بارت 17
گتلة اريد حريتي والقاتل عرفتة منو لازم تطلگني
رافد..صدمتني سالي من طلبت الطلاك
ما اعرف بعد شسوي
رحت ل ابو محمد وگتلة ما اريد اطلك بنتك اريدها بس هي مصرة انو تطلك
گالت اني ما اجبرها هي بكيفها تريد تبقة وياك تريد تطلك هي حرة
رافد..ماكو امل من ابو محمد
رحت ل امي لنو امي تعرف تقنع سالي وسالي تحب امي وتقدرها
يمه دخيلج سالي طلبت الطلاك
واني ما اريد اطلكها اريدها يمه احبها
ام رافد..رحت ل سالي اقنعها ماقبلت ابد مصرة ع الطلاك حجيت وقنعت ابد ما اقتنعت
سالي... واخيرا راح احصل حريتي وارتاح من المشاكل وتعب وارجع مثل قبل
حاول وياي رافد وام رافد اني قافلة
ابد ما اريد
وتركت البيت ورجعت ل اهلي
اهلي ماقبلو بلبداية اطلك عبالهم مرتاحة بحياتي حاولو يقنعون بيه ورافد ماكو احسن منه ومن هاي السوالف
اني اتحملت واتحملت واتحملت حجيهم تالي انفجرت بوجوهم
وحجيت الهم كلشي من اول ما دخلت البيت لحد الساعة الي طلعت منها
اهلي انصدمو گالو ليش ماتحجين
گتلهم شحجي هاي حياة الفصلية وماتگدرون تغيرون شي
بابا دخيلك ما اريد ارجع رونق والله مو راحة تهمتني بشرفي مرة الله يعلم المرة الثانية شسوي
وفعلا اهلي وگفو وياي وگالو ماترجعين الهم بعد وخلاص تطلكين يعني تطلكين
واخيرا جان اطلك
وارتاحيت ردت ارجع دوامي رحت شفت مدرستي ونتيجتي ناجحة والدوام بادي وبعد اسبوع ل امتحانات نصف السنة يعني ما يحقلي ادرس ولا الحك
قررت السنة التجي ادرس
وجان رجعت للبيت وبقيت ادرس
اختي لمار اجتنة وگالت ولج سمنانة شتاكلين وطالع عندج كرش
انتبهت نفسي انو فعلا سمنت هل المرة بس غريب اني شما اكل ما اسمن ليش هسة سمنت
دخيلك ربي بس ولا الي بالي صدك يطلع غيرر انتهي اخذت لمار ورحت اسوي تحليل وطلعت حامل
يالله ليش هيحي صار وياي كلما اكول فرجت اوكع بمصيبة
&
&
&
#رواية_فصليه_الشيخ_رافد😻🦋
