بارت 13
رافد.. سالي اتغيرت ورجعت عافيتها الها الحمد الله
هنا وبهل الوقت ما اعرف شنو الي يصير وياي بديت نجذب الها
ورونق مرتاح من مشاكلها مرت ايام وامي حيل حيل اتغيرت وحنت ع سالي وصارت ومدللتها دلال
وسالي اقترحت علينة انو ناخذ غراض تمارة ونوزعهن للفقراء امي مقبلت بلبداية
بس بعدين قنعناها
واخذنة الغراض ورحنة انطيناهن
رجعت للبيت لگينه رونق بلبيت
بصراحة ضجت منها مو مثل قبل احبها
ماعاد تهمني
وجودها وعدمة واحد
رونق.. لازم ارجع للبيت ما اخلي الها وتستغل الفرصة وتتقرب من زوجي لازم اخلي يكرها
رجعت للبيت ما لگيتهم موجودين طالعين متت قهر ليش هيج نسوني ولا همهم
ام رافد.. اني مؤمنة وهل الشي حرام وكلمن يموت بيومة حتى لو جانت تمارة بلبيت وما طالعة راح تموت لنو هذا قدر ربي وسالي ما الها ذنب
صار الها خمس اشهر متحملتنةة وراويناها الويل
باجر الله يعاقبني لنو اني اقترحت ع رافد انو يجيبها فصلية
البنية حبابة ونادرة وكلشي سويناه بيها مايوم حجت ونطقت كلمة لازم اخلي رافد يحسبها مثل رونق
صحت ل سالي
حجيت وياها يمه انتي مقتنعة بشكلج اكو وحدة مزوجة هيج حالها اني ظلمتج اهواي والله يحاسبني بيوم القيامة
لازم اغير حياتك ومن اليوم حالج حال رونق فهمتي اهتمي بشكلج وبنضافتج اذا تبقين هيج عمرة رافد ما راح ينتبه عليج واني يجي يوم واموت راح تبقين ل رونق وتشلع كلبج
اخذتها لصالون ورتبتها واشتريت الها ملابس واحتياجات وحدة مزوجة
وحجيت وي رافد
تحسبها مثل رونق
وتعدل بينهن
رافد ... رجعت للبيت وشفت سالي بلمطبخ صابغة شعرها ومرتبه نفسها
سبحان الله ع هذا الجمال
شافتني استحت هي
كتلها حضريلي عشة
رحت للغرفة شفت رونق تبجي وقسمت اذا اقتربت ل سالي راح اكتل الجهال واكتل نفسي
هنا فكرت انو فعلا تسويها رونق مخبلة نعلت الشيطان
اتعشينة امي صاحتلي اليوم يم سالي تنام فهمت
كتلها يمه مو هسة بعد وقت مالي نفس بلبنية. خليني براحتي ما كدرت اكول ل امي ع رونق خاف تصير مشاكل
سالي .. اباوع ع نفسي بلمراية اوووه شنو هل الجمال معقولة هيج اني حلوة
&
&
&
#رواية_فصليه_الشيخ_رافد😻🦋
