد للسادس
والحمد الله كملنة احياء والادب واسلامية والفيزياء مواد الحفظ كملناهن بس المسائل ومواضيع تحتاج شرح تركناها للمدرسين
باحر النتائج رحت ل سالي نروح للمدرسة سوة لخاطر نجيب النتائج بس جانت بلحمام وكتلها انتي روحي واحنة اصلا ناجحين المن جايبيهن
رحت للمدرسة
سالي .. مرت علية تمارة واني جنت بلحمام هي مارحت وياها هي راحت
طلعت من الحمام واشوي اجة بابا جان بوقتها تعبان وجه مخطوف واصفر. ويتراجف سئلتة ماما شبيك حجي شصاير وياك كالنة راسي يوجعني واحس نفسي مصخن غطوني بردان و انطاني السويج كالي روحي نزلي المسواك من السيارة
رحت نزلت المسواك ورجعت
ومنتظرة تمارة
رحت لبابا كسر خاطري راسة يوجعة كاعدة ادلك اله براسة
تقريبا نص ساعة ونسمع العياط والباب مالتنة اندكت واندفرت. ورافد جفت ع بيتنة وملابسة مليانة دم وركض ع بابا ويكولة انت قتلت تمارة ويضرب بابا
اني متت من خوفي انرعبت من شفت هذا الموقف تمارة شبيها تمارة عيطت ع رافد كتله شبيها تمارة واجو جوارينة كمشو. ل رافد
بابا كال ل رافد شنو شبيك شتحجي
&
&
&
#رواية_فصليه_الشيخ_رافد😻🦋
